الاتاۋ ساعاسى: اناعۇرلىم ىركىلىسسىز، اناعۇرلىم قولايلى، اناعۇرلىم جوعارى ءونىمدى بولدى
− شينجياڭداعى شەكارا وتكەلدەرىنىڭ الدىڭعى شەبىنەن كورگەن - بىلگەندەرىمىز ②
□ انار بۇلت \ شينجياڭ گازەتىنىڭ ءتىلشىسى چىن چياڭۋي
2023.04.13 15:52 كەلۋ قاينارى : شينجياڭ گازەتى
4 - ايدىڭ 8 - كۇنى كەشقۇرىم، 8 − 9 بال ۇيتقىمالى بوران سوعىپ تۇر، ءبىر - بىرلەگەن جۇك اۆتوموبيلدەرى قازاقستاننان الاتاۋ ساعاسى تاس جول شەكارا وتكەلىنە قاراي بەت الىپ، قاتارعا تۇرىپ شەكارادان كىردى.
”ەرتەڭ تاس جول شەكارا وتكەلى جابىلاتىندىقتان، بۇگىن تۇستەن كەيىن شەكارادان كىرەتىن اۆتوموبيلدەر ءبىرشاما كوپ“، - دەدى الاتاۋ ساعاسى كەدەنى تەكسەرۋ 2 - ءبولىمىنىڭ 4 - دارەجەلى باسقارۋشىسى حۋاڭ جيڭ. گۋىلدەگەن ۇيتقىمالى بوراندا حۋاڭ جيڭ اسا جايبىراقات تۇر، ”مۇنداي ۇيتقىمالى بوران شەكارا وتكەلىندە ۇنەمى كەزىگەدى“، - دەدى ول.
شەكارادان كىرەتىن اۆتوكولىكتەر اترەتىنە تاياۋ جەردە الاتاۋ ساعاسى تاس جول شەكارا وتكەلىنىڭ قاتىناۋ قۋاتىن جوعارىلاتۋ نىسانىنىڭ قۇرىلىسى قاۋىرت جۇرگىزىلۋدە. نىسان سالىنىپ بولعاننان كەيىن، شەكارا وتكەلى تاس جولى 2 اۆتوكولىك جولىنان 4 اۆتوكولىك جولىنا اينالىپ، شەكارا اتتايتىن اۆتوكولىكتەردىڭ قاتىناۋ قاجەتىن ونان ارى قاناعاتتاندىرا تۇسەدى.
”قازىر تاس جول شەكارا وتكەلىنەن يمپورت ەتىلگەن تاۋارلاردىڭ كوبى شەكىلدەۋىك، زىعىر تۇقىمى سياقتى استىق - ماي داقىلدارى، مۇنىڭ كوبى الاتاۋ ساعاسى كەشەندى قورعامالى باجى اۋماعىنداعى كاسىپورىنداردىڭ ءوندىرىس شيكىزاتى“، - دەدى حۋاڭ جيڭ.
الاتاۋ ساعاسى كەشەندى قورعامالى باجى اۋماعىندا قازىر 15 قورعامالى باجى وڭدەۋ كاسىپورنى بار، مۇنىڭ التاۋى يمپورت ەتىلگەن استىق - ماي وڭدەۋ كاسىپورنى. قازىر وسى كاسىپورىندار تولىق كوتەرىمدىلىكپەن ءوندىرىس جۇرگىزۋدە، ءبىر جىلدا قاجەت ەتەتىن يمپورت ەتىلگەن شيكىزات ماتەريالدارى 450 مىڭ تونناعا جەتەدى.
مەملەكەتتىڭ استىق حاۋىپسىزدىگىن قامتاماسىز ەتۋ، كەشەندى قورعامالى باجى اۋماعىنداعى كاسىپورىنداردىڭ ءوندىرىس قاجەتىن قاناعاتتاندىرۋ ءۇشىن، الاتاۋ قالاسى كەشەندى قورعامالى باجى اۋماعىنىڭ وڭىرلىك ورىن ابزالدىلىعىنا سۇيەنىپ، استىق وسى زامانعى زات اينالىمى ورتالىعى نىسانىن اتقارىپ، نىساندى ەكى مەرزىمگە ءبولىپ ورىنداپ، جالپى 450 ميلليون يۋان قارجى قوستى.
2021 - جىلى 2 - ايدا وسى نىساننىڭ 1 - مەرزىمدىك الاتاۋ ساعاسى كەشەندى قورعامالى باجى اۋماعىنىڭ بوس تيەلگەن استىقتى اۋىستىرىپ تيەۋ جەلىسى سالىنىپ ىسكە قوسىلدى، جەتكىزۋ مولشەرى ساعاتىنا 1600 توننا بولىپ، كەشەندى قورعامالى باجى اۋماعىنداعى استىق - ماي وندىرەتىن كاسىپورىنداردىڭ استىقتى تيەپ - تۇسىرۋىنە بارىنشا قولايلىلىق جاسادى.
الاتاۋ قالاسى گوتوۋ سەرىكتەستىگىنىڭ القا باستىعى، الاتاۋ قالاسى ديپيڭشيان مۇناي - تابيعي گاز شەكتى جارنا سەرىكتەستىگىنىڭ ورىنباسار باس ديرەكتورى جاڭ فاچي مىنالاردى ءبىلدىردى: بۇرىن 3000 نەشە توننا ءبيدايدى اۆتوموبيلدەن ءتۇسىرۋ جۇمىسىن 9 − 10 جۇمىسشى 2 كۇندە ارەڭ ورىنداپ بولاتىن، قازىر بوس استىق تيەلگەن اۆتوموبيلدەن زاتتى 2 − 4 ادام 5 − 6 ساعاتتا - اق ءتۇسىرىپ بولادى.
”ءبىز استىق وسى زامانعى زات اينالىمى ورتالىعى نىسانىنىڭ 2 - مەرزىمدىك قۇرىلىسىن جەدەل جۇرگىزىپ جاتىرمىز، بيىل 6 - ايدىڭ سوڭىندا سالىپ بولۋدى جوسپارلاپ وتىرمىز“. جاڭ فاچي بىلاي دەدى: نىساننىڭ 2 - مەرزىمدىك قۇرىلىسى سالىنىپ بولعاننان كەيىن، الاتاۋ ساعاسى كەشەندى قورعامالى باجى اۋماعىنىڭ جىلدىق استىق ساقتاۋ قۋاتى ءبىر ميلليون تونناعا، جىلدىق وڭدەۋ قۋاتى 2 ميلليون تونناعا، جىلدىق اۋىستىرىپ تيەۋ قۋاتى 5 ميلليون تونناعا جەتەدى.
3 - ايدىڭ سوڭىندا اۆتونوميالى رايوندىق پارتكومنىڭ نەگىزگى باسشىلارى جۇڭگو شينجياڭ دوستىق اۋىس - كۇيىس ساپارلاۋ ۇيىرمەسىن باستاپ قازاقستاندا، وزبەكستاندا، قىرعىزستاندا ساپاردا بولدى. ساپار كەزىندە الاتاۋ قالاسى جينشاحى ۇن شارۋاشىلىعى شەكتى جاۋاپكەرشىلىك سەرىكتەستىگى قازاقستان جاقتىڭ كاسىپورىندارىمەن 50 مىڭ توننا ءبيداي ساتىپ الۋ توقتامىنا قول قويىستى. 4 - ايدىڭ باسىندا تاپسىرىس بەرىلگەن تۇڭعىش توپتاعى 3000 توننادان استام بوس تيەلگەن ءبيداي كەشەندى قورعامالى باجى اۋماعىنا جەتتى.
الاتاۋ قالاسى جينشاحى ۇن شارۋاشىلىعى شەكتى جاۋاپكەرشىلىك سەرىكتەستىگىنىڭ ءوندىرىس ديرەكتورى يىن فيحۇڭ مىنالاردى ءبىلدىردى: بوس تيەلگەن استىق جەلىسى ارقىلى ءبيداي تەز قارقىنمەن تيەلىپ - ءتۇسىرىلىپ، ونان سوڭ كاسىپورىندارعا تىكە تاسىمالدانادى، وزىندىك قۇن بارىنشا تومەندەپ، كاسىپورىننىڭ ءوندىرىسىن شيكىزاتپەن قامتاماسىز ەتتى.
”قازىر سەرىكتەستىكتىڭ ءبيدايدى جىلدىق ءبىر جاقتى ەتۋ قۋاتى 250 مىڭ توننا اينالاسىندا، تەز قارقىندى تاسىمال ارناسى ىسكە قوسىلعاننان كەيىن، جوعارى ساپالى دامۋدى جۇزەگە اسىرۋعا سەنىمىمىز ارتا ءتۇستى“، - دەدى يىن فيحۇڭ.
”14 - بەسجىلدىق“ مەزگىلىندە الاتاۋ ساعاسى كەشەندى قورعامالى باجى اۋماعى تاعى استىقتى قامبادا ساقتاۋ قابىلەتىن اناعۇرلىم جوعارىلاتىپ، ورگانيكالىق اۋىل شارۋاشىلىق قوسىمشا ونىمدەرىن وڭدەۋ كاسىپ سالاسىنىڭ نەگىزدىك قۇرىلعى سايكەستى قۇرىلىسىن كەمەلدەندىرىپ، الاتاۋ ساعاسىن مەملەكەتتىڭ يمپورت ەتەتىن استىعىن ستراتەگيالىق حاۋىپسىز زاپاس ساقتاۋ، وڭدەۋ بازاسى ەتىپ قۇرىپ شىعۋدى جەدەلدەتەدى.
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
