پاتەنت ومىرشەڭدىك كۇش ۇستەپ، ەكونوميكا قوزعاۋشى كۇشكە يە بولدى (سەنىمدى بەكەمدەپ، باستاما اشۋ)
«حالىق گازەتىنىڭ» تىلشىلەرى گۋ يەكاي، يۋان تاۋشيۇڭ، ليۋ شين – ۋ
2023.04.12 16:32 كەلۋ قاينارى : حالىق تورابى
تاياۋدا شي - ان جۇڭكى - ليدى ينفرا قىزىل ساۋلە عىلىم - تەحنيكا شەكتى سەرىكتەستىگىنىڭ تەحنيكالىق جاۋاپتىسى ۋاڭ پىڭ پاتەنت ءوتىنىشىن جازۋمەن ابىگەر بولدى. ينفرا قىزىل ساۋلەلى كەسكىندى ءبىر جاقتى ەتۋدىڭ جاڭا تەحنيكاسىنان ەرتەرەك قامال الۋ ءۇشىن، سەرىكتەستىكتىڭ زەرتتەۋ - اشۋ ۇيىرمەسى 20 نەشە كۇن شايقاس جاساپ، سيفرعا رەتتەۋ جۇرگىزىپ، مالىمەتتى ساپالىلاندىردى. ”ءبىز قاتىستى تەحنيكالاردى ارقاۋ ەتە وتىرىپ ’پاتەنت ۇقىعى شوعىرىن‘ ورنالاستىردىق، پاتەنت ۇقىعىنا ەرتەرەك يە بولۋدى ءۇمىت ەتەمىز“ دەدى ۋاڭ پىڭ.
جۇڭكى – ليدى − شي - ان وزەكتى عىلىم - تەحنيكا كاسىپورىندارى الەۋمەتتىك اۋماعىنىڭ ءبىلىم مەنشىك ۇقىعىنان ۇلگى كورسەتۋ باقشا رايونىنداعى كاسىپورىن. تاياۋ جىلداردان بەرى وسى باقشا رايونى ءبىلىم مەنشىك ۇقىعىن اينالىمعا سالۋعا قىزمەت وتەۋ جۇيەسىن كەمەلدەندىرىپ، كاسىپورىنداردىڭ زەرتتەپ اشۋ، جوبالاۋ، ورتا مەزگىلدە سىناق جاساۋ، كاسىپ سالالاندىرۋ، تەحنولوگيا جانە سىناما ىستەرىنە قىزمەت وتەدى، باقشا رايونىنداعى 21 عىلىم - تەحنيكالىق جاڭالىق اشۋ كاسىپورنى 441 پاتەنت ۇقىعىن الدى، مۇنىڭ ىشىندە 143 تاپقىرلىق پاتەنتى بار.
باس شۋجي شي جينپيڭ بىلاي دەپ دارىپتەدى: ”جاڭالىق اشۋ − دامۋعا جەتەكشىلىك ەتەتىن ءبىرىنشى قوزعاۋشى كۇش، ءبىلىم مەنشىك ۇقىعىن قورعاعاندىق − جاڭالىق اشۋدى قورعاعاندىق“. ورتالىقتىڭ ەكونوميكالىق قىزمەت ماجىلىسىندە: ”ەكونوميكالىق دامۋدىڭ زاڭمەن جونگە سالۋ ارناسىندا جۇرگىزىلۋىن ىلگەرىلەتۋدە تاباندى بولىپ، مال - مۇلىك ۇقىعى مەن ءبىلىم مەنشىك ۇقىعىن زاڭ بويىنشا قورعاپ، كەلىسىم رۋحىنا بويسۇنىپ، بازارلانعان، زاڭمەن جونگە سالىناتىن، حالىقارالانعان ماڭداي الدى تيجارات - ساۋدا ورتاسىن قالىپتاستىرۋ كەرەك“ دەپ اتاپ كورسەتىلدى.
ءبىلىم مەنشىك ۇقىعى − جاڭالىق اشا دامۋدىڭ جاڭا قاجەتى، ونان دا ماڭىزدىسى، ساپالى دامۋدى جۇزەگە اسىرۋدىڭ ولشەمدى سەپتەمەسى. ءبىلىم مەنشىك ۇقىعى شوعىرلانعان كاسىپتەردىڭ حالىق شارۋاشىلىعىنا قوسقان ۇلەسى ءبىلىم مەنشىك ۇقىعىندا قۋاتتى ەل قۇرۋدىڭ ماڭىزدى بەلگىسىنە اينالدى. تاياۋ جىلداردان بەرى ەلىمىزدىڭ ءونىمدى تاپقىرلىق پاتەنتىنىڭ ساپاسى مەن مولشەرى تەڭ جوعارىلاپ، پاتەنت شوعىرلانعان كاسىپتەر، ستراتەگيالىق جاڭادان گۇلدەنگەن كاسىپتەر جەدەل دامىپ، جاڭالىق اشۋ قوزعاۋشى كۇشى ۇزدىكسىز كۇشەيدى. جوعارى قۇندى پاتەنتتى جەتىلدىرىپ، ساپالى دامۋعا دەم بەرۋ جەر - جەردىڭ، سالالاردىڭ ورتاق تانىمىنا اينالدى.
جاڭادان گۇلدەنگەن كاسىپتەردىڭ دامۋى تەزدەپ، ەكونوميكانىڭ ارتۋىنا پارمەندى ۇلەس قوستى
شيزاڭ الي ايماعى گايزى اۋدانى لاگوسو تۇزدى كولىنىڭ جاعاسىندا، ەل ىشىندە تۇڭعىش رەت ىسكە قوسىلعان جاڭا ۇلگىدەگى ليتي الۋ تەحنولوگيالىق جۇمىس ءتارتىبى جۋىقتا ءساتتى بولىپ، تۇڭعىش توپتاعى ليتي گيدروكسيدى سىناق رەتىندە ءساتتى ءوندىرىلدى. بۇل بەيجيڭ بيشۇييۋان عىلىم - تەحنيكا شەكتى جارنا سەرىكتەستىگىنىڭ باس جوراسى حۋاڭ جياڭلۇڭنىڭ كاسىپورىننىڭ جاڭا ەنەرگيا جولىندا جەدەل دامۋىنا دەگەن سەنىمىن ءتىپتى دە نىعايتا ءتۇستى.
قورشاعان ورتانى قورعاۋ عىلىم - تەحنيكا كاسىپورنى رەتىندە، بيشۇييۋان سەرىكتەستىگى ۇزاق ۋاقىت بويى لاس سۋدى بايلىققا اينالدىرۋ، تەڭىز سۋىن تۇشتىلاندىرۋ، ساپالى اۋىز سۋ سياقتى سالالاردى اشۋعا كۇش سالىپ، شەشۋشى جارعاق، تالعامدى ايىرۋ تەحنيكاسى جاعىندا قىرۋار پاتەنت تەحنيكاسىن ازىرلەدى. 2022 – جىلى بيشۇييۋان سەرىكتەستىگى ۇقىق العان پاتەنت 75 بولدى، مۇنىڭ ىشىندە 19 تاپقىرلىق پاتەنتى بار. كاسىپورىن بۇرىنعى سالالارداعى ابزالدىقتارىن بەكەمدەۋمەن بىرگە، تۇزدى كولدەن ليتي الۋدىڭ شەشۋشى تەحنيكاسىندا ءبىر جولدا قامال الىپ، ليتي يوندى ەلەكتى جانە جۇيەلى تەحنولوگيا جولىن اشىپ، ليتي سىمىرگىش زەردەلىلەنگەن تولىق اۆتوماتتى ءوندىرىس جەلىسىن قۇرىپ، جاڭا سالاداعى جاڭا جارىس جولىنا ءساتتى قادام تاستادى. ”ىسىلعان تەحنيكا بولعاندا عانا، كاسىپورىن، ءسوز جوق، ورنىقتى قاداممەن باياندى دامي الادى“ دەدى حۋاڭ جياڭلۇڭ.
ەلىمىزدىڭ جاڭالىق اشۋ ارقىلى دامۋعا دەم بەرۋ ستراتەگياسىنىڭ ىشكەرىلەي اتقارىلۋىنا بايلانىستى، ءبىلىم مەنشىك ۇقىعى، عىلىم - تەحنيكادا جاڭالىق اشۋ مەن كاسىپ سالاسىنىڭ دامۋى تىعىز توعىسىپ، پاتەنت كاسىبى ورنىقتى زورايىپ، ستراتەگيالىق جاڭادان گۇلدەنگەن كاسىپتەردىڭ پاتەنت زاپاسى ونان ارى كۇشەيىپ، ەكونوميكانىڭ ارتۋىنا پارمەندى ۇلەس قوستى.
2022 – جىلدىڭ سوڭىنا دەيىن ەلىمىزدىڭ تاپقىرلىق پاتەنتىنىڭ ءونىمدى مولشەرى 4 ميلليون 212 مىڭ بولىپ، دۇنيە ءجۇزى بويىنشا ءبىرىنشى ورىندا تۇردى؛ ءار 10 مىڭ ادامعا تۋرا كەلەتىن جوعارى قۇندى تاپقىرلىق پاتەنتىنىڭ سانى 9.4 بولىپ، الدىنداعى جىلداعىدان 1.9 پارشا جوعارىلاپ، ”13 – بەسجىلدىقتىڭ“ سوڭىنداعىدان 3.1 پارشا جوعارىلادى. ءبىلىم مەنشىك ۇقىعى جاسامپازدىعىنىڭ ساپاسى ۇزدىكسىز جوعارىلاپ، تاپقىرلىق پاتەنت قۇرىلىمى ۇزدىكسىز ساپالىلاندى.
سونىمەن بىرگە، پاتەنت كاسىبى، ستراتەگيالىق جاڭادان گۇلدەنگەن كاسىپ سالاسى جاڭالىق اشۋ بايلىعى شوعىرلانعان، جاڭالىق اشۋ قوزعاۋشى كۇشى كورنەكتى تيپتىك ۋاكىل رەتىندە ساپالى دامۋدىڭ بەرىك تىرەگىنە اينالدى. 2021 - جىلى ەلىمىزدىڭ پاتەنت كاسىبىنىڭ ارتقان قۇنى 14 تريلليون يۋاننان اسىپ، سايكەس مەزگىلدەگىدەن %17.9 ارتىپ، كاسىپتىڭ ارتقان قۇنىنىڭ سول جىلعى GDP دەگى سالىستىرماسى %12.44 كە جەتتى. 2022 – جىلدىڭ سوڭىنا دەيىن ەلىمىزدىڭ ەل ىشىندەگى جوعارى قۇندى تاپقىرلىق پاتەنتىنىڭ ىشىندە ستراتەگيالىق جاڭادان گۇلدەنگەن كاسىپككە جاتاتىن ءونىمدى تاپقىرلىق پاتەنتى 952 مىڭعا جەتىپ، سايكەس مەزگىلدەگىدەن %18.7 ارتقان، سالىستىرماسى %71.9 بولعان.
بەيجيڭ داشۋەسى حالىقارالىق ءبىلىم مەنشىك ۇقىعىن زەرتتەۋ ورتالىعىنىڭ مەڭگەرۋشىسى ي جيميڭ بىلاي دەپ قارادى: ءبىلىم مەنشىك ۇقىعى شوعىرلانعان كاسىپتەردىڭ تەحنيكالىق قۇرامى جوعارى، كەمەلدىلىك دارەجەسى جوعارى، ۇلەس قوسۋ شاماسى جوعارى بولۋ سياقتى ەرەكشەلىكتەرى بار، ول − جاڭالىق اشۋ ارقىلى دامۋعا دەم بەرۋ ستراتەگياسىن اتقارۋدىڭ وزەكتى تىرەگى، كاسىپتىڭ تيبىن وزگەرتىپ، دارەجەسىن جوعارىلاتۋدىڭ ماڭىزدى تۇتقاسى، ەكونوميكانىڭ باياندى ارتۋىن ىلگەرىلەتۋدىڭ شەشۋشى كۇشى. تۇڭجي داشۋەسى جۇڭگو - ەۆروپا جاڭالىق اشۋ ساياساتى جانە زاڭ زەرتتەۋ ورتالىعىنىڭ مەڭگەرۋشىسى شان شياۋگۋاڭ بىلاي دەدى: ”ءبىلىم مەنشىك ۇقىعى شوعىرلانعان كاسىپ سالاسى جاڭالىق اشۋدىڭ جالىندى ءوڭىرى عانا ەمەس، ونان دا ماڭىزدىسى، جاڭالىق اشۋدىڭ ’ءتۇسىمدى ارتتىراتىن اتىزى‘، قاي جەر عىلىم - تەحنيكا دامۋىنىڭ الدىڭعى شەبى بولسا، سول جەردە ءبىلىم مەنشىك ۇقىعى شوعىرلانعان كاسىپ سالاسى بولادى“.
جاڭالىق اشۋ ارقىلى قوزعاۋشىلىق ەتۋ ەرەكشەلىگى كورنەكتى، ءبىلىم مەنشىك ۇقىعىمەن جەتەكتەۋ رولى كورنەكتى بولدى
2 – ايدىڭ 13 – كۇنى جياڭسۋ ولكەسىنىڭ سۋجوۋ قالاسىنداعى شيندا بيولوگيالىق ءدارى جاساۋ توبىنىڭ تاجىريبەحاناسىندا، زەرتتەۋشىلەر تاجىريبە ساندى مالىمەتتەرىن ءتۇسىندىرىپ، جاڭا ءدارىنىڭ ىشەك راگى كلەتكاسىن نەمەسە ۇيقى بەزى راگى كلەتكاسىن ءونىمدى تۇردە ولتىرە الۋ - الماۋىن، سونىمەن بىرگە قالىپتى كلەتكانى ولتىرمەۋ جاعدايىن باعالاۋدا. شيندا بيولوگيالىق ادام كۇشى بايلىعى توبى باس القاسىنىڭ ورىنباسارى گاۋ جيانفىڭ بىلاي دەپ تانىستىردى: شيندا بيولوگيالىق توبى 36 جاڭا ءدارى ءتۇرىن قامتىعان ءونىم تىزبەگىن قۇرىپ، وسپە، زات الماستىرۋ اۋرۋى سياقتى كوپتەگەن اۋرۋ سالاسىن قامتىدى. قازىر شيندا بيولوگيالىق توبى 700 دەن استام پاتەنتتى ءوتىنىش ەتىپ وتىر، مۇنىڭ ىشىندە PCT حالىقارالىق پاتەنت ءوتىنىشى 106، ۇقىق بەرىلگەن پاتەنت 144، دۇنيە جۇزىندەگى كوپتەگەن مەملەكەت پەن رايوندا پاتەنت الۋ اۋقىمىن قالىپتاستىردى.
شيندا بيولوگيالىق توبى سياقتى ءبىر توپ جاڭاشىل كاسىپورىن ءبىلىم مەنشىك ۇقىعىن جاراتۋ بارىسىندا بازار باسەكەسىنىڭ ەنەرگياسىنا يە بولىپ، دەربەس جاڭالىق جاراتۋ قابىلەتىنە يە اتويشىعا اينالدى. 2022 - جىلدىڭ سوڭىنا دەيىن ەلىمىزدە ءونىمدى تاپقىرلىق پاتەنتىنە يە بولعان كاسىپورىندار 355 مىڭعا جەتىپ، الدىنداعى جىلداعىدان 57 مىڭ كاسىپورىن ارتتى؛ ەل ىشىندەگى كاسىپورىنداردىڭ جوعارى قۇندى تاپقىرلىق پاتەنتىنە يە بولۋ مولشەرى 968 مىڭعا جەتىپ، سايكەس مەزگىلدەگىدەن %28.7 ارتتى.
كوپتەگەن جاڭاشىل كاسىپورىن شوعىرلانىپ كاسىپ سالاسى دامۋىنىڭ جاڭا تولقىنىنا اينالدى. 2012 - جىلدان 2022 - جىلعا دەيىن ەلىمىزدىڭ پاتەنت كاسىپتەرىنىڭ تاپقىرلىق پاتەنتىنە ۇقىق بەرۋ مولشەرىنىڭ ارتۋ شاماسى جىلىنا ورتا ەسەپپەن %17.2 كە جەتتى، مۇنىڭ ىشىندە جاڭا جابدىق جاساۋ كاسىبى، ينفورماتسيا، حابارلاسۋ، تەحنيكالىق قىزمەت وتەۋ كاسىبى سياقتى تاپقىرلىق پاتەنتىنە ۇقىق بەرۋ مولشەرىنىڭ ارتۋ شاماسى جىلىنا ورتا ەسەپپەن %20 تەن، ستراتەگيالىق جاڭادان گۇلدەنگەن كاسىپتەردىڭ تاپقىرلىق پاتەنت ۇقىعىن بەرۋ مولشەرىنىڭ ارتۋ شاماسى جىلىنا ورتا ەسەپپەن %18 تەن استى. ”ەلىمىزدىڭ ءبىلىم مەنشىك ۇقىعى شوعىرلى كاسىپ سالالارىنىڭ جوعارى، جاڭا تەحنيكالىق كاسىپ سالالارىمەن، ستراتەگيالىق جاڭادان گۇلدەنگەن كاسىپ سالالارىمەن قاباتتاسۋ دارەجەسى جوعارى، بارلىعىندا جاڭالىق اشۋعا دەم بەرەتىن كورنەكتى ەرەكشەلىك بار، بۇل زەرتتەۋ - اشۋ ۇسىنىلىمى كوپ، كۇشەمەلىلىگى زور، دامۋ ساپاسى مەن ونىمدىلىگى جاقسى بولۋ سياقتى جاقتاردا بەينەلەنەدى“ دەدى ي جيميڭ.
ساندى قۇراۋدان ساپانى قۇراۋعا، قارقىندى كوزدەۋدەن ونىمدىلىكتى كوزدەۋگە دەيىن، ءبىلىم مەنشىك ۇقىعى سياقتى فاكتورلاردىڭ ساپالى دامۋداعى رولى اناعۇرلىم كورنەكتىلەندى. OPPO گۋاڭدۇڭ جىلجىمالى حابارلاسۋ شەكتى سەرىكتەستىگى وسىنىڭ يگىلىگىن كورۋشى سانالادى. OPPO جاقىندا عانا شىعارعان بۇكتەمەلى ەكراندى قول تەلەفوندا اسقىن سوزىلعىش قورىتپا ارقىلى سۇعىندىرىپ مانەرلەۋ ونەرىمەن جوبالاپ جاسالعان نازىك ومىرتقا ۇلگىسىندەگى توپسا تىزبەگى 240 نەشە ءتۇرلى پاتەنت تەحنيكاسىن قامتيدى.
2022 – جىلدىڭ سوڭىنا دەيىن OPPO نىڭ دۇنيە جۇزىندەگى تاپقىرلىق ءوتىنىشىنىڭ جالپى مولشەرى 88 مىڭنان اسىپ، تاپقىرلىق ءوتىنىش ەتۋ سالىستىرماسى %90 تى يەلەپ، PCT حالىقارالىق پاتەنتىن ءوتىنىش ەتۋ مولشەرى ءۇرتىس 3 جىل دۇنيە ءجۇزى بويىنشا الدىڭعى 10 ورىندى يەلەدى. ”زەردەلى قول تەلەفون كاسىبى − تيپتىك ءبىلىم مەنشىك ۇقىعى شوعىرلانعان كاسىپ سالاسى، 5G، AI، كەسكىن، جەدەل زاريادتاۋ سياقتى پاتەنت تەحنيكالارى ’شىرما - شاتۋ توعىسقان‘، مىعىم ءبىلىم مەنشىك ۇقىعى قۋاتى − كاسىپورىننىڭ دۇنيە جۇزىللىك بازار باسەكەسىنە قاتىناسۋىنىڭ ماڭىزدى كەپىلى“ دەدى OPPO سەرىكتەستىگىنىڭ باس ءبىلىم مەنشىك ۇقىعى ءمانساپتىسى فىڭ يىڭ.
”ءبىلىم مەنشىك ۇقىعى − كاسىپ سالاسىنىڭ دامۋىن ىلگەرىلەتەتىن ىشكى قوزعاۋشى كۇش، كاسىپ سالاسىنىڭ دامۋى ءبىلىم مەنشىك ۇقىعىنىڭ ارتۋىنا تۇرتكى بولادى. كاسىپ سالاسىنداعى ءبىلىم مەنشىك ۇقىعىنىڭ شوعىرلانۋ دارەجەسىن جوعارىلاتۋ ءبىلىم مەنشىك ۇقىعى مەن كاسىپ سالاسىنىڭ دامۋى اراسىندا وڭ اينالىم قالىپتاستىرادى“. ي جيميڭ مىنانى ءبىلدىردى: ءبىلىم مەنشىك ۇقىعى شوعىرلانعان كاسىپ سالاسى وسى زامانعى كاسىپ سالاسى جۇيەسىنىڭ ساپاسىن ءونىمدى جوعارىلاتىپ قانا قويماي، بايلىقتى ورنالاستىرۋ قابىلەتىن جوعارىلاتىپ، كاسىپ سالاسىنىڭ حالىقارالىق باسەكەلىك قۋاتىن كۇشەيتۋگە دە ءتيىمدى.
ءبىلىم مەنشىك ۇقىعى الەۋمەتتىك ساياساتىمەن قامداۋدى ساپالىلاندىرىپ، تاماشا جاڭالىق اشۋ ەكولوگياسىن قالىپتاستىردى
«”14 - بەسجىلدىق“ مەملەكەتتىك ءبىلىم مەنشىك ۇقىعىن قورعاۋ جانە پايدالانۋ جوباسىندا» ”پاتەنت شوعىرلانعان كاسىپ سالالارىن جەتىلدىرۋ“ قىزمەت مىندەتى العا قويىلدى. مەجەمەن 2025 – جىلعا بارعاندا ەلىمىزدە پاتەنت شوعىرلانعان كاسىپتەردىڭ ارتقان قۇنىنىڭ GDP دەگى سالىستىرماسى %13 كە جەتەدى. شان شياۋگۋاڭ بىلاي دەپ قارادى: ءبىلىم مەنشىك ۇقىعى شوعىرلانعان كاسىپتەردى جەتىلدىرۋ، دامىتۋ ءۇشىن تاماشا تيجارات - ساۋدا ورتاسىن جاراتىپ، ەكولوگيادا جاڭالىق اشىپ، ومىرشەڭدىك كۇشكە تولى ءبىلىم مەنشىك ۇقىعى الەۋمەتتىك ساياسات جۇيەسىن ورناتۋ كەرەك.
تاياۋدا چۇڭچيڭ ستانوك (توبى) شەكتى جاۋاپكەرلىك سەرىكتەستىگى وندىرگەن سيفرمەن مەڭگەرىلەتىن اينالمالى ءتىستى دوڭگەلەك سياقتى 3 جابدىق 2023 - جىلعى چۇڭچيڭ قالاسىنان تۇڭعىش توپتاعى ماڭىزدى تەحنيكالىق جابدىق ونىمدەرى تىزىمدىگىنە ەنگىزىلدى. چۇڭچيڭ ستانوك توبى باس ديرەكتورىنىڭ ورىنباسارى، باس ينجەنەرى جياڭ لين بىلاي دەپ تانىستىردى: چۇڭچيڭ ستانوك توبى وزەكتى بولشەكتەردى زەرتتەپ اشۋدى جانە قولدانۋدى زور كۇشپەن ىلگەرىلەتىپ، 300 دەن استام پاتەنتكە ۇقىق بەردى، مۇنىڭ ىشىندە 67 تاپقىرلىق پاتەنتى، 7 جۇمساق بولشەك اۆتورلىق ۇقىعى بار. 2022 – جىلى كاسىپورىننىڭ تيجارات كىرىسى سايكەس مەزگىلدەگىدەن %13 ارتتى.
چۇڭچيڭ ستانوك توبىنىڭ جاڭالىق اشا دامۋى چۇڭچيڭ وڭتۇستىك جاعالاۋ رايونىنىڭ ءبىلىم مەنشىك ۇقىعى شوعىرلانعان كاسىپتەردى زور كۇشپەن جەتىلدىرۋ، دامىتۋ قۇلشىنىسىنان ايرىلا المايدى. تاياۋ جىلداردان بەرى وڭتۇستىك جاعالاۋ رايونى كاسىپورىنداردى وزەكتى تەحنيكانى ارقاۋ ەتە وتىرىپ پاتەنتتى ورنالاستىرۋعا بەلسەنە شابىتتاندىرىپ، چۇڭچيڭ ستانوك توبىنىڭ ءبىلىم مەنشىك ۇقىعىن مالىمدەۋ، ءونىم ساپاسىن جوعارىلاتۋ سياقتىلارعا جەتەكشىلىك ەتتى ءارى ءبىلىم مەنشىك ۇقىعىنا قارجىلاي كومەك بەردى.
بايتاق دالادا كوكتەم لەبى ەستى، جەر - جەر، تاراۋلار شابىتتاندىرۋ شاراسى، كاسىپ سالاسىن توعىستىرۋ، قورعاۋ تەبىنى سياقتى كوپ جاقتان ىسكە كىرىسىپ، شىنايى شارالاردى ۇزدىكسىز شىعارىپ، جاڭالىق اشۋعا، جاسامپازدىققا شابىت بەرىپ، پاتەنت شوعىرلانعان كاسىپ سالاسىنىڭ پاتەنتىن اناعۇرلىم جيىلەتىپ، ساپالى دامۋدىڭ اياق الىسىن اناعۇرلىم تەزدەتتى.
شي - اندا 9 ءىرى وزەكتى عىلىم - تەحنيكا كاسىبىن قامتىعان كاسىپ سالاسى پاتەنت ساندى مالىمەت قامباسى قۇرىلدى، پاتەنت تەحنيكاسىن وتكەرمەلەۋگە قىزمەت وتەۋ مەحانيزمى، ءبىلىم مەنشىك ۇقىعى الەۋمەتتىك يگىلىك ارناۋلى قىزمەتكەرى ”باقشاعا، كاسىپورىندارعا كىرۋ“ قىزمەت وتەۋىن جاپپاي ورىستەتتى؛ حىبەي ولكەسى پاتەنت ونىمدەرىن ەستەلىككە الۋ قىزمەتىن بەلسەنە ۇيىمداستىرىپ، ورىستەتىپ، ولكەدەگى 6 پاتەنت جول نۇسقاۋ قىزمەت وتەۋ بازاسىن پاتەنت ينفورماتسياسىنا تالداۋ جاساۋعا، پاتەنت جول نۇسقاۋ نىساندارىن اتقارۋعا ۇيىمداستىرىپ، كاسىپ سالاسى قوعامدارىمەن ۇشتاسىپ قىزمەت وتەدى...
”ەلىمىزدىڭ شوعىرلى پاتەنت كاسىپ سالاسى جەدەل دامۋمەن بىرگە، تاعى دا زور جەتىلۋ كەڭىستىگى بار“. مەملەكەتتىك ءبىلىم مەنشىك ۇقىعى مەكەمەسى ستراتەگيالىق جوبا تارماق مەكەمەسىنىڭ باستىعى گى شۋ مىنالاردى ءبىلدىردى: ”كەلەسى قادامدا مەملەكەتتىك ءبىلىم مەنشىك ۇقىعى مەكەمەسى ’14 - بەسجىلدىق‘ جوبا مىندەتىن، ورنالاستىرۋىن ىشكەرىلەي تياناقتاندىرىپ، اناعۇرلىم پارمەندى ءبىلىم مەنشىك ۇقىعى ساياساتىن قولدانىپ، پاتەنت شوعىرلانعان كاسىپ سالالارىن ۇزدىكسىز جەتىلدىرىپ، زورايتىپ، ءبىلىم مەنشىك ۇقىعىنىڭ كاسىپ سالاسىمەن تەرەڭدەي توعىسا دامۋىن ىلگەرىلەتەدى“.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
