شي جينپيڭ حات جولداپ يۇننان داشۋەسى قۇرىلعانىنىڭ 100 جىلدىعىن قۇتتىقتادى
2023.04.21 15:35 كەلۋ قاينارى : حالىق تورابى
قۇتتىقتاۋ حاتى
يۇننان داشۋەسى قۇرىلعانىنىڭ 100 جىلدىعى بايلانىسىمەن مەن بارلىق وقىتۋشى - وقۋشىلاردى، جۇمىسشى - قىزمەتكەرلەردى جانە قالىڭ مەكتەپتەستەردى قىزۋ قۇتتىقتايمىن جانە شىنايى سالەم جولدايمىن!
100 جىلدان بەرى يۇننان داشۋەسى ”ءبىلىمدى دانەكەر ەتىپ، الەمگە ادىلەت ورناتۋ“ سىندى مەكتەپ باسقارۋ رۋحىن ۇستانىپ، وتانىمىزدىڭ باتىس وڭتۇستىك شەكارا وڭىرىندەگى ۇلتتىق وڭىرلەرگە تامىر تارتىپ، قىرۋار تاڭداۋلى دارىندىلاردى باۋلىپ، ۇلتتار ىنتىماعىن، العاباسارلىعىن جەبەۋگە، ءوڭىردىڭ ەكونوميكاسىنىڭ، قوعامىنىڭ دامۋىنا قىزمەت وتەۋگە بەلسەندى ۇلەس قوستى.
مەملەكەتتى قۇدىرەتتەندىرۋ قۇرىلىسىنىڭ، ۇلتتى گۇلدەندىرۋدىڭ جاڭا ساپارىندا يۇننان داشۋەسىنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتىپ، پارتيا 20 - قۇرىلتايىنىڭ رۋحى مەن پارتيانىڭ وقۋ - اعارتۋ باعىتىن جاپپاي دايەكتىلەندىرىپ، مەكتەپ باسقارۋ دەڭگەيىن جاپپاي جوعارىلاتىپ، پارتيا ءۇشىن ادام تاربيەلەپ، مەملەكەت ءۇشىن دارىندى تاربيەلەپ، جۇڭحۋا ۇلتى ورتاق تۇلعا تانىمىن بەرىك ورناتۋدى ىلگەرىلەتىپ، وقۋ - اعارتۋدا قۇدىرەتتى ەل قۇرۋعا تىڭ دا اناعۇرلىم زور ۇلەس قوسۋىن ءۇمىت ەتەمىن.
شي جينپيڭ
2023 – جىلى 4 - ايدىڭ 20 – كۇنى
(شينحۋا اگەنتتىگى، 4 - ايدىڭ 20 - كۇنى، بەيجيڭ)
شينحۋا اگەنتتىگى، 4 - ايدىڭ 20 - كۇنى، بەيجيڭ. ج ك پ ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ 4 - ايدىڭ 20 - كۇنى حات جولداپ يۇننان داشۋەسى قۇرىلعانىنىڭ 100 جىلدىعىن قۇتتىقتاپ، بارلىق وقىتۋشى - وقۋشىلاردى، جۇمىسشى - قىزمەتكەرلەردى جانە قالىڭ مەكتەپتەستەردى قىزۋ قۇتتىقتادى جانە ىقىلاستى سالەم جولدادى.
شي جينپيڭ قۇتتىقتاۋ حاتىندا بىلاي دەپ اتاپ كورسەتتى: 100 جىلدان بەرى يۇننان داشۋەسى ”ءبىلىمدى دانەكەر ەتىپ، الەمگە ادىلەت ورناتۋ“ سىندى مەكتەپ باسقارۋ رۋحىن ۇستانىپ، وتانىمىزدىڭ باتىس وڭتۇستىك شەكارا وڭىرىندەگى ۇلتتىق وڭىرلەرگە تامىر تارتىپ، قىرۋار تاڭداۋلى دارىندىلاردى باۋلىپ، ۇلتتار ىنتىماعىن، العاباسارلىعىن جەبەۋگە، ءوڭىردىڭ ەكونوميكاسىنىڭ، قوعامىنىڭ دامۋىنا قىزمەت وتەۋگە بەلسەندى ۇلەس قوستى.
شي جينپيڭ بىلاي دەپ دارىپتەدى: مەملەكەتتى قۇدىرەتتەندىرۋ قۇرىلىسىنىڭ، ۇلتتى گۇلدەندىرۋدىڭ جاڭا ساپارىندا يۇننان داشۋەسىنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتىپ، پارتيا 20 - قۇرىلتايىنىڭ رۋحى مەن پارتيانىڭ وقۋ - اعارتۋ باعىتىن جاپپاي دايەكتىلەندىرىپ، مەكتەپ باسقارۋ دەڭگەيىن جاپپاي جوعارىلاتىپ، پارتيا ءۇشىن ادام تاربيەلەپ، مەملەكەت ءۇشىن دارىندى تاربيەلەپ، جۇڭحۋا ۇلتى ورتاق تۇلعا تانىمىن بەرىك ورناتۋدى ىلگەرىلەتىپ، وقۋ - اعارتۋدا قۇدىرەتتى ەل قۇرۋعا تىڭ دا اناعۇرلىم زور ۇلەس قوسۋىن ءۇمىت ەتەمىن (قۇتتىقتاۋ حاتىنىڭ تولىق مازمۇنى بولەك جاريالاندى).
يۇننان داشۋەسى 1922 - جىلى قۇرىلعان، 1923 - جىلى رەسمي وقۋ باستاعان، ەلىمىزدىڭ باتىس بولەگىندەگى شەكارا رايونداردا ەڭ ەرتە قۇرىلعان جالپىلىق داشۋەلەردىڭ ءبىرى. مەكتەپ قۇرىلعان 100 جىلدان بەرى يۇننان داشۋەسى ىلگەرىندى - كەيىندى 300 مىڭنان استام ءتۇرلى دارىندى تاربيەلەپ، ۇلتتار ىنتىماعى، العاباسارلىعى مەن شەكارا ءوڭىردىڭ ورنىقتىلىعىنا، گۇلدەنۋىنە بەلسەندى ۇلەس قوستى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
