ۇيرەنۋ ارقىلى رۋحتى سومداپ، مۇرات - سەنىمدى بەكەمدەيىك
− نەگىزگى تاقىرىپتىق تاربيەنىڭ ناقتى ونىمدىلىككە قول جەتكىزۋىن ىلگەرىلەتەيىك
جۇڭ يىن
2023.04.17 14:30 كەلۋ قاينارى : حالىق تورابى
”نەگىزگى تاقىرىپتىق تاربيە ورىستەتۋ − بيىلعى پارتيا قۇرىلىسىنىڭ كەلەلى مىندەتى. ءار دارەجەلى پارتيا ۇيىمدارى پارتيا ورتالىق كوميتەتىنىڭ قىزمەت ورنالاستىرۋىن باتىل دايەكتىلەندىرىپ، تياناقتاندىرىپ، پارتيا مۇشەلەرىن، كادرلاردى ۇيرەنۋ ارقىلى رۋحتى سومداۋعا، ۇيرەنۋ ارقىلى پاراساتتى ارتتىرۋعا، ۇيرەنۋ ارقىلى ستيلدى دۇرىستاۋعا، ۇيرەنۋ ارقىلى ىستەۋدى جەبەۋگە كۇش سالىپ، ناقتى ونىمدىلىككە قول جەتكىزۋگە تاربيەلەۋى، جەتەكتەۋى كەرەك“. باس شۋجي شي جينپيڭ جۋىقتا گۋاڭدۇڭدا قىزمەت تەكسەرگەندە ”ۇيرەنۋ ارقىلى رۋحتى سومداۋ“ توڭىرەگىندە ايقىن تالاپ قويىپ، ”مۇرات - سەنىمدى بەكەمدەۋدى“، ”پارتياعا ادال بولۋ تانىمىن بەرىك ورناتۋدى“، ”حالىقتىق تۇرعىدا بەرىك تۇرۋدى“ دارىپتەدى.
نازاريالىق جاقتان پىسىپ - جەتىلۋ − ساياسي جاقتان پىسىپ - جەتىلۋدىڭ نەگىزى، ساياسي جاقتان تاباندى بولۋ نازاريالىق جاقتاعى سەرگەكتىكتەن كەلەدى. شي جينپيڭ جاڭا ءداۋىر جۇڭگوشا سوتسياليزم يدەياسى − زامانىمىزداعى جۇڭگونىڭ ماركسيزمى، 21 - عاسىرداعى ماركسيزم، جۇڭحۋا مادەنيەتى مەن جۇڭگو رۋحىنىڭ داۋىرلىك جاۋھارى. جاڭا ءداۋىردىڭ وسى 10 جىلىندا اۋىر حاۋىپ - قاتەر، قايقاڭعا ورلەۋ قيىنشىلىقتارى، قامال الۋ قيىندىقتارى بولدى، باس شۋجي شي جينپيڭنىڭ تىزگىن ۇستاپ، جول باستاۋىنىڭ، شي جينپيڭنىڭ جاڭا ءداۋىر جۇڭگوشا سوتسياليزم يدەياسىنىڭ عىلمي جەتەكشىلىگىنىڭ ارقاسىندا عانا ءجۇز ميلليونداعان حالىق ىنتىماقتاسا كۇرەس جاساۋدىڭ ”تىرەگىنە“، يدەياداعى ”ورنىقتىرعىشقا“، ارەكەتتەگى ”كومپاسقا“ يە بولدى. اماليات جۇڭگو كوممۋنيستىك پارتياسىنىڭ نەلىكتەن ىسكەر بولۋى، جۇڭگوشا سوتسياليزمنىڭ نەلىكتەن جاقسى بولۋى، سايىپ كەلگەندە، ماركسيزمنىڭ جارامدى بولۋىندا، جۇڭگوشالانعان، زامانالانعان ماركسيزمنىڭ جارامدى بولۋىندا ەكەنىن تولىق دالەلدەدى.
قازىر ەلىمىزدىڭ دامۋى جاڭا ستراتەگيالىق ورايعا، جاڭا ستراتەگيالىق مىندەتكە، جاڭا ستراتەگيالىق كەزەڭگە، جاڭا ستراتەگيالىق تالاپقا، جاڭا ستراتەگيالىق ورتاعا ءدوپ كەلىپ وتىر. ۇلتتىڭ گۇلدەنۋىنىڭ شەشۋشى ساتىندە تۇرىپ، جەدەل قۇبىلعان 100 جىلدىق وزگەرىس الدىندا بۇرىنعىلار ىستەپ كورمەگەن ۇلى ءىستى ىلگەرىلەتۋدە عىلمي نازاريامەن وي - سانانى قارۋلاندىرعاندا عانا، نانىم - سەنىمدى بەكەمدەپ، تاريحي ىرىقتىلىقتى يگەرۋگە بولادى؛ اقيقات تۋى استىنا شوعىرلانعاندا عانا، اساۋ تولقىننان تايسالماي، باتىلدىقپەن العا باسۋعا بولادى. باس شۋجي شي جينپيڭ بىلاي دەپ دارىپتەدى: ” ۇيرەنۋ ارقىلى رۋحتى سومداۋدا جاڭا ءداۋىر جۇڭگوشا سوتسياليزم يدەياسىن ۇيرەنۋدى، دايەكتىلەندىرۋدى تەرەڭدەتۋ، كوكەيگە ۇيالاتۋ، كادەگە جاراتۋ قىزمەتىن ويداعىداي ىستەپ، يدەيالىق جاقتان توركىنىن تۇزەپ، قاينارىن تازالاپ، وزەكتى بەكەمدەپ، نەگىزدى جەتىلدىرىپ، سەنىم نەگىزىن بەكەمدەپ، رۋحاني كالتسيدى تولىقتاپ، يدەيالىق رولدى مىقتى ۇستاۋ كەرەك“. زەيىن - زەردەنى، رۋحتى سومداپ، نەگىزدى بەكەمدەپ، قالىڭ پارتيا مۇشەلەرىن، كادرلاردى يدەيالىق جاقتان شىڭدالۋعا، رۋحاني جاقتان شىڭدالۋعا تاربيەلەۋ، جەتەكتەۋ كەرەك، بۇل − نەگىزگى تاقىرىپتىق تاربيەنى ورىستەتۋدىڭ ماڭىزدى نىساناسى ءارى پارتيا مەن مەملەكەت ىستەرىنىڭ جەڭىستەن جاڭا جەڭىسكە جەتۋىنىڭ پارمەندى كەپىلى.
مۇرات - سەنىم − جۇڭگو كوممۋنيستەرىنىڭ رۋحاني تىرەگى جانە ساياسي جانى. باس شۋجي شي جينپيڭ: ”مۇرات - سەنىم − كوممۋنيستەردىڭ رۋحاني ’كالتسيى‘، كوممۋنيستەردە مۇرات - سەنىم بولماسا، رۋحاني ’كالتسي كەمەيەدى‘، ’سۇيەك بوستىعى‘ اۋرۋىنا شالدىعادى“ دەپ قايتا - قايتا دارىپتەدى. جاڭا تيپتى ايدارشا ۆيرۋس وكپە قابىنۋ ىندەتى سۇراپىل كەلدى، پارتيامىز كۇشتى تاريحي جاۋاپكەرلىكپەن جانە قۋاتتى ستراتەگيالىق تاباندىلىقپەن حالىقتى ىنتىماقتاستىرىپ، باستاپ، ءبىر نيەتپەن ىندەتكە قارسى اتتاندى؛ رەفورما، دامۋ، ورنىقتىلىق مىندەتى جاپالى دا اۋىر بولدى، وسىنداي ساتتە پارتيامىز سەنىمدى بەكەمدەپ، قيىندىققا قارسى اتتانىپ، پارتيا مەن مەملەكەت ىستەرىنىڭ بوگەتسىز العا باسۋىنا شىنايى كەپىلدىك ەتتى؛ حالىقارالىق ورتادا شۇعىل وزگەرىس تۋىلدى، پارتيامىز كۇرەس بارىسىندا مەملەكەتتىڭ بەدەلى مەن وزەكتى مۇددەسىن قورعادى... وتە ەرەكشە، توتەنشە وزگەشە 10 جىل، وسى مەزگىلدە باستان - اياق مۇرات - سەنىمدى بەكەمدەپ، اۋەلگى ماقساتتى، بورىشتى ەستە بەرىك ساقتاعاندىقتان پارتيامىز نىسانادان جازباي، نەعۇرلىم قيىن بولعان سايىن سولعۇرلىم العا باستى. جاڭا جورىقتا مەجەلەۋگە بولاتىن جانە مەجەلەۋ قيىن ءتۇرلى حاۋىپ - قاتەر مەن سىن - سايىستى، حاۋىپ - قاتەردى، ءتىپتى اساۋ تولقىنداردى جەڭىپ، جاڭا داۋىردەگى جۇڭگوشا سوتسياليزمنىڭ جاڭا جەڭىسىنە قول جەتكىزۋ ءۇشىن ءالى دە بۇكىل پارتيانىڭ، بۇكىل ەل حالقىنىڭ بەرىك مۇرات - سەنىمى مەن بەرىك توڭكەرىستىك جىگەرىنە سۇيەنۋ كەرەك.
بەرىك مۇرات - سەنىم قايدان كەلەدى؟ مۇنداعى شەشۋشى تەتىك ماركسيزمدى تەرەڭ ءتۇسىنۋ، تاريحي زاڭدىلىقتى تەرەڭ يگەرۋ نەگىزىندە قۇرىلۋى كەرەك. شي جينپيڭ جاڭا ءداۋىر جۇڭگوشا سوتسياليزم يدەياسىن جاپپاي ۇيرەنىپ، ءتۇسىنىپ، پارتيانىڭ جاڭالىق اشۋ نازارياسى جونىندەگى ساياسي تانىمدى، يدەيالىق تانىمدى، نازاريالىق تانىمدى، سەزىمدىك تانىمدى ۇزدىكسىز كۇشەيتىپ، ماركسيزم سەنىمىن، جۇڭگوشا سوتسياليزم سەنىمىن، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋ سەنىمىن بەكەمدەۋ كەرەك. سانالى تۇردە شي جينپيڭ جاڭا ءداۋىر جۇڭگوشا سوتسياليزم يدەياسىمەن سۋبيەكتيۆ دۇنيەنى وزگەرتىپ، وسى يدەيانىڭ مۇرات - سەنىمدى بەكەمدەۋ، يدەيالىق ورەنى جوعارىلاتۋ، پارتيالىلىق شىنىعۋدى كۇشەيتۋ سياقتى جاقتارداعى ءبىرسىپىرا تالابىن تەرەڭ ءتۇسىنىپ، كوممۋنيستەردىڭ ساياسي قاسيەتىن باستان - اياق ساقتاۋ كەرەك. پارتيانىڭ قۇن تالپىنىسى مەن العا باسۋ بەتالىسى جونىندەگى وسكەلەڭ ساياسي ورتاق تانىمدى كۇشەيتىپ، دۇنيەگە، ومىرگە، قۇنعا كوزقاراس سىندى ”باس تەتىكتى“ ويداعىداي يگەرسەك، ۇلكەن دۇرىس پەن ۇلكەن بۇرىس الدىندا تۋىمىز ايقىن بولىپ، سىناقتار الدىندا ەشتەڭەدەن تايسالماي، ءتۇرلى ازعىرۋلار الدىندا مايدانىمىز بەرىك بولىپ، شەشۋشى ساتتە پارتيانىڭ سەنىم ارتۋىنا، سۇيەنۋىنە، الاڭسىز بولۋىنا مۇمكىندىك جاراتا الامىز.
ماركسيزمدىك عىلمي نازاريانىڭ جەتەكشىلىگىنە يە بولۋ − پارتيامىزدىڭ نانىم - سەنىمدى بەكەمدەپ، تاريحي ىرىقتىلىقتى يگەرۋىنىڭ ءتۇبىرلى تياناعى. مەملەكەتتى قۇدىرەتتەندىرۋ قۇرىلىسىنىڭ، ۇلتتى گۇلدەندىرۋدىڭ جاڭا ساپارىندا ەكپىندەي ىلگەرىلەپ، شي جينپيڭ جاڭا ءداۋىر جۇڭگوشا سوتسياليزم يدەياسىمەن جۇرت تىلەگىن توعىستىرۋدا، رۋحتى سومداۋدا بۇلجىماي تاباندى بولىپ، وسى يدەيانى مۇراتتى بەكەمدەۋدىڭ، پارتيالىلىقتى شىڭداۋدىڭ جانە امالياتقا جەتەكشىلىك ەتۋدىڭ، قىزمەتتى ىلگەرىلەتۋدىڭ قۋاتتى كۇشىنە اينالدىرساق، ءسوز جوق، اۋەلگى ماقساتتى ۇمىتپاي، بورىشتى ەستە بەرىك ساقتاپ، ءسوز جوق، كىشپەيىل، بايسالدى بولىپ، قاجىرلىلىقپەن كۇرەس جۇرگىزىپ، ءسوز جوق، باتىلدىقپەن، شەبەرلىكپەن كۇرەس جۇرگىزسەك، پارتيانى، ءسوز جوق، الماس قامالى جوق، قاشان دا جەڭىسكە جەتەتىن بەرىك قۇرىش ەتىپ شىڭداپ شىعىپ، تاريح پەن حالىقتىڭ سىنىنان وتە الاتىن ناقتى ناتيجە جاراتا الامىز.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
