مەملەكەتتىك ورمان شارۋاشىلىعى جانە جايىلىم مەكەمەسى ورتتەن ساقتانۋ قىزمەتى جونىندە ورنالاستىرۋ جاسادى
2023.04.14 15:15 كەلۋ قاينارى : حالىق تورابى
شينحۋا اگەنتتىگىنىڭ ءتىلشىسى يان فۋجيڭ 4 – ايدىڭ 13 – كۇنى بەيجيڭنەن حابارلايدى. بيىلعى كوكتەم مەزگىلىندە، بۇكىل ەلىمىزدىڭ كوپ ءبولىم جەرلەرىندە اۋا تەمپەراتۋراسى بۇرىنعى جىلدارداعى سول مەزگىلدەگىمەن سالىستىرعاندا جوعارىلاۋ بولدى، ورمان مەن جايىلىمداعى ورتتەن ساقتانۋ جاعدايىنىڭ جالپى جاقتان ايتقاندا كۇردەلى بولۋىنا باعىتتاي وتىرىپ، مەملەكەتتىك ورمان شارۋاشىلىعى جانە جايىلىم مەكەمەسى ورمان مەن جايىلىمداعى ورتتەن ساقتانۋ قىزمەتىن 6 جاقتان ويداعىداي مىقتى ۇستايدى.
مەملەكەتتىك ورمان شارۋاشىلىعى جانە جايىلىم مەكەمەسىنىڭ ورتتەن ساقتانۋ مەڭگەرمەسىنىڭ 2 – دارەجەلى شارلاۋشى قىزمەتكەرى ليۋ يۋەشياڭ مەملەكەتتىك ورمان شارۋاشىلىعى جانە جايىلىم مەكەمەسىنىڭ 4 – ايدىڭ 13 – كۇنى وتكىزىلگەن ەكىنشى توقسانداعى كەزەكتى اقپار جاريالاۋ ماجىلىسىندە وسىلاي تانىستىردى. ونىڭ ايتۋىنشا، اۋا رايى تاراۋلارى كوكتەمنەن جازدىڭ باسىنا دەيىن ءورت كەتۋ حاۋپى جوعارى وڭىرلەر، جالپى جاقتان ايتقاندا، وڭتۇستىكتەن سولتۇستىككە قاراي قاباتتاسا تارالادى، شىعىس سولتۇستىكتەگى، ىشكى موڭعۇلداعى ورماندى وڭىرلەردە ءورت كەتۋ حاۋپىنىڭ دارەجەسى بىرتىندەپ جوعارىلايدى دەپ مەجەلەگەن.
ليۋ يۋەياڭ بىلاي دەدى: الدا، ورمان مەن جايىلىمداعى ورتتەن ساقتانۋ قىزمەتى مىناداي 6 ءتۇرلى جاقتان ويداعىداي مىقتى ۇستالادى:
— دەر كەزىندە اتتانىسقا كەلتىرىپ، ورنالاستىرۋ جاساۋ. مەملەكەتتىك ورمان، جايىلىم ورتىنەن ساقتانۋ جانە ءورتتى ءوشىرۋ قىزمەتى جونىندەگى ءماجىلىستىڭ رۋحىن مۇقيات دايەكتىلەندىرىپ، ساقتانۋدى نەگىز ەتۋگە تاباندى بولىپ، اتتانىسقا كەلتىرۋ مەن ورنالاستىرۋ جاساۋدى ىشكەرىلەي مىقتى ۇستاپ، بۇقاراعا ۇگىت – تاربيە جۇرگىزۋدى كۇشەيتىپ، بۇكىل حالىقتىڭ ورتتەن ساقتانۋ تانىمىن جوعارىلاتۋ.
— ءار دارەجەلى ورىنداردىڭ جاۋاپكەرشىلىگىن شىنايى تياناقتاندىرۋ. ورمان باستىعى ءتۇزىمىن تولىق پايدالانىپ، قاراستىلىعىنداعى ورمان باستىعىنا ءورت جاعدايىن دەر كەزىندە مالىمدەپ، ءورت ءجيى كەتەتىن جەرلەردەگى ورمان باستىقتارىنا ۇيلەسىمدى ۋاقىتتا ەسكەرتۋ حاتىن جولداپ وتىرۋ، ءورت كەتۋ حاۋپى جوعارى جەرلەردەگى ورمان باستىقتارىنا ۇسىنىس حاتىن جولداپ وتىرۋ، بولىكتەرگە ءبولىپ باسقارۋ سىندى جاۋاپكەرشىلىك مەحانيزمىن كەمەلدەندىرۋ.
— باقىلاۋ جانە سەگنال بەرۋدى كۇشەيتۋ. ءورت كەتۋ حاۋپىنىڭ جاعدايىن زەرتتەۋ، تۇجىرىم جاساۋدى ۇيىمداستىرىپ جانە ورىستەتىپ، جاعدايداعى وزگەرىستەرگە ەرتەرەك بولجام جاساپ، جاساندى سەرىكپەن الىستان بارلاۋ، ۇشاقپەن شارلاپ قورعاۋ، بيىك تاۋ شوقىلارىنان كوز جىبەرىپ باقىلاۋ، كەسكىن ارقىلى باقىلاۋ، جەر بەتىندە شارلاپ تەكسەرۋ قاتارلى تاسىلدەردى جان – جاقتى قولدانىپ، ءورت جاعدايىن دەر كەزىندە بايقاۋ. ورمان مەن جايىلىم ورتىنەن ساقتانۋ تورىنىڭ بايقاۋ جۇيەسىنەن ىشكەرىلەي پايدالانىپ، نايزاعاي تۇسۋدەن تۋىلاتىن ورتتەن ساقتانۋ تەحنيكاسىنىڭ سىچۋاننىڭ لياڭشان وبلىسى، شينجياڭنىڭ التاي ايماعى، حىبەيدىڭ سايحانبا ساحاراسى قاتارلى جەرلەردە قولدانىلۋىن ىلگەرىلەتۋ.
— حاۋىپ – قاتەردى ءبىر – بىرلەپ تەكسەرىپ، جونگە سالۋدى كۇشەيتۋ. مەملەكەتتىك ورمان ورتىنەن ساقتانۋ كەڭسەسىمەن، شۇعىل جاعدايلارعا توتەپ بەرۋدى باسقارۋ مينيسترلىگىمەن، قوعام حاۋىپسىزدىگى مينيسترلىگىمەن بىرگە ءورت كەتۋ حاۋپىنە ءبىر – بىرلەپ تەكسەرۋ جۇرگىزىپ، جونگە سالۋ جانە وتتان بەلگىلەمەگە قايشى تۇردە پايدالانۋ ارەكەتىن انىقتاپ ءبىر جاقتى ەتۋ ارناۋلى ارەكەتىن ورىستەتىپ، بولەكتەر بويىنشا مىندەتكە الىپ، تۇراقتاپ تۇرىپ قىزمەت ىستەۋدى ۇزدىكسىز ورىستەتىپ، جەر - جەرگە قىزمەت گرۋپپاسىن جىبەرىپ باقىلاپ تەكسەرۋ جۇرگىزۋ.
— قارجى قوسىلىمىن ارتتىرۋ. 2023 – جىلى ورمان مەن جايىلىمداعى ورتتەن ساقتانۋ جاعىندا ورتالىقتىڭ مەجە ەسەبى كولەمىندەگى قارجىدان ەكى ميلليارد 808 ميلليون يۋان قارجى ورنالاستىرىلادى، ورتتەن ساقتانۋعا قاجەتتى ءتۇرلى نەگىزدىك قۇرىلعىلارى قۇرىلىسىنا ساياتىن 134 نىسان ۇيىمداستىرىلىپ، اتقارىلادى؛ ورتتەن ساقتانۋداعى قورعانۋ بەلدەۋىنەن 850 كيلومەتر بەلدەۋ سالىنادى، مەملەكەتتىك ءتۇيىندى ورمان اۋماقتارىندا ورتتەن ساقتانۋ جولدارىنان 1660 كيلومەتردەن استام جول سالىنادى؛ ورتتەن ساقتانۋداعى قورعانۋ بەلدەۋىنەن 5260 كيلومەترلىك بەلدەۋ، مەملەكەت مەنشىگىندەگى ءتۇيىندى ورمان الاپتارىندا ورتتەن ساقتانۋ جولدارىنان شامامەن 36 مىڭ كيلومەتر جول قورعالادى.
— كەزەكشىلىكتى، كۇزەتشىلىكتى تولىق ورىنداۋ. كوكتەمدەگى ورتتەن ساقتانۋ مەزگىلىندە 24 ساعاتتىق كەزەكشىلىك ءتۇزىمى مەن باسشىلار باستاماشىلدىقپەن كەزەكشى بولۋ ءتۇزىمىن قاتاڭ تياناقتاندىرىپ، ءورت جاعدايىنا قاتىستى ينفورماتسيالاردىڭ ىركىلىسسىز بولۋىنا، ءورت اپاتىن ءبىر جاقتى ەتۋدىڭ دەر كەزىندە، جوعارى ءونىمدى ورىستەتىلۋىنە كەپىلدىك ەتۋ.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
