- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
«ناۋرىزىم ــ مەرەكەم»(9)
2013.04.19 13:05
ناۋرىزىم − مەرەكەم
ارىنبەك مۇقاجان ۇلى
ناۋرىزىم ۇسىنعاننان باس مەرەي،
شاتتانامىز كارى دەمەي، جاس دەمەي.
نۇر ەسەلەپ، توڭ ءجىبىپ، جەر ەريدى.
كوز ارشىلىپ، اشىلادى تاس، كومەي.
ءتاڭىر قۇتى كۇنمەنەن ءتۇن تەڭەلىپ،
قۋانىشقا الەم جاتاد بولەنىپ.
انامىزدىڭ الاقانى سەكىلدى،
مايدا، جىبەك سيپاپ وتەر جەلەمىك.
قۇپ جاراسقان اتقوسشىداي شات زامان،
ويانعانداي قالا، دالا، باق-باران!؟
ناۋرىزدى ارداقتاعان ەلىمدى،
قىزىر ىزدەپ، باق، بايلىعى جاقتاعان.
حانمەن قارا ۇلىس كۇنى تەل تۇنىق،
ادامزاتى سۇيىنەردەي ول قۇلىق.
ۇلكەندەرگە ەرە تارتقان بالانىڭ،
تۇلىمىنداي سەلتەڭدەيدى ءتول، شىبىق.
كوجە ىشىلگەن تاي مالتارداي شارادان...
جاعالارىن ۇستاي بەرسىن قاراعان.
قىراندارىم قىلاڭ ۇرا اۋەلەن،
اق ساۋلەلەر ساعىمداسىن تانادان.
كوڭىلدەگى بولىپ كەلگەن توتە ارمان،
عانيمەت-اق وسى شاققا جەتە العان.
شابىتىندا كوسەگەدە كوگەرگەن،
اتا ءداستۇر بولعاندىعى وتە اردان.
جاستار ءان-كۇي، قارتتار توگىپ باتاسىن،
كەشىرەدى ارازدىقتار، قاتاسىن.
كوپىر سالعان، جول جوندەگەن قاراڭداپ،
اسۋىندا مەجەلەيدى اساتىن.
پەندە ەكەنبىز ءاز بولماي ءماز بولماعان،
ناۋرىزدى ءبىر اي تويلاپ، تولعاعان.
كونە تۇلەپ، جاڭا ءوسىپ، ءجۇز جايناپ.
مەيىرباندىق جۇرەكتەردە ورناعان.
وندا استە تىرنامايدى جارانى،
قوقسىقتاردى جيىپ وتقا جاعادى.
قاۋىشادى توسكە ءتوستى تيگىزىپ،
جىلاندى دا «حوش قىپ» جولعا سالادى.
ىرىمىن عىپ، كوتەرەدى سورەنى،
جەتىمدەردى ءسۇتى بارعا تەلەدى.
مال باسىنان كەتكەندەرگە اپاتقا،
قولدا باردان جىلۋ اتاپ بەرەدى.
جازدىڭ وركەن، قىستىڭ تۋىپ تولەمى،
تىرشىلىكتىڭ نوكەرلەيدى كولەمى.
وكىمەتتە وتكەن جىلدى ۇزاتقان،
جاڭا باستان اتتانىسقا كەلەدى.
جاقسىلىقتىڭ باستاماسى...
مەرەكەم،
سارمايىنداي ساقتار مۇرا،
ەي، ەركەم!
ءتاۋ ەتىڭدەر،
ءتاۋ ەتىڭدەر ماڭگىلىك،
وندا بەينە، وركەنيەت، بەرەكەڭ.
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
