- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
«ناۋرىزىم ــ مەرەكەم»(16)
2013.04.19 13:05
ناۋرىز جىرى
ەرمەكباي قۇرمانجان ۇلى
كەلەتىن كۇنىمىزدىڭ جارىعىندا،
كەلەتىن كارى-جاستىڭ قارىعىندا.
كوڭىلدى كوكتەم سيلار اۋىلىما،
جىرىمدى ايتقىم كەلدى ناۋرىزعا.
ۇلىستىڭ ۇلى كۇنى، جىلدىڭ باسى،
جىرلاناتىن مەرەكە جىردىڭ باسى.
كوپ تىلەگىن كوجەمەن توعىستىرىپ،
كوڭىلدەردە كىربەڭدىك تۇرعىزباسى.
اماندىق بولسىن ءاربىر وتباسىندا،
كوجە ءىشىپ قىسپەن ءبارى حوشتاسۋدا.
مەيىرىڭ نەگە ءبىزدى جىبىتپەسىن،
سامارقاننىڭ جىبىتكەن كوك تاسىن دا.
ناۋرىز قالادا دا، دالادا دا،
ورناپ قالدى ۇلى كۇن ساناعا دا.
كەلەدى بەيبىت ءومىر ايعاعىنداي،
ءبىر قۋانىش قارتقا دا، بالاعا دا.
ناۋرىز جايلى ءان شىعار توڭىرەكتەن،
كۇتەدى سەنى ەل-جۇرت، سەنى كوكتەم.
جەتى دامنەن بىرىككەن ناۋرىز كوجە،
ادالدىق، بەرەكەنى نەگىز ەتكەن.
تىلەيمىن ناۋرىزدان جىلۋلىقتى،
جەلبىرەپ تۇرا بەرسىن تۋىڭ مىقتى.
كوكتەمنىڭ قارىمەنەن جۋىپ كەتشى،
ساقتالعان جەر بەتىندە زۇلىمدىقتى.
وتكەنىن ءبىر جاسىمنىڭ سەنەن بىلەم،
تاپپايمىن ناۋرىزعا تەڭەۋدى مەن.
مەرەكەنىڭ اق ءدامىن تاتقاننان سوڭ،
اتتاپء وتىپ كەلەمىن كەدەرگىدەن.
ۇرپاقتارعا كەلەدى سىر ۇقتىرىپ،
كوزىندەي بابامىزدىڭ تۇنىپ تۇرىپ.
ناۋرىز مەرەكەسى ادامداردىڭ،
وكپە-نازىن كەتەدى ۇمىتتىرىپ.
ناۋرىز − تىنىشتىقتىڭ ەلشىسىندەي،
ەلدىڭ بەينە بولىسپەس ەنشىسىندەي.
ناۋرىزدىڭ وسىنداي قاسيەتى،
ادامدىقتىڭ نىسانا، بەلگىسىندەي.
ناۋرىز باقىت بەرسىن جەر جۇزىنە،
بولەنسىن راحاتقا كەڭ دۇنيە.
ەڭ ۇلى مەرەكەنىڭ ءبىرى بولسىن،
دانەكەر بولسىن ەلدىڭ ەلدىگىنە.
قادىرىڭدى وتسە ەكەن ءبارى ءبىلىپ،
قۇدىرەتىڭە باس ۇرام سان ءيىلىپ.
اجەمىز ءتول اسى دەپ ساقتاپ بەرگەن،
كوجەنىڭ، جايامەنەن كارى جىلىك.
ۇلىس كۇن دەپ اتادان اتاق قالعان،
ۇلتىممەنەن ناۋرىز قوساقتالعان.
كيەلى مەرەكەدە تىلەيتىنىم،
ساقتاسىن اۋىر-جەڭىل اپاتتاردان.
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
