ورتا، باستاۋىش مەكتەپ وقۋشىلارىنا باعىتتالعان بەلگىلەمەگە قايشى باسەكەلىك قيمىلدار جونىندەگى حابارلاندىرۋ
2023.02.16 14:07 كەلۋ قاينارى : حالىق تورابى
جۋىردا بۇقارا «يە شىڭتاۋ ساۋىتى» اتىنداعى جۇڭگولىق جاستار مەن ورەندەردىڭ ماقالا جارىسىنىڭ بەلگىلەمەگە قايشى وتكىزىلگەنى جونىندەگى ماسەلەنى اڭىس ەتكەن. العاشقى قادامداعى تەكسەرۋ ناتيجەسىنە قاراعاندا، «يە شىڭتاۋ ساۋىتى» اتىنداعى جۇڭگولىق جاستار مەن ورەندەردىڭ ماقالا جارىسى مەن «يە شىڭتاۋ ساۋىتى» انا ءتىل ورەسى جارىسى، ماتەماتيكا – فيزيكا جارىسى، اعىلشىن ءتىلى جارىسى، پروگرامما – جاڭالىق جارىسى قاتارلى جەلىلەس جارىستاردىڭ بارلىعى بەلگىلەمەگە قايشى جارىستار؛ بۇل جارىستاردى وتكىزۋشى جاق بەيجيڭ قالاسى شىڭتاۋ ۋىنرۇن وقۋ – اعارتۋ جانە مادەنيەت شەكتى سەرىكتەستىگى، بەيجيڭ شىڭتاۋ گورۇن وقۋ – اعارتۋ عىلىم – تەحنيكا شەكتى سەرىكتەستىگى؛ ولار ۋيچات الەۋمەتتىك تەكشەسىندە «يە شىڭتاۋ ساۋىتى اتىنداعى جۇڭگولىقتاردىڭ ماقالا جارىسى جونىندەگى رەسمي ۇقتىرۋ»، «يە شىڭتاۋ ساۋىتى جەلىلەس باسەكەسى جونىندەگى رەسمي ۇقتىرۋ»، «يە شىڭتاۋ ساۋىتى اتىنداعى انا ءتىلى ورەسى جارىسىن ۇيىمداستىرۋ كوميتەتى»، «يە شىڭتاۋ ساۋىتى اتىنداعى ماتەماتيكا – فيزيكا جارىسىن ۇيىمداستىرۋ كوميسسياسى»، «يە شىڭتاۋ ساۋىتى اتىنداعى اعىلشىن ءتىلى جارىسىن ۇيىمداستىرۋ كوميسسياسى» اتتى 6 تىركەلگىنى تىزىمدەتكەن. قازىر وقۋ – اعارتۋ مينيسترلىگى قاتىستى تاراۋلارمەن بىرگە بۇل ماسەلەنى ىشكەرىلەي ءبىر جاقتى ەتۋدە.
قازىر بارشا وقۋشىلار مەن اتا – انالارعا قايتالاي ەسكەرتەمىز: ورتا، باستاۋىش مەكتەپ وقۋشىلارىنا باعىتتالعان مەملەكەتتىك باسەكەلىك قيمىلدارعا قاتىناسقان كەزدە، ءسوزسىز، وقۋ – اعارتۋ مينيسترلىگىنىڭ پورتالىندا جاريالانعان «2022 — 2025 – جىلدارداعى ورتا، باستاۋىش مەكتەپ وقۋشىلارىنا باعىتتالعان مەملەكەتتىك باسەكەلىك قيمىلداردىڭ تىزىمدىگىن» (بۇل تىزىمدىك وقۋ – اعارتۋ مينيسترلىگى تەكسەرىپ بەكىتكەن ءىس ورىندار، الەۋمەتتىك ۇيىمدار وتكىزەتىن جارىستار، وقۋ – اعارتۋدى اكىمشىلىك جاقتان باسقارۋ تاراۋلارى وتكىزەتىن جارىس قيمىلدارى اكىمشىلىك ورىنداردىڭ جارىس وتكىزۋ ءتارتىبى بويىنشا تەكسەرىپ بەكتىلەدى، بۇل تىزىمدىككە ەنگىزىلمەيدى) دۇرىس تانۋى كەرەك، بەلگىلەمەگە قايشى باسەكەلەرگە قاتىناسپاعانى، الدانىپ قالۋدان، زيانعا ۇشىراۋدان ايرىقشا ساق بولعانى ءجون.
قازىر قوعامدا ساقتالىپ وتىرعان بەلگىلەمەگە قايشى باسەكەلىك قيمىلداردا الاتىن اقىسى قىمبات بولۋ، باسقارۋى جۇيەسىز بولۋ، ساپاسى ناشار بولۋ، سيلىقتاردى ساتىپ بەرۋ، مول پايدانى كوزدەۋ قاتارلى اۋىر ماسەلەلەر ساقتالىپ وتىر، بۇل تەك وقۋشىلاردىڭ اۋىرتپالىعىن ارتتىرىپ، وقۋ – اعارتۋ ورتاسىن ءبۇلدىرىپ قالماستان، مۇنىڭ استارىندا الدامكوستىك حاۋپى، بۇقارانىڭ مۇددەسىنە زيان جەتكىزۋ ارەكەتى جاسىرىنىپ جاتۋى مۇمكىن. وقۋ – اعارتۋ تاراۋلارى الدا قوعام حاۋىپسىزدىگى، بازاردى باقىلاۋ – باسقارۋ قاتارلى تاراۋلارمەن بىرگە ءتۇرلى بەلگىلەمەگە قايشى باسەكەلىك ارەكەتتەردى وتكىزۋشىلەرگە باتىل سوققى بەرەدى. قوعامداعىلاردىڭ باقىلاۋعا كەڭىنەن اتسالىسۋىن، بارشا وقۋشىلار مەن اتا – انالاردىڭ مۇددەسىن ورتاق قورعاۋىن قارسى الامىز.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
