شينحۋا شولۋى: شاڭىراقتىڭ جاراسىمدى بولۋىن قالىڭمالمەن ولشەۋگە بولمايدى
شينحۋا اگەنتتىگىنىڭ ءتىلشىسى يۋان حۇيجيڭ
2023.02.16 14:16 كەلۋ قاينارى : حالىق تورابى
جۋىرداعى جىلداردان بەرى ءىشىنارا جەرلەردە قالىڭمال الۋدا باسەكەلەسۋ ەتەك الىپ، ءاسىلى ماحابباتتى نەگىز ەتۋگە ءتيىستى ۇيلەنۋ ءىسىنىڭ قالىڭمالدى العى شارت ەتۋىنە اپارىپ سوعىپ، ۇيلەنگەن جاستاردىڭ بالداي ءتاتتى ماحابباتىنىڭ قۇنىن تۇسىرۋمەن بىرگە، ولاردىڭ ەكونوميكالىق اۋىرتپالىعىن دا ارتتىرا ءتۇستى. ۇيلەنگەن جاستاردىڭ باقىتىن قالىڭمالدىڭ سانىمەن ولشەۋگە بولمايدى، ماحابباتتى دانەكەر ەتكەن ۇيلەنۋ ءىسى «ءبىر قولمەن ادامدى تاپسىرىپ بەرىپ، ءبىر قولمەن اقشانى وتكىزىپ الاتىن» ساۋداعا اينالىپ قالماۋى كەرەك.
ءىشىنارا قىستاقتاردا «شارت – جاعدايى ناشار بولعان سايىن قالىڭمالى جوعارى بولۋ، قيىنشىلىعى اۋىر بولعان سايىن قالىڭمالدى كوپ الۋ» قۇبىلىسى ءالى ورىن تەۋىپ وتىر، كەيبىر وتباسىلار «باس قۇراۋ سەبەبىنەن كەدەيلەسكەن» جاعداي تۋىلدى. تاعى كەي وتباسىلار ەردى زور، ايەلدى قور سانايتىن مەشەۋ كوزقاراستان ءالى ارىلا الماي، قىزىن ۇزاتقاندا العان قالىڭمالدى ۇلىن ۇيلەندىرۋگە جۇمساپ، وڭىرلىك سيپاتتاعى قالىڭمال سوماسىنىڭ بارعان سايىن جوعارىلاۋى سىندى ورەسكەل اينالىمدى قالىپتاستىردى. رەال ومىردە قالىڭمالدىڭ جوعارى بولۋى سەبەبىنەن الەۋمەتتىك ماسەلەلەر ءجيى تۋىنداۋدا. وسىنىڭ سالدارىنان كەيدە ۇيلەنەتىن جاسقا كەلگەن جاستار ۇيلەنۋ جايلى اۋىز اشۋدان ۇرەيلەنسە، كەيدە قۋانىشى قۋانىشقا جالعاسۋى ءتيىستى جاستاردىڭ ماحابباتىنا سىزات تۇسەدى، ءتىپتى ارازداسىپ، جاۋلاساتىن، قىلمىستىق ىستەردى تۋدىراتىن، «ادامنان دا، مال – مۇلىكتەن دە ايرىلاتىن» تراگەديالار دا جوق ەمەس. ۇيلەنگەن كۇننىڭ وزىندە قىرۋار قالىڭمال تولەۋدەن قايشىلىق تۋىنداپ، ەكى جاقتىڭ تەرەزەسى تەڭ بولمايتىن جايتتەردى اسقىندىرىپ، وتباسىلىق قارىم – قاتىناس پەن ەرلى – زايىپتىلاردىڭ ماحابباتىنا دا ىقپال جاساپ، ءالى ىرگەسى بەكىمەگەن وتاۋعا تۇرلاۋسىزدىق تۋىنداتادى.
حالىق ىستەرى مينيسترلىگى ۇيلەنۋ سالتىنا رەفورما جاساۋدى كۇن تارتىپكە ەنگىزىپ، ءتۇيىندى تۇردە ىلگەرىلەتۋدە، ازاماتتىق زاڭنامادا دا «ۇيلەنۋدى جەلەۋ ەتىپ مال – مۇلىك سۇراپ الۋعا تيىم سالىنادى» دەپ ايقىن بەلگىلەنگەن، بىرنەشە تاراۋ مول قالىڭمال الۋ قاتارلى ۋاقىتى وتكەن سالت – سانالاردى وزگەرتۋگە ساياتىن ءتۇيىندى سالالارداعى كورنەكتى ماسەلەلەردى ارناۋلى تۇردە جونگە سالۋ قىزمەتىنىڭ جوباسىن ورتاعا قويدى ... ءبىرقىدىرۋ تۇزىمدىك جوبالار قالىڭمالدى «ازايتىپ»، ماحابباتتاسقان جاستاردىڭ «اۋىرتپالىعىن جەڭىلدەتۋگە» مۇمكىندىك جاساۋدا. الايدا، قالىڭمالدى كوپ الۋ سىندى سولەكەت سالتتى جۇرتتىڭ ساناسىنان ارىلتۋ ءۇشىن ۋاقىتى وتكەن سولەكەت سالت – سانانى وزگەرتۋ جاعىندا اناعۇرلىم جاڭا تاسىلدەر مەن جولداردى قاراستىرۋ كەرەك، مىسالى، جەرگىلىكتى جاعدايعا قاراي جەتەكشى سيپاتتى قالىڭمال ولشەمىن جاريالاۋ، توي – تومالاق جانە ءولىم – ءجىتىم ىستەرىنە جاۋاپتى القالار كەڭەسىن قۇرۋ قاتارلى تاسىلدەر ارقىلى قالىڭمالدى مول الۋ ارەكەتىن تەجەپ، پارتيا مۇشەلەرى مەن كادرلاردىڭ باستاماشى بولۋ، ۇلگى كورسەتۋ رولىن ساۋلەلەندىرىپ، جۇرتتى ۇيلەنۋ جونىندە اناعۇرلىم دۇرىس كوزقاراس ورناتۋعا جەتەلەۋ كەرەك.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
