وتكەن جىلى بۇكىل ەل بويىنشا ەگىستىك جەر شامامەن ءبىر ميلليون 300 مىڭ مۋ ارتتى (جاڭا ساندى مالىمەت، جاڭا ءتۇيىن)
2023.04.17 14:31 كەلۋ قاينارى : حالىق تورابى
«حالىق گازەتى»، 4 - ايدىڭ 16 – كۇنى، بەيجيڭ (ءتىلشى لي شياۋچيڭ). تاياۋدا جاريالانعان «2022 – جىلعى جۇڭگو جاراتىلىستىق بايلىق ساناق مازمۇنداماسىندا» كورسەتىلۋىنشە، 2022 – جىلدىڭ سوڭىنا دەيىن بۇكىل ەل بويىنشا ەگىستىك جەر كولەمى ءبىر ميلليارد 914 ميلليون مۋ (ءبىر ميلليون 276 مىڭ 100 گەكتار) بولىپ، 2021 – جىلدىڭ سوڭىنداعىدان شامامەن ءبىر ميلليون 300 مىڭ مۋ ارتقان.
ءبىر ميلليارد 800 ميلليون مۋ ەگىستىك جەردىڭ اتى زاتىنا ساي بولۋىنا كەپىلدىك ەتتى. قاتىستى تاراۋلار ەگىستىك جەردى قاتاڭ مەڭگەرىپ، اسىرەسە، ماڭگىلىك نەگىزگى ەگىنجايدى اۋىل شارۋاشىلىعىنا جاتپايتىن قۇرىلىسقا نەمەسە باسقا دا اۋىل شارۋاشىلىعىنا پايدالانىلاتىن جەرگە اينالدىرۋ جاعدايىن قاتاڭ مەڭگەرىپ، اتىزدىڭ اتىز بولۋىنا كەپىلدىك ەتتى.
ەرەكشە شارالار قولدانىپ، ساپالى ەگىستىك جەرلەردى ويداعىداي قورعادى. 2022 – جىلى حيلۇڭجياڭ، جيلين، لياۋنيڭ، ىشكى موڭعۇل سىندى 4 ولكە، اۆتونوميالى رايون قارا توپىراقتى ەگىستىك جەردى يەمدەنۋدى قاتاڭ تىزگىندەپ، قالا – اۋىل قۇرىلىسىنىڭ قارا توپىراقتى ەگىستىك جەردى ءبۇلدىرۋىن قاتاڭ تەجەدى. قازىرگە دەيىن شىعىس سولتۇستىكتەگى تيپتىك قارا توپىراقتى ءوڭىردىڭ جەر بەتىن تەكسەرۋدە جيىنى 46 اۋداننان (قالا، رايون، حوشۇن) 237 مىڭ شارشى كيلومەتر جەردى تەكسەرۋ مىندەتى ورىندالدى.
ەگىستىك جەردى قورعاۋدىڭ قاتاڭ شارالارى تياناقتانىپ، ونىمدىلىك كورسەتتى. 2022 - جىلى مەملەكەتتىڭ جاراتىلىستىق بايلىقتى باقىلاۋ - تەكسەرۋ قۇرىلىمدارى ولكە دارەجەلى ۇكىمەتتەردىڭ ەگىستىك جەردى قورعاۋ جاۋاپكەرلىگىنە نازار اۋدارىپ، ورىن تەپكەن ماسەلەلەردى قاداعالاپ، سوڭىنا دەيىن باقىلادى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
