شيكى مۇنايدىڭ ءونىم مولشەرى سايكەس مەزگىلدەگىدەن ％7.6 ارتتى، تابيعي گازدىڭ ءونىم مولشەرى سايكەس مەزگىلدەگىدەن ％5.2 ارتتى −
شينجياڭنىڭ مۇناي - تابيعي گاز كاسىپ سالاسىندا ارتۋ ورنىقتى بولدى
□ انار بۇلت \ شينجياڭ گازەتىنىڭ ءتىلشىسى يۇي جياڭيان
2022.12.27 16:55 كەلۋ قاينارى : شينجياڭ گازەتى
مۇناي - تابيعي گاز كاسىپ سالاسى شينجياڭ ەكونوميكاسىنىڭ تىرەكتى كاسىپ سالاسى، شينجياڭ ونەركاسىپ ەكونوميكاسىنىڭ ”سەركەسى“ اتالعان. بيىل جىل باسىنان بەرى، شينجياڭ ىندەتتەن ساقتانۋ - تىزگىندەۋ مەن ەكونوميكالىق، قوعامدىق دامۋدى ءبىر تۇتاس جوسپارلاپ، دامۋ مەن حاۋىپسىزدىكتى ءبىر تۇتاس جوسپارلاپ، مۇناي مەن تابيعي گازدىڭ ءونىم مولشەرىنىڭ ەكۆيۆالەنتى بىردەي ارتتى. الدىڭعى 11 ايدا شينجياڭنىڭ ەكونوميكالىق اينالىم جاعدايىنىڭ ساندى مالىمەتتەرىندە كورسەتىلۋىنشە، شيكى مۇنايدىڭ ءونىم مولشەرى 29 ميلليون 537 مىڭ 200 توننا بولىپ، سايكەس مەزگىلدەگىدەن ％7.6 ارتقان، تابيعي گازدىڭ ءونىم مولشەرى 36 ميلليارد 960 ميلليون تەكشەمەتر بولىپ، سايكەس مەزگىلدەگىدەن ％5.2 ارتقان.
عىلىم - تەحنيكادا جاڭالىق اشۋ مۇناي مەن تابيعي گاز ءونىم مولشەرىنىڭ بىردەي ارتۋىنا جەتەكشىلىك ەتتى
12 - ايدىڭ 22 - كۇنى تارىم ويپاتىنان قۋانىشتى حابار كەلدى: 12 - ايدىڭ ورتا شەنىنە دەيىن تارىم مۇناي الابى ورىنداعان مۇناي، تابيعي گاز ءونىم مولشەرىنىڭ ەكۆيۆالەنتى 32 ميلليون 70 مىڭ توننا بولىپ، سايكەس مەزگىلدەگىدەن ءبىر ميلليون 270 مىڭ توننا ارتقان.
تارىم ويپاتىنداعى كومىلۋ تەرەڭدەگى 6000 مەتردەن اساتىن تابيعي گاز بايلىعى بۇكىل ەلدىڭ ％9. 63ىن يەلەيدى، ەلىمىزدەگى ەڭ ۇلكەن تەرەڭ جەرگە مۇناي، تابيعي گاز مولىنان جينالعان ءوڭىر بولىپ تابىلادى. سوڭعى جىلدارى تارىم مۇناي الابى تەحنيكالىق جاقتان قامال الۋدى ۇزدىكسىز كۇشەيتىپ، 8000 مەترلىك ەرەكشە تەرەڭ قاباتتا بارلاۋ، اشۋ تەحنيكاسىن جاپپاي يگەرىپ، بۇرعىلاپ تەكسەرىلگەن ەرەكشە تەرەڭ ۇڭعىما سانى بۇكىل ەلدىڭ ％80تەن استامىن يەلەدى.
”بيىل مانشىن بولىكشەسىندە 4 الدىن الا بارلاۋ ۇڭعىماسىنىڭ قۇرىلىسى اياقتاپ، ماشينامەن بۇرعىلاۋ ورتاشا جىلدامدىعى ساعاتىنا 7. 5 مەتردەن 2. 7 مەترگە جوعارىلادى“. تارىم مۇناي الابى بارلاۋ ىستەرى ءبولىمى تەكشەلىك ويىس اۋماعىندا بارلاۋ نىسانى ءبولىمىنىڭ مەڭگەرۋشىسى لۇي شياۋگاڭ بىلاي دەدى: 2021 - جىلمەن سالىستىرعاندا، ورتاشا بۇرعىلاۋ تەرەڭدىگى 8211 مەتردەن 8386 مەترگە تەرەڭدەپ، ورتاشا بۇرعىلاپ بولۋ پەريودى 204 كۇننەن 167 كۇنگە ازايدى.
قازىر تارىم مۇناي الابىنىڭ ەرەكشە تەرەڭ قاباتىنان تابىلعان قور مولشەرى بۇكىل ەلدىڭ تورتتەن ءۇشىن يەلەپ، جيىنى 58 جەردەن 8000 مەتردەن اساتىن ”جەر استى چومۇلاڭما شىڭى“ ۇڭعىلاندى. تارىم ويپاتىندا ۇزدىكسىز تەرەڭ جەردىڭ شەگىنە سايىس جاريالانىپ، ىلگەرىندى - كەيىندى كىلا - كىشىن، بوزى - دابەي سىندى ەكى تريلليون تەكشەمەترلىك ءىرى تابيعي گازدى اۋماق پەن فۋمان ءبىر ميلليارد توننا دارەجەسىندەگى ءىرى مۇنايلى اۋماق تياناقتانىپ، تەرەڭ جەردە ۇلگى كورسەتۋ ينجەنەرياسىن تۇلعالاۋعا نەگىز قالادى.
تاعى سول 12 - ايدىڭ 22 - كۇنى جوڭعار ويپاتىنداعى شينجياڭ مۇناي الابىنان دا جەڭىس حابارى جەتتى: تۇتاس جىلدىق مۇناي، تابيعي گاز ءوندىرۋ مىندەتى 9 كۇن بۇرىن ورىندالىپ، مۇناي، تابيعي گاز ءونىم مولشەرىنىڭ ەكۆيۆالەنتى 17 ميلليون توننادان اسىپ، وتكەن جىلدارداعى ەڭ جوعارى رەكوردى جاڭالادى.
ەلىمىز ”شىعىس بولىكتى ورنىقتىرۋ، باتىس بولىكتى دامىتۋ“ سىندى مۇناي اشۋ ستراتەگياسىن اتقارعان ۇلكەن جاعدايدا، سوڭعى جىلدارى شينجياڭنىڭ مۇناي، تابيعي گاز بايلىعىن بارلاۋ، اشۋى جوعارى جىلدامدىقپەن دامۋدىڭ داڭعىل جولىنا ءتۇسىپ، ىلگەرىندى - كەيىندى ماحۋ مۇناي الابى، جەمسارى تاقتا تاستى مۇناي الابى سياقتى ءبىر ميلليارد توننا دارەجەسىندەگى ءىرى مۇناي الاپتارى بايقالدى.
بيىل قازىرگە دەيىن شينجياڭ جەمسارى مەملەكەت دارەجەلى قۇرلىق فاتسيالى تاقتا تاستى مۇناي اشۋدان ۇلگى كورسەتۋ اۋماعىنىڭ تاقتا تاستى مۇناي ءونىم مولشەرى 500 مىڭ توننادان استى. ”ءبىز عىلىم - تەحنيكادان قامال الۋ ارقىلى تاقتا تاستى مۇنايدىڭ كولەمىن، ونىمدىلىگىن ۇزدىكسىز جوعارىلاتىپ، ۇلگى كورسەتۋ اۋماعىن ەل ىشىندەگى قۇرلىق فاتسيالى تاقتا تاستى مۇناي اشۋعا جەتەكشىلىك ەتەتىن ’سەركە‘ ەتىپ تۇلعالايمىز“، - دەدى جۇڭگو مۇنايى شينجياڭ مۇناي الابى بولىمشە سەرىكتەستىگى جيچيڭ مۇناي الابى جۇمىس اۋماعى پارتكومىنىڭ ورىنباسار شۋجيى، اتقارۋشى القاسى ۋ باۋچىڭ.
مۇناي، تابيعي گاز اشۋ قارجى قوسۋ ورلەۋىن كوتەردى
شينجياڭنىڭ مۇناي، تابيعي گاز بايلىعى مول، بارلاپ انىقتالعان مۇناي بايلىعىنىڭ قورى بۇكىل ەلدە الدىڭعى ورىندا تۇرادى، تابيعي گاز بايلىعىنىڭ مولشەرى بۇكىل ەلدە ەكىنشى ورنىندا تۇرادى.
2018 - جىلى شينجياڭ تۇڭعىش رەت ماڭدايشالىق اسىپ، 5 مۇناي، تابيعي گاز بارلاۋ بولىكشەسىنىڭ كەن بارلاۋ ۇقىعىن وتكەرمەلەدى، شىننىڭ جارنا شەكتى سەرىكتەستىگى، شينجياڭ ەنەرگيا (توبى) مۇناي، تابيعي گاز شەكتى جاۋاپكەرشىلىك سەرىكتەستىگى سياقتى كاسىپورىندار باسەكەلەستىرە ساتۋدا تابىستى بولدى. مۇنىڭ ىشىندە جۇڭمان مۇناي، تابيعي گاز توبى جارنا شەكتى سەرىكتەستىگى باسەكەلەستىرە ساتۋدا تارىم مۇناي الابى بولىكشەسىنىڭ 26. 1086 شارشى كيلومەترلىك كەن بارلاۋ ۇقىعىنا يە بولىپ، حالىقتىق كاسىپورىنداردىڭ يكەمدى باسىمدىعىن ساۋلەلەندىرىپ، تارىم ويپاتىندا مول جەتىستىككە قول جەتكىزدى.
ءتىلشى ونسۋ اۋدانى مۇنايلى اۋماعىنىڭ سايكەستىرۋ، قىزمەت وتەۋ ورتالىعىنان قازىرگە دەيىن جۇڭمان مۇنايىنىڭ ونسۋ اۋدانىندا 243 ۇڭعىما ورنالاستىرعانىن، مۇنىڭ ىشىندە 224 ۇڭعىمادان مۇناي ءوندىرىلىپ، 3 ۇڭعىما بۇرعىلانىپ جاتقاندىعىن ۇعىستى. 1 − 11 - ايعا دەيىن جالپى 247 مىڭ 900 توننا شيكى مۇناي ءوندىرىلىپ، سايكەس مەزگىلدەگىدەن ％06. 12 ارتتى. ”بيىل جاڭا ۇڭعىمالاردى وندىرىسكە قوسۋ قارقىنىن جەدەلدەتىپ، جىلدىق ءوندىرىس، تيجارات مىندەتىنىڭ ءساتتى ورىندالۋىنا شىنايى كەپىلدىك ەتتىك“. اقسۋ جۇڭمان مۇناي، تابيعي گاز بارلاۋ، اشۋ شەكتى سەرىكتەستىگىنىڭ باس ديرەكتورى لي شۋەسۇڭ مىنانى ءبىلدىردى: تارىم بولىكشەسىنىڭ مۇناي، تابيعي گازىن بارلاۋ، اشۋ سەرپىنىن ۇزدىكسىز ارتتىرىپ، مەملەكەتتىڭ ەنەرگيا حاۋىپسىزدىگى مەن مۇناي ، تابيعي گاز بايلىعى رەفورماسىنا ۇلەس قوسامىز.
مۇناي، تابيعي گاز بارلاۋ، اشۋ ءتۇزىلىسى رەفورماسىن تۇيىندە سىناق ەتۋ شينجياڭدا قارجى قوسۋ ورلەۋىن كوتەردى. بيىل اۆتونوميالى رايوندىق جاراتىلىستىق بايلىق مەڭگەرمەسىنىڭ تۇڭعىش توپتاعى ماڭدايشالىق اسىپ وتكەرمەلەگەن 9 مۇناي، تابيعي گاز بولىكشەسىنىڭ كەن بارلاۋ ۇقىعى 23 كاسىپورىندى باسەكەلەستىرە ساتۋعا تىزىمدەلۋگە باۋرادى، شانشي يانچاڭ مۇناي (توبى) شەكتى جاۋاپكەرشىلىك سەرىكتەستىگى، شينجياڭ يۋانجوۋ مۇناي، تابيعي گاز شەكتى سەرىكتەستىگى سياقتى كاسىپورىندار باسەكەلەستىرە ساتۋدا بولىكشەگە يە بولىپ، حالىقتىق كاسىپورىنداردىڭ مۇناي، تابيعي گاز بايلىعىن بارلاۋعا، اشۋعا قاتىناسۋ ورلەۋىن كوتەردى.
ونسۋ اۋداندىق مۇنايلى اۋماعى سايكەستىرۋ، قىزمەت وتەۋ ورتالىعى مۇنايلىق اۋماق كەڭسەسىنىڭ ورىنباسار مەڭگەرۋشىسى ريزۋانگۇل ابىلا بىلاي دەپ تانىستىردى: ونسۋ اۋدانى شەكاراسى ىشىندە مۇناي بارلاۋ، كەن بارلاۋ ۇقىعىنا يە بولعان جانە مۇناي، تابيعي گاز بارلاۋمەن، اشۋمەن اينالىساتىن 3 كاسىپورىن بار. بيىل 1 − 11 - ايعا دەيىن ونسۋ اۋدانىنىڭ شيكى مۇناي ءونىم مولشەرى 552 مىڭ 600 توننا بولىپ، سايكەس مەزگىلدەگىدەن ％58 ارتتى؛ تابيعي گاز ءونىم مولشەرى ءبىر ميلليارد 888 ميلليون تەكشەمەتر بولىپ، سايكەس مەزگىلدەگىدەن ％2. 45 ارتقان. مۇناي، تابيعي گاز اشۋعا قارجى قوسۋ ورلەۋى جەرگىلىكتى ورىنعا اناعۇرلىم كوپ سالىق كىرىسى پايداسىن الا كەلدى. بيىل 1 − 11 - ايعا دەيىن ونسۋ اۋدانىنىڭ جالپى مۇناي كىرىسى 604 ميلليون 430 مىڭ يۋانعا جەتىپ، سايكەس مەزگىلدەگىدەن ％67 ارتقان.
شينجياڭنىڭ ونەركاسىپ تۇعىرىن مىقتى بەكەمدەدى
شينجياڭنىڭ مۇناي، تابيعي گاز بايلىعى نەگىزىنەن جوڭعار، تارىم، تۇرپان - قۇمىل سىندى 3 ۇلكەن ويپاتقا ورنالاسقان. 3 ۇلكەن ويپاتتىڭ مۇناي، تابيعي گاز بايلىعىنا سۇيەنىپ، شينجياڭ 10 ميلليون توننا دارەجەسىندەگى 4 ءىرى مۇناي ايىرۋدى ءبىر تۇلعالاندىرۋ بازاسىن سالدى.
الدىڭعى 11 ايداعى شينجياڭنىڭ ەكونوميكالىق اينالىم احۋالى ساندى مالىمەتتەرىندە كورسەتىلۋىنشە، مۇناي جانە تابيعي گاز اشۋ كاسىبىنىڭ ارتقان قۇنى سايكەس مەزگىلدەگىدەن ％9. 5 ارتىپ، كولەمنەن جوعارى ونەركاسىپتىڭ ارتۋىن 1. 1 پايىز جەبەگەن. قازىرگى ۋاقىتتا شينجياڭنىڭ مۇناي، تابيعي گاز كاسىبى تىزبەكتى ۇزارتۋ، تىزبەكتى تولىقتاۋ جولى ارقىلى كاسىپ سالاسى شوعىرىن تۇلعالاۋدا. بۇكىل شينجياڭداعى مۇناي حيميا ونەركاسىبى كاسىپورىندارى شوعىرلانعان جەر رەتىندە قارامايلى قالاسى ورتالىقتىڭ مۇناي كاسىپورىندارىن ”تىزبەك ۇزىندىعى“ ەتىپ، تىزبەك جولىن ۇزدىكسىز ساپالىلاندىرىپ، تىزبەكتى ۇزارتۋ، تىزبەكتى تولىقتاۋ، تىزبەكتى كەڭەيتۋ، تىزبەكتى كۇشەيتۋ پرينسيبى بويىنشا، مۇناي حيميا ونەركاسىبىنىڭ ورتاڭعى، تومەنگى بۋىنى، جاڭا ماتەريالدار سياقتى كاسىپ سالالارىنىڭ شوعىرلى دامۋىن ۇزدىكسىز ىلگەرىلەتىپ، 100 ميللياردتىق كاسىپ سالاسى شوعىرىن تۇلعالادى.
9 - ايدىڭ 1 - كۇنى جۇڭگو مۇنايى قارامايلى مۇناي حيميا شەكتى جاۋاپكەرشىلىك سەرىكتەستىگىنىڭ جىلدىق ءونىم مولشەرى 150 مىڭ توننا كەلەتىن اق مايدى سۋتەكتەندىرۋ قوندىرعىسى تولىمدى بولعان ازىق - تۇلىك دارەجەسىندەگى، اجارلاندىرۋ بۇيىمدارى دارەجەسىندەگى اق ماي ءوندىرىپ، ەل ىشىندەگى ەڭ ءىرى جوعارى سورتتى اق ماي ءوندىرىس بازاسىن قۇرىپ، جوعارى ساپالى دامۋدىڭ تىڭ تاراۋىن جازدى. 9 - ايدىڭ 25 - كۇنى تيانلي جوعارى، جاڭا مۇناي حيمياسىنىڭ 200 مىڭ توننا / جىلىنا EVA (ەتيلەن - ۆينيل اتسەتات كوپوليمەرى) نىسانىنىڭ قوندىرعىسى تولىمدى بولعان EVA كوپىرشىكتى ماتەريالدار ونىمدەرىن ءوندىرىپ، مۇناي حيميا ونەركاسىبى دامۋىنىڭ تىڭ تەرەڭدىگىن تۇلعالاپ، اۆتونوميالى رايون مەن جۇڭگو مۇنايىنىڭ جاڭا ەنەرگيا، جاڭا ماتەريال كاسىپ سالاسىن شوعىرلى دامۋىن ىلگەرىلەتۋىنىڭ ونەگەسىنە اينالدى.
سونىمەن بىرگە بايىنعولين موڭعۇل اۆتونوميالى وبلىسىندا مۇناي، تابيعي گاز كاسىپ سالاسىندا دا تىزبەكتى ۇزارتۋ، تىزبەكتى تولىقتاۋ ارقىلى تەرەڭ وزگەرىستەر تۋىلۋدا. 2021 - جىلى تارىم مۇناي الابىنىڭ تابيعي گازدان ەتان جيناۋ ينجەنەرياسى وندىرىسكە قوسىلىپ، وندىرىلگەن ەتان شاڭكۋ جوعارى، جاڭا تەحنيكالىق كاسىپ سالالارىن اشۋ رايونى مۇناي، مۇناي حيميا كاسىپ سالاسى باقشاسىنا جەتكىزىلىپ، ەتيلەن ءوندىرىلدى. ەتيلەننىڭ تومەنگى بۋىنىنداعى ونىمدەردى ارقاۋ ەتىپ، وسى باقشا رايونى ءتۇيىندى تۇردە ساۋداگەر شاقىرۋ ارقىلى تىزبەكتى ۇزارتۋ كاسىپورىندارىن ەنگىزىپ، ميللياردتىق ءونىم قۇنى كولەمىندەگى مۇناي ايىرۋ، حيميا ونەركاسىبى، توقىماشىلىق ءبىر تۇلعالاندىرىلعان تۇتاس كاسىپ سالاسى تىزبەگى شوعىرىن تۇلعالاۋدى جوسپارعا الدى.
جۇڭگو مۇناي داشۋەسى (بەيجيڭ) قارامايلى مەكتەپ اۋماعى ونەركاسىپ شۋەيۋانى پارتكومىنىڭ شۋجيى، پروفەسسور گو شۇيچياڭ مىنانى ءبىلدىردى: مۇناي، تابيعي گاز كاسىپ سالاسى شينجياڭ ونەركاسىبىنىڭ ماڭىزدى ”قوزعالتقىشى“. مۇناي، تابيعي گاز كاسىپ سالاسىنىڭ تىزبەگىن ۇزارتىپ، مۇناي، تابيعي گاز ءوندىرۋ، وڭدەۋ كاسىپ سالاسى شوعىرىن جەتىلدىرىپ، زورايتىپ، شينجياڭ ونەركاسىبىنىڭ ”نەگىزىن“ ونان ارى بەكەمدەپ، بايلىق باسىمدىعىن شىن مانىندە ەكونوميكالىق باسىمدىققا اينالدىرىپ، شينجياڭ ەكونوميكاسىنىڭ، قوعامىنىڭ جوعارى ساپالى دامۋىنا بەرىك نەگىز قالايمىز.
جاۋاپتى رەداكتورى : نۇرعيسا قۇرمانجان ۇلى
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
سۋرەتتى حابار
لەبىز جازۋ
