ادام مەن تابيعات جاراسىمدى قاتار ءومىر سۇرەتىن كورىكتى جۇڭگو قۇرايىق
«حالىق گازەتىنىڭ» شولۋشىسى
2022.07.07 16:17 كەلۋ قاينارى : حالىق تورابى
ەكولوگيالىق وركەنيەت قۇرىلىسى − جۇڭحۋا ۇلتىنىڭ ماڭگى باياندى دامۋىنا ساياتىن ءتۇبىرلى ۇلى جوسپار. جاسىل دامۋدى ىلگەرىلەتىپ، ەكولوگيالىق وركەنيەت قۇرۋدىڭ ماڭىزدى ءتۇيىنى ەرەجە - ءتۇزىم ورناتىپ، ەكولوگيالىق ورتانى ەڭ قاتاڭ ءتۇزىم، ەڭ قاتاڭ زاڭمەن جونگە سالۋ ارقىلى قورعاۋدا.
ورتالىقتىڭ ەكولوگيالىق ورتانى قورعاۋدى باقىلاۋ - تەكسەرۋى − باس شۋجي شي جينپيڭ ءوزى جوسپارلاعان، ءوزى ورنالاستىرعان، ءوزى ىلگەرىلەتكەن كەلەلى تۇزىمدىك جاڭالىق. 2015 - جىلى رەسمي باستالعاننان بەرى، ورتالىقتىڭ ەكولوگيالىق ورتانى قورعاۋدى باقىلاۋ - تەكسەرۋىندە شي جينپيڭ ەكولوگيالىق وركەنيەت يدەياسى ىشكەرىلەي دايەكتىلەندىرىلىپ، ءتۇزىمنىڭ قاتاڭدىعى مەن بەدەلى بەرىك ورناتىلىپ، پارتيا ورتالىق كوميتەتىنىڭ ەكولوگيالىق وركەنيەت قۇرىلىسى مەن ەكولوگيالىق ورتانى قورعاۋ جونىندەگى شەشىمدەرىنىڭ ورنالاستىرۋلارىنىڭ باتىل تياناقتانۋى ىلگەرىلەتىلدى؛ حالىقتى وزەك ەتۋدە تاباندى بولىنىپ، جۇيەلى كوزقاراس كۇشەيتىلىپ، ماسەلەنى نىشان ەتۋدە، قاتاڭ نەگىزگى اۋەندە، دالمە - ءدال، عىلمي، زاڭ بويىنشا بولۋدا تاباندى بولىنىپ، ەكولوگيالىق ورتانى بۇلدىرەتىن ءبىر توپ اۋىر تيپتىك دەلو باتىل تەكسەرىپ ءبىر جاقتى ەتىلىپ، حالىق بۇقاراسىنىڭ اڭىسى كۇشتى بولعان ءبىر توپ كورنەكتى قورشاعان ورتا ماسەلەسى شەشىلدى. اماليات مىنانى دالەلدەدى: بۇل ءتۇزىم دەر كەزىندە شىعارىلىپ، پارمەندى اتقارىلىپ، باقىلاۋ - تەكسەرۋ بارىسىندا گرۋپپا مۇشەلەرى شىنداپ كىرىسىپ، بىرەۋگە جاماناتتى بولۋدان قورىقپاي، ماسەلەنى بوساڭسىتپاي يگەردى، بۇل ءتۇزىم ەكولوگيالىق ورتانى قورعاۋ جاۋاپكەرلىگىن تياناقتاندىرۋدى ىلگەرىلەتۋدىڭ قاتاڭ شاراسىنا، ناقتى شاراسىنا اينالىپ، ەكولوگيالىق وركەنيەت قۇرىلىسىن كۇشەيتۋدە، قورشاعان ورتانىڭ لاستانۋى مەن ەكولوگيانىڭ ءبۇلىنۋى سىندى كورنەكتى ماسەلەلەردى شەشۋدە ماڭىزدى مانگە يە بولدى.
ءىستىڭ نەگىزگى بۋىنىن يگەرىپ، وزگەسىنە باستاماشى بولدى. ورتالىقتىڭ ەكولوگيالىق ورتانى قورعاۋدى باقىلاۋ - تەكسەرۋ ءتۇزىمى پارتيانىڭ ەكولوگيالىق وركەنيەت قۇرىلىسىنا جاپپاي باسشىلىعىن ايگىلەدى، پارتيا ورتالىق كوميتەتىنىڭ ەكولوگيالىق وركەنيەت قۇرىلىسى مەن ەكولوگيالىق ورتانى قورعاۋدى ىلگەرىلەتۋدەگى بەرىك ەركى مەن بەرىك بەكىمىن ايگىلەدى. پارتيانىڭ 18 - قۇرىلتايىنان بەرى شي جينپيڭ جولداستى ۇيىتقى ەتكەن پارتيا ورتالىق كوميتەتى ەكولوگيالىق وركەنيەت قۇرىلىسىن جالپى جاعداي قىزمەتىنىڭ كورنەكتى ورنىنا قويىپ، «ەكولوگيالىق ورتانى كوز قاراشىعىنداي قورعاپ، ەكولوگيالىق ورتانى ءومىردى قاستەرلەگەندەي قاستەرلەۋدە» تاباندى بولىپ، يدەيا، زاڭ، ءتۇزىلىس، ۇيىم، ستيل جاقتارىنان جاپپاي كۇش سالىپ، ەكولوگيالىق ورتانى قورعاۋدى جان - جاقتى، جالپى ءوڭىر، جالپى بارىس بويىنشا كۇشەيتىپ، ءبىرقىدىرۋ ءتۇبىرلى، جاسامپاز، ۇزاق بولاشاقتىق قىزمەت ورىستەتتى، بەكىمنىڭ كۇشتىلىگى، سەرپىننىڭ ۇلكەندىگى، ناتيجەنىڭ ۇلكەندىگى بۇرىن بولىپ كورمەگەن دارەجەگە جەتتى. تىنباي قۇلشىنۋ ارقىلى بۇكىل پارتيانىڭ، بۇكىل قوعامنىڭ جاسىل دامۋدى ىلگەرىلەتۋ سانالىلىعى مەن ىرىقتىلىعى كورنەكتى كۇشەيىپ، كورىكتى جۇڭگو قۇرىلىسىندا ماڭىزدى قادام تاستالدى، ەلىمىزدىڭ ەكولوگيالىق ورتاسىن قورعاۋدا تاريحي، بۇرىلىستىق، جالپى جاعدايلىق وزگەرىستەر تۋىلدى.
ەلىمىزدىڭ ەكولوگيالىق وركەنيەت قۇرىلىسىندا تاريحي تابىسقا قول جەتكىزىلىپ، تاريحي وزگەرىس تۋىلۋىنداعى ەڭ ءتۇبىرلى سەبەپ، باس شۋجي شي جينپيڭنىڭ پارتيا ورتالىق كوميتەتىنىڭ ۇيىتقىسى، بۇكىل پارتيانىڭ ۇيىتقىسى رەتىندە رول ۇستاپ، جول باستاۋىنان، شي جينپيڭ ەكولوگيالىق وركەنيەت يدەياسىنىڭ عىلمي جەتەكشىلىگىنەن بولدى. شي جينپيڭ ەكولوگيالىق وركەنيەت يدەياسى نەلىكتەن ەكولوگيالىق وركەنيەت قۇرۋ، قانداي ەكولوگيالىق وركەنيەت قۇرۋ، ەكولوگيالىق وركەنيەتتى قالاي قۇرۋ سياقتى كەلەلى نازاريالىق جانە امالياتتىق ماسەلەلەرگە تەرەڭ جاۋاپ بەرىپ، ادام مەن تابيعات تىرشىلىك ورتاق تۇلعاسىنىڭ ءتۇبىرلى زاڭدىلىعىن، ەكونوميكالىق دامۋ مەن ەكولوگيالىق ورتانى قورعاۋدىڭ ديالەكتيكالىق قاتىناسىن، ەكولوگيالىق ونىمدەردىڭ ماندىك قاسيەتىن، ەكولوگيانىڭ بىرلىككە كەلگەن، تەپە - تەڭ جاراتىلىستىق جۇيە ەكەنىن، ءبىر - بىرىنە سۇيەنىپ ءومىر سۇرەتىن، تىعىز بايلانىستى ورگانيكالىق شىنجىر ەكەنىن اشىپ كورسەتىپ، ەلىمىزدىڭ ەكولوگيالىق وركەنيەت قۇرىلىسىنا نازاريالىق جەتەكشىلىك جانە ارەكەت باعدارناماسىن ازىرلەدى. العا باسۋ جولىندا ءبىز شي جينپيڭ ەكولوگيالىق وركەنيەت يدەياسىن ىشكەرىلەي دايەكتىلەندىرىپ، تياناقتاندىرىپ، تۇنىق سۋ، جاسىل تاۋ − باعالى بايلىق ۇستانىمىن بەرىك ورناتىپ، ءوندىرىسى دامىعان، تۇرمىسى باي، ەكولوگياسى تاماشا وركەنيەتتى دامۋ جولىمەن باتىل جۇرسەك بولعانى، ءسوز جوق، جۇڭحۋانىڭ بايتاق دالاسىنىڭ اسپانىنىڭ اناعۇرلىم اشىق، تاۋىنىڭ اناعۇرلىم مانات، سۋىنىڭ اناعۇرلىم تۇنىق، ورتاسىنىڭ اناعۇرلىم كوركەم بولۋىنا مۇمكىندىك جاساي الامىز.
باس شۋجي شي جينپيڭ: «ەكولوگيالىق جۇيەنى قورعاۋ جانە قالپىنا كەلتىرۋ، ەكولوگيالىق ورتانى تۇبەگەيلى جاقسارتۋ وڭاي - وسپاق ورىندالا قويمايدى، ءالى دە ۇزاق ۋاقىت جاپالى قۇلشىنىس جاساۋعا تۋرا كەلەدى، ءسوز جوق، قاجىماي - تالماي، تىنباي العا باسۋ كەرەك» دەپ دارىپتەگەن بولاتىن. «14 – بەسجىلدىق» جوبا مەزگىلىندە ەلىمىزدىڭ ەكولوگيالىق وركەنيەت قۇرىلىسى كومىر قىشقىل گازىن ازايتۋدى ءتۇيىندى ستراتەگيالىق باعىت ەتىپ، لاستانۋدى ازايتىپ، كومىر قىشقىل گازىن تومەندەتۋدىڭ سايكەستى ونىمدىلىگىن ارتتىرۋدى ىلگەرىلەتىپ، ەكونوميكالىق، قوعامدىق دامۋدىڭ جاپپاي جاسىل تيپكە بۇرىلىس جاساۋىن جەبەپ، ەكولوگيالىق ورتا ساپاسىنىڭ جاقسارۋى سان وزگەرىسىنەن ساپا وزگەرىسىنە ءوتۋدىڭ شەشۋشى كەزەڭىنە ءوتتى. ەكولوگيالىق وركەنيەت قۇرىلىسىن كۇشەيتۋدەگى ستراتەگيالىق تاباندىلىقتى باستان - اياق ساقتاپ، ەكونوميكالىق، قوعامدىق دامۋدىڭ جاپپاي جاسىل تيپكە بۇرىلىس جاساۋىن كۇش سالا ىلگەرىلەتىپ، لاستانۋدى جونگە سالۋدى، ەكولوگيانى قورعاۋدى، كليمات وزگەرىسىنە توتەپ بەرۋدى ءبىر تۇتاس جوسپارلاپ، ادام مەن تابيعات جاراسىمدى قاتار ءومىر سۇرەتىن كورىكتى جۇڭگو قۇرۋعا قۇلشىنۋ كەرەك. ءار دارەجەلى پارتكومدار مەن ۇكىمەتتەر ەكولوگيالىق وركەنيەت قۇرىلىسىنىڭ ساياسي جاۋاپكەرلىگىن ارقالاپ، بۇيرىقتى بۇلجىتپاي اتقارىپ، پارتيا ورتالىق كوميتەتىنىڭ ەكولوگيالىق وركەنيەت قۇرىلىسى جونىندەگى شەشىمدەرىنىڭ، ورنالاستىرۋلارىنىڭ تياناقتانىپ، ءونىم بەرۋىنە كەپىلدىك ەتۋى كەرەك. ورتالىقتىڭ ەكولوگيالىق ورتانى قورعاۋدى باقىلاۋ - تەكسەرۋ ءتۇزىمى ورناتىلعاننان بەرگى تابىستار مەن تاجىريبەلەردى قورىتىندىلاپ جانە پايدالانىپ، جالپى جاعدايدى ارقاۋ ەتىپ، جالپى جاعدايعا قىزمەت ەتىپ، ماسەلەنى نىشان ەتۋدەن باستان - اياق جازباي، ءتۇيىن مەن تەتىكتى يگەرىپ، ورتالىقتىڭ ەكولوگيالىق ورتانى قورعاۋدى باقىلاۋ - تەكسەرۋ قىزمەتىنىڭ ۇزدىكسىز ىشكەرىلەي دامۋىن ىلگەرىلەتۋ كەرەك.
«ەلىمىزدىڭ سوتسياليستىك وسىزامانداندىرۋ قۇرىلىسىندا كوپتەگەن ماڭىزدى ەرەكشەلىك بار، مۇنىڭ ءبىرى، ەلىمىزدىڭ وسىزاماندانۋى − ادام مەن تابيعات جاراسىمدى قاتار ءومىر سۇرەتىن وسىزامانداندىرۋ، زاتتىق وركەنيەت قۇرىلىسى مەن ەكولوگيالىق وركەنيەت قۇرىلىسىن قاتار ىلگەرىلەتۋگە باسا ءمان بەرۋ». جاپپاي سوتسياليستىك وسىزاماندانعان مەملەكەت قۇرۋدىڭ جاڭا ساپارىندا ءبىز شي جينپيڭ جولداستى ۇيىتقى ەتكەن پارتيا ورتالىق كوميتەتىنىڭ توڭىرەگىنە اناعۇرلىم تىعىز ىنتىماقتاسىپ، شي جينپيڭ ەكولوگيالىق وركەنيەت يدەياسىن جاپپاي دايەكتىلەندىرىپ، تياناقتاندىرىپ، مەملەكەتتىڭ زور ىستەرىن كوكەيىمىزدە ساقتاپ، باتىلدىقپەن جاۋاپكەرلىك ارقالاپ، ىسكەرلىك كورسەتىپ، پارتيانىڭ 20 - قۇرىلتايىنىڭ تابىسپەن اشىلۋىن ءىس جۇزىندىك ارەكەتىمىزبەن قارسى الىپ، ەكولوگيالىق وركەنيەت قۇرىلىسىنىڭ تىڭ ساتىعا كوتەرىلۋىن ۇزدىكسىز ىلگەرىلەتۋىمىز كەرەك.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
