ءارقايسى دەڭگەيدەگى قالالاردا 3 – ايدا تاۋارلىق تۇرعىن ءۇيدىڭ ساتىلىم باعاسى 2 – ايداعىمەن سالىستىرعاندا قىمباتتادى، مىناداي تالداۋ جاسالدى
2023.04.17 14:43 كەلۋ قاينارى : حالىق تورابى
مەملەكەتتىك ساناق مەكەمەسى قالا مەڭگەرمەسىنىڭ باس ساناقشىسى شىڭ گوچيڭ 2023 – جىلى 3 – ايداعى تاۋارلىق تۇرعىن ءۇيدىڭ باعاسىنداعى وزگەرىس جاعدايى جونىندەگى ساناق مالىمەتىنە تالداۋ جاسادى.
2023 – جىلى 3 – ايدا، ءىرى، ورتاشا 70 قالانىڭ ىشىندە تاۋارلىق تۇرعىن ءۇيدىڭ باعاسى قىمباتتاعان قالالاردىڭ سانى ارتتى، ءارقايسى دەڭگەيدەگى قالالاردا تاۋارلىق تۇرعىن ءۇيدىڭ ساتىلىم باعاسى 2 – ايداعىمەن سالىستىرعاندا قىمباتتادى، ءبىرىنشى دەڭگەيدەگى قالالاردا تاۋارلىق تۇرعىن ءۇيدىڭ ساتىلىم باعاسى بىلتىرعى وسى مەزگىلدەگىمەن سالىستىرعاندا قىمباتتادى، ەكىنشى، ءۇشىنشى دەڭگەيدەگى قالالاردا ارزانداۋ مولشەرى بىلتىرعى وسى مەزگىلدەگىمەن سالىستىرعاندا باسەڭدەگەن.
بىرىنشىدەن، ءبىرىنشى، ەكىنشى، ءۇشىنشى دەڭگەيدەگى قالالاردا تاۋارلىق تۇرعىن ۇيلەردىڭ ساتىلىم باعاسى 2 – ايداعىمەن سالىستىرعاندا قىمباتتادى
3 ايدا، ءىرى، ورتاشا 70 قالانىڭ ىشىندە، جاڭادان سالىنعان تاۋارلىق تۇرعىن ۇيلەر مەن ەكىنشى قول تۇرعىن ۇيلەردىڭ ساتىلىم باعاسى 2 – ايداعىمەن سالىستىرعاندا قىمباتتاعان قالالاردىڭ سانى جەكە – جەكە 64 قالا جانە 57 قالا بولعان، ءبىر اي بۇرىنعىمەن سالىستىرعاندا جەكە – جەكە 9 قالا جانە 17 قالا ارتقان.
3 – ايدا، ءبىرىنشى دەڭگەيدەگى قالالاردا جاڭادان سالىنعان تاۋارلىق تۇرعىن ۇيلەردىڭ ساتىلىم باعاسى 2 – ايداعىمەن سالىستىرعاندا %0.3 قىمباتتاعان، قىمباتتاۋ مولشەرى ءبىر اي بۇرىنعىمەن سالىستىرعاندا 0.1 پايىز ارتقان؛ ەكىنشى قول تۇرعىن ۇيلەردىڭ ساتىلىم باعاسى 2 – ايداعىمەن سالىستىرعاندا %0.5 قىمباتتاعان، قىمباتتاۋ مولشەرى ءبىر اي بۇرىنعىمەن سالىستىرعاندا 0.2 پايىز قايتا تومەندەگەن. ەكىنشى دەڭگەيدەگى قالالاردا جاڭادان سالىنعان تاۋارلىق تۇرعىن ءۇي مەن ەكىنشى قول تۇرعىن ۇيلەردىڭ ساتىلىم باعاسى 2 – ايداعىمەن سالىستىرعاندا جەكە – جەكە %0.6 جانە %0.3 قىمباتتاعان، قىمباتتاۋ مولشەرى الدىڭعى ايداعىمەن سالىستىرعاندا تۇگەلدەي 0.2 پايىز ارتقان. ءۇشىنشى دەڭگەيدەگى قالالاردا جاڭادان سالىنعان تاۋارلىق تۇرعىن ۇيلەردىڭ ساتىلىم باعاسى 2 – ايداعىمەن سالىستىرعاندا %0.3 قىمباتتاعان، قىمباتتاۋ مولشەرى الدىڭعى ايداعىمەن ۇقساس بولعان؛ ەكىنشى قول تۇرعىن ۇيلەردىڭ ساتىلىم باعاسى 2 – ايداعىمەن سالىستىرعاندا الدىڭعى ايداعىمەن تەڭ تۇسۋدەن %0.2 قىمباتتاۋعا وزگەرگەن.
ەكىنشىدەن، ءبىرىنشى دەڭگەيدەگى قالالاردا تاۋارلىق تۇرعىن ۇيلەردىڭ ساتىلىم باعاسى بىلتىرعى وسى مەزگىلدەگىمەن سالىستىرعاندا قىمباتتاعان، ەكىنشى، ءۇشىنشى دەڭگەيدەگى قالالاردا بىلتىرعى وسى مەزگىلدەگىمەن سالىستىرعاندا ارزانداۋ مولشەرى باسەڭدەگەن.
3 – ايدا، ءبىرىنشى دەڭگەيدەگى قالالاردا جاڭادان سالىنعان تاۋارلىق تۇرعىن ۇيلەردىڭ ساتىلىم باعاسى بىلتىرعى وسى مەزگىلدەگىمەن سالىستىرعاندا %1.7 قىمباتتاعان، قىمباتتاۋ مولشەرى الدىڭعى ايداعىمەن ۇقساس بولعان؛ ەكىنشى قول تۇرعىن ۇيلەردىڭ ساتىلىم باعاسى بىلتىرعى وسى مەزگىلدەگىمەن سالىستىرعاندا %1.1 قىمباتتاعان، قىمباتتاۋ مولشەرى الدىڭعى ايداعىمەن سالىستىرعاندا 0.1 پايىز ارتقان. ەكىنشى دەڭگەيدەگى قالالاردا جاڭادان سالىنعان تاۋارلىق تۇرعىن ۇيلەر مەن ەكىنشى قول تۇرعىن ۇيلەردىڭ باعاسى بىلتىرعى وسى مەزگىلدەگىمەن سالىستىرعاندا جەكە – جەكە %0.2 جانە %0.4 ارزانداعان، ارزانداۋ مولشەرى الدىڭعى ايداعىمەن سالىستىرعاندا تۇگەلدەي 0.5 پايىز باسەڭدەگەن. ءۇشىنشى دەڭگەيدەگى قالالاردا جاڭادان سالىنعان تاۋارلىق تۇرعىن ۇيلەر مەن ەكىنشى قول تۇرعىن ۇيلەردىڭ ساتىلىم باعاسى بىلتىرعى وسى مەزگىلدەگىمەن سالىستىرعاندا جەكە – جەكە %2.7 جانە %3.9 ارزانداعان، ارزانداۋ مولشەرى الدىڭعى ايداعىمەن سالىستىرعاندا جەكە – جەكە 0.6 جانە 0.5 پايىز باسەڭدەگەن.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
