- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
ۇكىمەت قىزمەتىنەن بايانداما(2)
2014.01.23 16:01
2. حالىق تۇرمىسىن قامتاماسىز ەتۋ مەن جاقسارتۋدا تىڭ دامۋعا قول جەتتى
حالىق تۇرمىسى قۇرىلىسى جىلىندا تاعى تىڭ ناتيجەگە قول جەتتى. حالىق تۇرمىسى قۇرىلىسىنا 223 ميلليارد 700 ميلليون يۋان قارجى قوسىلىپ، الەۋمەتتىك قازىنا مەجە ەسەپ شىعىسىنىڭ %37ىن ۇستادى. ۇكىمەت ۋادە ەتكەن 25 سالاداعى 100 ءتۇرلى ءتۇيىندى حالىق تۇرمىسى ينجەنەرياسىنىڭ بارلىعى ورىندالدى. بەيقۇت ءۇي سالىپ، حالىقتى اۋقاتتاندىرۋ ينجەنەرياسى بويىنشا 310 مىڭ 700 وتباسىنا ءۇي سالىندى، مالشىلاردى وتىرىقتاندىرىپ، مال شارۋاشىلىعىن گۇلدەندىرۋ ينجەنەرياسى بويىنشا 27 مىڭ 100 مالشى وتباسى وتىرىقتاندىرىلدى، قالا - قالاشىقتاردا قامتاماسىزداندىرۋ سيپاتتى تۇرعىن ۇيدەن 299 مىڭى جاڭادان سالىندى. اۋىل - قالاشىق كادرلارىنا ارنالعان الاڭسىز ەتۋ بەيقۇت ءۇي قۇرىلىسى جاپپاي ورىندالدى. مالشىلاردى وتىرىقتاندىرىپ، مال شارۋاشىلىعىن گۇلدەندىرۋگە سايكەستى سۋ يگىلىگى تىرەكتى ينجەنەرياسىنان 201ى اتقارىلدى، 600 مىڭ ەگىنشى - مالشىنىڭ جانە اۋىل - قىستاق مەكتەپتەرىندەگى 80 مىڭ وقىتۋشى - وقۋشىنىڭ اۋىز سۋ حاۋىپسىزدىگى ماسەلەسى شەشىلدى. مەكتەپ ۇيلەرىنەن، وقۋشىلار اسحاناسىنان 300 مىڭ شارشى مەترى جاڭادان سالىندى. اۋىل - قىستاقتاعى ەلەكتر تورىن جاڭالاۋ، دارەجەسىن ءوسىرۋ ينجەنەرياسىنان 290ى اتقارىلدى، ەلەكترسىز وڭىرلەردەگى 258 مىڭ ادامنىڭ ەلەكتردەن پايدالانۋ ماسەلەسى شەشىلدى. جاڭادان 456 مىڭ وتباسىنا تابيعي گاز جەتكىزىلدى. اۋىل - قىستاق تاس جولىنان 6399 كيلومەترى ۇزارتىلىپ سالىندى، وزگەرتىلىپ سالىندى. راديو - تەلەۆيزوردى بارلىق قىستاققا، بارلىق وتباسىنا جەتكىزۋ سياقتى ينجەنەريالارعا 570 ميلليون يۋان قارجى جۇمسالدى. اۋىلداردىڭ ءبارى عالامتور جەلىسىنە جالعاندى، قىستاقتاردىڭ بارىنە تەلەفون، راديو جانە تەلەۆيزور جەتكىزىلدى.
قالا، اۋىلداردا كاسىپتەندىرۋ ورنىقتى ىلگەرىلەتىلدى. توقىماشىلىق، كيىم - كەشەك كاسىبى سالاسىندا ءبىر ميلليون ادامدى كاسىپتەندىرۋ، دامىتۋ جوباسى جانە ارەكەت جوسپارى ىلگەرىلەتىلدى. كاسىپتەنۋگە ءتيىمدى، ايقىن ەرەكشەلىككە يە حالىق تۇرمىسى كاسىپتەرىنىڭ دامۋىنا كۇشتى قولداۋ كورسەتىلدى. ۇكىمەتتىڭ قارجى قوسۋى جانە ەلەۋلى نىساندار ارقىلى جوعارى مەكتەپ تاۋىسقان وقۋشىلاردىڭ، اسىرەسە، جوعارى مەكتەپتەردەن وقۋ تاۋىسقان از ۇلت وقۋشىلارىنىڭ كاسىپتەنۋىن جەبەۋگە بايلانىستى باعالاۋ مەحانيزمى ورناتىلدى. اۋىل شارۋاشىلىعىنا، وقۋ - اعارتۋعا، مەديتسيناعا قولداۋ كورسەتۋ جانە كەدەيلەردى سۇيەمەلدەۋ جوسپارى اتقارىلىپ، جوعارى مەكتەپ تاۋىسقان وقۋشىلاردىڭ كاسىپورىنداردا، نەگىزگى ساتىدا كاسىپتەنۋىنە جەتەكشىلىك ەتىلدى. كاسىپتەنۋگە كومەك ءتۇزىمى كەمەلدەندىرىلىپ، الەۋمەتتىك يگىلىك ورىندارىن اشۋ، پايدالانۋ جانە باسقارۋ كۇشەيتىلدى، ارناعا ءتۇسىرىلدى. بىردە - ءبىر ادامى كاسىپتەنبەگەن وتباسىلاردان، كەم دەگەندە، ءبىر ادامدى 24 ساعات ىشىندە كاسىپتەندىرۋ مەحانيزمى اناعۇرلىم كەمەلدەندىرىلدى. قيىنشىلىعى بار ادامداردان 55 مىڭ ادام كاسىپتەندىرىلدى. ءبىر ميلليون 90 مىڭ ادام (رەت) ءار ءتۇرلى كاسىپتىك تەحنيكالىق شەبەرلىككە باۋلىندى. اۋىل شارۋاشىلىعىنداعى ارتىق ەڭبەككۇشتەردەن 2 ميلليون 800 مىڭ ادام (رەت) باسقا كاسىپ سالالارىندا كاسىپتەندىرىلدى. قالا - قالاشىقتارداعى تىركەلگەن جۇمىسسىزدىق سالىستىرماسى %3.4 بولدى.
قوعامدىق قامتاماسىزداندىرۋ كەمەلدەنە ءتۇستى. قوعامدىق قامسىزداندىرۋعا قاتىناسۋشىلار سانى 32 ميلليون 880 مىڭ ادامعا (رەت) جەتتى. اۋىل - قىستاقتاعى جاڭاشا سەلبەستىك ەمدەلۋ قامسىزداندىرۋىنا قاتىناسۋ سالىستىرماسى %99.8 بولدى. كاسىپورىنداردان زەينەتكە شىققانداردىڭ نەگىزگى زەينەتىن قامسىزداندىرۋ اقىسى ءۇرتىس 9 جىل ءوسىرىلدى. قوعامدىق قامتاماسىزداندىرۋدىڭ ءبىر كارتچكالىق ءتۇزىمى جاپپاي قولدانىلدى. قالا - اۋىلدارداعى ەڭ تومەنگى تۇرمىستى قامسىزداندىرۋ قارجىسى 4 ميلليارد 900 ميلليون يۋانعا جەتتى. قوعامدىق قۇتقارۋ، قامتاماسىزداندىرۋ ولشەمى مەن زات باعاسىنىڭ قىمباتتاۋىن بايلانىستىرۋ مەحانيزمى تياناقتاندىرىلىپ، قيىنشىلىعى بار 2 ميلليون 160 مىڭ ادامعا جانە بەستە قامتاماسىز ەتىلەتىن 107 مىڭ وتباسىنا 220 ميلليون باعا قوسىمشا قاراجاتى تاراتىلدى. تۋما جۇرەك ناۋقاسى بار بالالار، جەتىم، مۇگەدەك بالالار، كەدەي وتباسىلارىنداعى جىرىق ەرىن، كورۋ قۋاتى ءالسىز بالالار ەمدەلدى. قوعامداعى قارتتاردى كۇتىمدەۋ، اۋىل - قىستاقتاعى بەستە قامتاماسىز ەتىلەتىن وتباسىلارىن شوعىرلى تۇردە باعۋ جانە كەدەي مۇگەدەكتەردى باسقالارعا تابىستاپ باقتىرۋ، مۇگەدەكتەردىڭ دەنساۋلىعىنىڭ قالپىنا كەلۋىنە قىزمەت ەتۋ قابىلەتى قۇرىلىسى ۇزدىكسىز كۇشەيتىلدى، جەتىم بالالاردىڭ نەگىزگى تۇرمىسى قامتاماسىز ەتىلدى. اپاتقا ۇشىراعان بۇقارانى قۇتقارۋ، ورنالاستىرۋ ىستەرىنە 350 ميلليون يۋان قارجى ءبولىندى.
كەدەيلەردى سۇيەمەلدەۋدەن قامال الۋدا كورنەكتى ونىمدىلىككە قول جەتتى. 2 ميلليارد 640 ميلليون يۋان ارناۋلى قارجى قوسىلىپ، 623 كەدەي قىستاقتا تۇتاس قىستاق بويىنشا كەدەيلەردى سۇيەمەلدەۋ، وركەندەتۋ جۇمىسى ىلگەرىلەتىلىپ، كەدەيلەردىڭ سانى 374 مىڭ ادام ازايدى. كەدەيلەردى سۇيەمەلدەۋ، وركەندەتۋدەگى ءتۇيىندى اۋدانداردا ەگىنشى - مالشىلاردىڭ جان باسىندىق ورتاشا كىرىسى 5736 يۋاننان اينالىپ، 843 يۋان ارتتى.
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
