لي كىچياڭ مەملەكەتتىك كەڭەستىڭ شارۋا جۇمىسكەرلەردىڭ ەڭبەكاقىسىن كەشەۋىلدەتۋدى تۇبىرىنەن وڭاۋ قىزمەتىنە باسشىلىق ەتۋ گرۋپپاسىنىڭ جالپى ماجىلىسىنە ماڭىزدى بەكىتۋ سالىپ مىنانى دارىپتەدى
شارۋا جۇمىسكەرلەردىڭ ەڭبەكاقىسىن دەر كەزىندە تولىق الۋىنا كەپىلدىك ەتىپ، شارۋا جۇمىسكەرلەردىڭ جۇمىستانۋىنا كومەكتەسۋ - سۇيەمەلدەۋ تەبىنىن ارتتىرۋ كەرەك
حۋ چۇنحۋا ماجىلىسكە قاتىناستى ءارى ءسوز سويلەدى
2022.12.30 17:00 كەلۋ قاينارى : حالىق تورابى
شينحۋا اگەنتتىگى، 12 - ايدىڭ 29 - كۇنى، بەيجيڭ. مەملەكەتتىك كەڭەستىڭ شارۋا جۇمىسكەرلەردىڭ ەڭبەكاقىسىن كەشەۋىلدەتۋدى تۇبىرىنەن وڭاۋ قىزمەتىنە باسشىلىق ەتۋ گرۋپپاسىنىڭ جالپى ءماجىلىسى 12 - ايدىڭ 29 - كۇنى بەيجيڭدە اشىلدى. مەملەكەتتىك كەڭەستىڭ زۇڭليى لي كىچياڭ ماڭىزدى بەكىتۋ سالدى. بەكىتۋدە مىنالار اتاپ كورسەتىلدى: شارۋا جۇمىسكەرلەردىڭ ەڭبەكاقىسىن بەرۋدى قامتاماسىزداندىرۋ قالىڭ شارۋا جۇمىسكەرلەردىڭ ءتول مۇددەسى مەن حالىق تۇرمىسىنىڭ باقىتىنا سايادى. تاياۋ جىلداردان بەرى جەر - جەر، قاتىستى تاراۋلار پارتيا ورتالىق كوميتەتىنىڭ، مەملەكەتتىك كەڭەستىڭ شەشىمدەرى مەن ورنالاستىرۋلارىن مۇقيات دايەكتىلەندىرىپ، تياناقتاندىرىپ، ەڭبەكاقىنى كەشەۋىلدەتۋدى زاڭ بويىنشا جونگە سالۋ جۇيەسىن ۇزدىكسىز كەمەلدەندىرىپ، ەڭبەكاقىعا قارىزدار بولۋدى تۇبىرىنەن جونگە سالۋ قىزمەتىندە بەلسەندى ىلگەرىلەۋشىلىككە قول جەتكىزدى. ەكى مەرەكە تاياپ قالدى، ەڭبەكاقى ەسەبىن جابۋ قاۋىرت كەزەڭگە ءوتتى، شارۋا جۇمىسكەرلەردىڭ جاپا – ماشاقاتپەن ىستەگەن ەڭبەگىنىڭ اقىسىن الىپ مەرەكە وتكىزۋ تىلەگى توتەنشە كوكەيتەستى بولىپ وتىر. شي جينپيڭ جاڭا ءداۋىر جۇڭگوشا سوتسياليزم يدەياسىن جەتەكشى ەتۋدە تاباندى بولىپ، پارتيا 20 - قۇرىلتايىنىڭ رۋحىن ىشكەرىلەي دايەكتىلەندىرىپ، ورتالىقتىڭ ەكونوميكالىق قىزمەت ءماجىلىسىنىڭ ورنالاستىرۋلارىن مۇقيات تياناقتاندىرىپ، شارۋا جۇمىسكەرلەردىڭ ەڭبەكاقىسىن بەرۋدى قامتاماسىز ەتۋدەگى ءتۇرلى قىزمەتتى ۇزدىكسىز ويداعىداي ىستەۋ كەرەك. ەڭبەكاقىعا قارىزدار بولۋدى شوعىرلى وڭاۋ ارناۋلى ارەكەتىن تىڭعىلىقتى ورىستەتىپ، كوپ تاراۋ بىرلەسىپ زاڭ اتقارۋدى كۇشەيتىپ، ەڭبەكاقىعا قارىزدار بولۋ وڭاي، كوپ تۋىلاتىن سالالاردى تەكسەرۋ تەبىنىن ارتتىرىپ، جات نيەتپەن ەڭبەكاقىنى بەرمەي قويۋ ارەكەتتەرىن زاڭ بويىنشا قاتاڭ جازالاپ، ەڭبەكاقى كەپىلدىك اقشاسى سياقتى تۇزىمدەردى تياناقتاندىرىپ، شارۋا جۇمىسكەرلەردىڭ ەڭبەكاقىسىن دەر كەزىندە تولىق الۋىنا كەپىلدىك ەتۋ كەرەك. شارۋا جۇمىسكەرلەردىڭ جۇمىستانۋىنا كومەكتەسۋ - سۇيەمەلدەۋدى كۇشەيتىپ، جۇمىسسىز قالعان شارۋا جۇمىسكەرلەرگە، قيىنشىلىعى بار شارۋا جۇمىسكەرلەرگە دەر كەزىندە جۇمىسسىزدىق كومەك قاراجاتىن بەرىپ، قيىنشىلىعى بارلارعا كومەك بەرىپ، نەگىزگى حالىق تۇرمىسىنىڭ تومەنگى شەگىن بەكەمدەپ، ەكونوميكانىڭ، قوعامنىڭ باياندى، اقاۋسىز دامۋىنا تىڭ ۇلەس قوسۋ كەرەك!
مەملەكەتتىك كەڭەس زۇڭليىنىڭ ورىنباسارى، مەملەكەتتىك كەڭەستىڭ شارۋا جۇمىسكەرلەردىڭ ەڭبەكاقىسىن كەشەۋىلدەتۋدى تۇبىرىنەن وڭاۋ قىزمەتىنە باسشىلىق ەتۋ گرۋپپاسىنىڭ باستىعى حۋ چۇنحۋا ماجىلىسكە قاتىناستى ءارى ءسوز سويلەدى. ول مىنالاردى دارىپتەدى: پارتيا 20 - قۇرىلتايىنىڭ، ورتالىقتىڭ ەكونوميكالىق قىزمەت ءماجىلىسىنىڭ، ورتالىقتىڭ اۋىل - قىستاق قىزمەتى ءماجىلىسىنىڭ جانە باس شۋجي شي جينپيڭنىڭ ماڭىزدى نۇسقاۋىنىڭ، بەكىتۋىنىڭ رۋحىن ىشكەرىلەي ۇيرەنىپ، دايەكتىلەندىرىپ، لي كىچياڭ زۇڭليدىڭ بەكىتۋىنىڭ تالابىن تياناقتاندىرىپ، شارۋا جۇمىسكەرلەردىڭ ەڭبەكاقىسىن كەشەۋىلدەتۋدى تۇبىرىنەن وڭاۋ قىزمەتىن تىڭعىلىقتى ىستەپ، شارۋا جۇمىسكەرلەردىڭ زاڭدى ۇقىق - مۇددەسىن ءونىمدى قامتاماسىز ەتىپ، قوعامدىق جالپى جاعدايدىڭ ورنىقتىلىعىن ءونىمدى قورعاۋ كەرەك.
حۋ چۇنحۋا بىلاي دەپ اتاپ كورسەتتى: بيىل جىل باسىنان بەرى كوپ ءتۇرلى فاكتوردىڭ ىقپالىنان ەڭبەكاقىعا قارىزدار بولۋ ماسەلەسىندە ءبىرشاما زور قايتالانۋ جارىققا شىعىپ، شارۋا جۇمىسكەرلەردىڭ ەڭبەكاقىسىن كەشەۋىلدەتۋدى تۇبىرىنەن وڭاۋ قىزمەتى ءتىپتى دە كۇردەلى جاعدايعا ءدوپ كەلدى. جەر - جەر، قاتىستى تاراۋلار پارتيا ورتالىق كوميتەتىنىڭ، مەملەكەتتىك كەڭەستىڭ ورنالاستىرۋلارىن مۇقيات دايەكتىلەندىرىپ، تياناقتاندىرىپ، قازىرگى ەڭبەكاقىعا قارىزدار بولۋ جاعدايىنىڭ قيىندىعى مەن كۇردەلىلىگىن جەتە تانىپ، شارۋا جۇمىسكەرلەردىڭ ەڭبەكاقىسىن كەشەۋىلدەتۋدى تۇبىرىنەن وڭاۋ قىزمەتىن تىڭعىلىقتى ىستەۋى كەرەك. بەلسەندى شارالار قولدانىپ، ەڭبەكاقىعا قارىزدار بولۋ كومەسكى قاتەرىن تەكسەرۋ مەن حاۋىپ - قاتەردەن ساقتانۋدى كۇشەيتىپ، تولەۋ قۋاتى بار ورىنداردى شارۋا جۇمىسكەرلەردىڭ ەڭبەكاقىسىن تەز ارادا اداقتاۋعا قۋزاپ، قيىنشىلىعى بار سالالار مەن كاسىپورىنداردىڭ ەڭبەكاقىنى كەشەۋىلدەتۋ ماسەلەسىن سايكەستىرىپ، ۇيلەسىمدى شەشۋ كەرەك. تۇرمىسىندا قيىنشىلىعى بار شارۋا جۇمىسكەرلەردى ەڭ تومەنگى شەكتەن تۇسىرمەي قامتاماسىز ەتۋدى كۇشەيتىپ، قاتىستى زاپاس قارجىنى دەر كەزىندە ىسكە قوسىپ، كوپ ارنامەن قۇتقارۋ جانە كومەكتەسۋ - سۇيەمەلدەۋ قىزمەتىن ورىستەتۋمەن بىرگە، شارۋا جۇمىسكەرلەردىڭ ورنىقتى جۇمىستانۋىنا كومەكتەسىپ، كەدەيلىكتەن ارىلعانداردىڭ جۇمىس ىستەۋ كىرىسىن دەر كەزىندە تولىق الۋىنا كەپىلدىك ەتۋ كەرەك. ەڭبەكاقىنى جات نيەتپەن كەشەۋىلدەتۋ سىندى زاڭعا قايشى ارەكەتتەردى قاتاڭ جازالاپ، قاتىستى حاۋىپ - قاتەردەن، كومەسكى كىناراتتاردان ءونىمدى ساقتانۋ جانە ونى جويۋ كەرەك. ءبىر تۇتاس جۇيە كوزقاراسىن كۇشەيتىپ، جاۋاپكەرلىكتى ساتىلار بويىنشا تياناقتاندىرىپ، تىعىز سايكەسىپ، سەلبەسىپ، ەڭبەكاقىعا قارىزدار بولۋدى جونگە سالۋدىڭ قۇدىرەتتى بىرىككەن كۇشىن قالىپتاستىرۋ كەرەك.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
سۋرەتتى حابار
لەبىز جازۋ
