- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
«ناۋرىزىم ــ مەرەكەم»(10)
2013.04.19 13:05
ناۋرىزدان ناۋرىز، ناۋرىز كۇن
ايدىن قاليبەك ۇلى
ۇلدە كيىپ ءۇش ءجۇز الپىس بوز بالا،
سالەم بەرىپ كۇنگە ورنىنان قوزعالا،
توعىز تاراۋ كۇيىن تارتىپ توعىز ساق،
ۇلۋ كۇنى بۋسانعاندا بوز دالا.
توعىز قابات تورقا كيىپ قىزىلدان،
تاعزىم ەتىپ تاڭ نۇرىنا سىزىلعان،
كۇن جالاۋىن جەلبىرەتىپ توبەگە،
قاعان شىعار حان ورداسى − قۇزىردان.
ءتيىپ كەتسە باقىراتىن ماياداي
وڭعا باسسا بەينە جال مەن جاياداي،
قىرىنا السا قىراتۇعىن «ءولى ارا»،
وتاپ كەتەر ويىلعان جۇت اياماي.
ءتۇسى سۋىق تۇسكە دەيىن مۇيىزدەي،
تۇستەن كەيىن ءتۇسى جىلى كيىزدەي،
كەلەتۇعىن «بەس قوناقتان» قورىققان،
قىل اياعى ءيتىن تىعىپ ۇرگىزبەي.
قار ەرىسە تورعاي باسى قىلتيىپ،
جازدا تۋار، جاۋقازىن دا بۇلتيىپ،
تۇمسىق باتىپ، ىشە الماسا قار سۋىن،
قىس اياعى قىرىق كۇنگە قىرتيىپ.
جەتى دامنەن كوجە ىستەر كوپىرتىپ،
ەتى ءدامدى وگىز سويعان وكىرتىپ،
ءداس قويعاندا قىرىق كەسە كوجەنى
اسىل تاعام اۋىزىڭنان كەكىرتىپ.
ۇزاق دەگەن قۇس كەلەدى كوك مويىن،
بيلەپ ۇشىپ كوكتە سالار كوپ ويىن،
ۇشاتۇعىن جۇدىرىقتاي جۇمىلىپ،
الىپ كەلگەن جىلقىشى قۇس تەك تويىن.
قۇل قۇتىلىپ جىلقى باققان قۇرىقتان،
كۇڭ قۇتىلىپ سىرماق سىرعان سىرىقتان،
كوزىن تاڭىپ، جۇزىك كوزىن اتقانعا،
تاعىن بەرىپ، حان دا ايىرىلعان «ىرىقتان».
قىراتتاردىڭ قويىنى ءجىبىپ، ءزار وتكەن،
قۇراقتاردىڭ مويىنى جىلىپ، ءنار وپكەن،
سۋ يەسى − «اق بۋراعا» سيىنىپ،
بۇلاقتاردىڭ كوزىن اشىپ تال ەككەن.
پەرى تۇسكەن ۇلۋ تاۋدىڭ باسىنا،
ەل مەن ەرىن ەرتىپ قاعان قاسىنا،
جاسارتاتىنء ازدىڭ كۇنى ءماز بولىپ،
بولە جەگەن ۇلۋ ەتىن اسىنا.
قىزىرىنان تىلەۋ تىلەپ رۋعا،
مال ايداتىپ «بالىق قىزداي» سۇلۋعا،
جيىلىسىپ ۇلۋ كولگە مال شالعان،
قىزىلىنان قىرىق قويدى ۇلۋعا.
قاريالار بەرىپ ناۋرىز باتاسىن،
جاريالار ارۋاق قونعان اتاسىن،
قۇتتىقتاسىپ ۇلكەن-كىشى جاستارىن،
كەشىرىسىپ وتكەن-كەتكەن قاتاسىن.
ۇلۋ اتىن تاۋعا قويعان سۋىنا،
ورنەكتەگەن توعىز شاشاق تۋىنا.
ۇلىس، رۋ، ۇلجان، ۇلپان، ۇلبوسىن،
ناۋرىز قۇسى − ناۋرىز كوكتەي قۋىنا.
ناۋرىز تويى − ۇلىستىڭ ۇلۋ كۇنى،
جەر بەتىنە جەتەتىن جىلۋ كۇنى،
«باق قاراسا، داريتىن قىدىر قونىپ»
كوز ىلمەستەن كۇزەتكەن «ىدىر ءتۇنى»
جەمەنەي اۋداندىق تولىق ورتا مەكتەپ
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
