- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
«ناۋرىزىم ــ مەرەكەم»(27)
2013.04.19 13:05 كەلۋ قاينارى : حالىق تورابى
ءاز ناۋرىز
تۇرسىنجان دۇيسەنباي قىزى
ناۋرىز دەسە اق سامايلى اجەمنىڭ جەتى دامنەن جاساعان ناۋرىز كوجەسىنىڭ ءدامى اۋزىما كەلەدى دە تۇرادى. زامان – زاماننان بەرى ۇلتىمىز وسى قاستەرلى ءتول مەرەكەسىن ۇرپاقتان - ۇرپاققا جالعاستىرىپ كەلەدى.
ناۋرىز مەرەكەسى بەرەكە – بىرلىك، تىنىشتىق جونىندە ۇندەۋ جاسالىپ، مال مەن باستىڭ پالە - قازادان امان بولۋىنا تىلەك بىلدىرىلەتىن قۇتتى مەرەكە. ناۋرىز مەرەكەسىندە اجەلەرىمىز الدىمەن ءبيسميللاسىن ايتىپ قارا قازانىن جۋىپ - شايىپ، جەتى دامنەن كوجە دايىندايدى، كوجە بەرىلگەن ۇيگە اۋىل ىشىندەگىلەر باس سۇعىپ، ءدام تاتىپ، تىلەۋ قابىل بولسىن ايتىپ، ءوزارا حال – جاي ۇعىسادى. وسى قاسيەتتى كوجە ارقىلى اق ساقالدى اتالار، اق سامايلى اجەلەر نەمەرە – شوبەرەلەرىنە اقىل – كەڭەس بەرەدى، ناۋرىز كوجەنىڭ دايىندالۋ بارىسىن ۇقتىرىپ، ونى قۇلاقتارىنا قۇيادى. ءار جولى كوجە ىشكەندە بارلىق ادام: جاسىمىزعا جاس قوسىلدى، جاڭا جىلدى قارسى الدىق، ــ دەپ مارە – سارە قۋانىشقا شومادى. اسىرەسە، ۇلكەندەر جاعى بالالاردى ەركەلەتىپ، ولاردىڭ ۇلكەيىپ كەلە جاتقانىنا ءماز بولادى. حالقىمىز كوشپەلى مال شارۋاشىلىعىمەن شۇعىلدانعان ەرتەرەكتەگى مەزگىلدە اتا – بابامىز ءاز ناۋرىزدى ەرەكشە قاستەرلەپ، قىس پەن كوكتەمنىڭ ءولاراسىنداعى وسى مەرەكەدە بارىن ورتاعا سالىپ، مولشىلىقتى ايگىلەپ، باقىتتى تۇرمىسقا ۇمتىلۋ تىلەگىن بەينەلەگەن. ال وسى كۇندە قاراپ تۇرساڭىز، اۋىل – اۋىل بولىپ ناۋرىز مەرەكەسىن توپتىق تويلاۋدا ىسىراپشىلىق ءجايتى دە بايقالا باستادى. سوندىقتان ناۋرىز مەرەكەسىنىڭ ءوز قاسيەتىن بۇزباي، اسىپ – تاسىپ كەتپەي، مەرەكەنى ءوز ارناسىندا قالىپتى تويلاۋ قاسيەتتى بورىشىمىز بولىپ سانالماق. ناۋرىز مەرەكەسىنىڭ قىرى مەن سىرىنا ابدەن قانىق انالارىمىز: «كەلىنىم، سەن تىڭدا، قىزىم ساعان ايتايىن» دەپ بەكەر ايتپاسا كەرەك. ولار بىزگە اتا - بابا رۋحىن جەتكىزۋدەن تىس، كۇنى ەرتەڭ بۇگىنگى تۇلىمدى ۇلداردىڭ ءبىر وتباسىنىڭ تىرەگى، ءبىر ەلدىڭ قورعاۋشى ازاماتى، بۇرىمدى قىزداردىڭ اۋىلدىڭ يبالى كەلىنى، ءبىر اۋىلدىڭ ەل سۇيىنەر قادىرلى اناسى بولاتىندىعىن تۇسپالداپ جەتكىزىپ وتىر. سوندىقتان ءبىز جاستار ءاز ناۋرىزدان باعالى سي العاندا، اتا – انامىزدىڭ، ۇلكەندەردىڭ تىلەگىن اقتاۋدى دا ەستەن شىعارماي، ناۋرىزداعى قاستەرلى تاربيەنى بويتۇمار ەتىپ، اقتى قاستەرلەپ، اعاش ەگىپ، ورمان ءوسىرىپ، بەرەكەلى دە باۋ – باقشالى مەكەن قۇرۋعا كۇش سالعانىمىز ءجون.
جىلدىڭ باسى ناۋرىز بارلىعىمىزعا بەرەكە سيلاپ، باقىت – بايلىق بەرسىن، ءىلايىم.
نىلقى اۋدانى مىس اۋىلى اقجار قىستاعى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved