ۇيرەنۋ ارقىلى رۋحتى سومداپ، حالىقتىق مايداندا بەرىك تۇردى
− نەگىزگى تاقىرىپتىق تاربيەنى ىلگەرىلەتۋدە ناقتى ناتيجەگە قول جەتكىزىلدى
جۇڭ يىن
2023.04.21 15:39 كەلۋ قاينارى : حالىق تورابى
”ۇيرەنۋ ارقىلى رۋحتى سومداۋدا جاڭا ءداۋىر جۇڭگوشا سوتسياليزم يدەياسىن ۇيرەنۋدى، دايەكتىلەندىرۋدى تەرەڭدەتۋ، كوكەيگە ۇيالاتۋ، كادەگە جاراتۋ قىزمەتىن ويداعىداي ىستەپ، يدەيالىق جاقتان توركىنىن تۇزەپ، قاينارىن تازالاپ، وزەكتى بەكەمدەپ، نەگىزدى جەتىلدىرىپ، سەنىم نەگىزىن بەكەمدەپ، رۋحاني كالتسيدى تولىقتاپ، يدەيالىق رولدى مىقتى ۇستاۋ كەرەك“. باس شۋجي شي جينپيڭ جۋىقتا گۋاڭدۇڭدا قىزمەت تەكسەرگەندە نەگىزگى تاقىرىپتىق تاربيەنى ورىستەتۋ جونىندە ايقىن تالاپ قويىپ، ”ۇيرەنۋ ارقىلى رۋحتى سومداۋ“ جونىندە تەرەڭ پايىمداۋ جاسادى، مۇندا ”حالىق تۇرعىسىندا بەرىك تۇرۋدى“ پايىمداعاندا بىلاي دەپ دارىپتەدى: ”نەگىزگى ماقسات تانىمىن كۇشەيتىپ، اۋەلگى ماقساتتان، بورىشتان اينىماي، پارتيانىڭ بۇقارالىق لۋشيانىن امالياتتا ايگىلەپ، حالىق بۇقاراسىنىڭ رازى بولۋ - بولماۋىن نەگىزگى تاقىرىپتىق تاربيەنىڭ ونىمدىلىگىن باعالاۋدىڭ ءتۇبىرلى ولشەمى ەتىپ، حالىق بۇقاراسى ەڭ كوڭىل بولەتىن، ەڭ تىكە، ەڭ رەال مۇددە ماسەلەلەرىن ويداعىداي شەشىپ، حالىق تۇرمىسىنا تيىمدىلىك جەتكىزەتىن ىستەردى ناقتى ىستەپ، جۇرت جۇرەگىن جىلىتاتىن ىستەردى ەگجەي - تەگجەيلى ىستەپ، ەل رايىنا جاعاتىن ىستەردى ويداعىداي ىستەپ، وسىزامانداندىرۋ قۇرىلىسىنىڭ جەتىستىكتەرىنەن بۇكىل حالىقتى اناعۇرلىم كوپ، اناعۇرلىم ءادىل يگىلىكتەندىرۋ كەرەك“.
حالىقتىق سيپات − ماركسيزمنىڭ ماندىك قاسيەتى، حالىقتىق مايدان − جۇڭگو كوممۋنيستىك پارتياسىنىڭ ءتۇبىرلى ساياسي مايدانى. پارتيا 18 - قۇرىلتايىنان بەرى شي جينپيڭ جولداستى ۇيىتقى ەتكەن پارتيا ورتالىق كوميتەتىنىڭ پارمەندى باسشىلىعىندا، پارتيامىز باستان - اياق ”حالىقتىڭ تاماشا تۇرمىسقا تالپىنىسى − ءبىزدىڭ كۇرەس نىسانامىز“ دەگەندى كوزدەپ، ”حالىقتى باقىتتى تۇرمىسقا كەنەلتۋ − ’ مەملەكەتتىڭ زور ءىسى‘ “ دەگەننەن جازباي، ”حالىق ءۇشىن ءىس ءبىتىرۋدى، حالىققا باقىت جاراتۋدى ەڭ ماڭىزدى ساياسي ناتيجە ەتۋدە“ تاباندى بولىپ، مەملەكەتتى قۇدىرەتتەندىرۋ، ۇلتتى گۇلدەندىرۋ، حالىقتى باقىتقا كەنەلتۋ سىندى ايبىندى داستاندى جازدى. مەيلى ادامزات تاريحىنداعى كولەمى ەڭ ۇلكەن كەدەيلىكتەن ارىلتۋدان قامال الۋ شايقاسىنىڭ جەڭىسىنە قول جەتكىزۋدە بولسىن، الدە دامۋ بارىسىندا حالىق تۇرمىسىن قامتاماسىز ەتۋدە جانە جاقسارتۋدا تاباندى بولۋدا بولسىن، مەيلى سالاماتتى جۇڭگو، تىنىش جۇڭگو، كورىكتى جۇڭگو قۇرىلىسىن ىلگەرىلەتۋدە بولسىن، الدە ”حالىقتى بارىنەن جوعارى قويۋدا، ءومىردى بارىنەن جوعارى قويۋدا“ تاباندى بولىپ ىندەتتەن ساقتانۋ - تىزگىندەۋدىڭ كەلەلى شەشۋشى جەڭىسىنە قول جەتكىزۋدە بولسىن، بارلىعى شي جينپيڭ جاڭا ءداۋىر جۇڭگوشا سوتسياليزم يدەياسىنىڭ ايقىن قاسيەتى مەن ءتۇبىرلى مايدانىن تولىق ايگىلەدى.
پارتيانىڭ نازارياسى − حالىقتان كەلگەن، حالىق ءۇشىن ىستەيتىن، حالىققا باقىت جاراتاتىن نازاريا. پارتيا 20 - قۇرىلتايىنىڭ بايانداماسى شي جينپيڭ جاڭا ءداۋىر جۇڭگوشا سوتسياليزم يدەياسىنىڭ دۇنيەگە كوزقاراسىن، مەتودولوگياسىن جانە وعان سىڭىرىلگەن مايدان، كوزقاراس، ءادىستى جۇيەلى پايىمداپ، ” حالىقتى بارىنەن جوعارى قويۋدا، ءسوز جوق، تاباندى بولۋدى“ ”التىدا، ءسوز جوق، تاباندى بولۋدىڭ“ ماڭداي الدى ورنىنا قويدى. وسى عىلمي نازاريادا ”حالىق“ دەگەن ءسوز نەگىزدىك، ءتۇبىرلى ورىنعا جانە رولعا يە، حالىقتى بارىنەن جوعارى قويۋ − نازاريالىق نەگىز، قۇن تىرەگى، امالياتتىق باستالۋ ءتۇيىنى. شي جينپيڭ جاڭا ءداۋىر جۇڭگوشا سوتسياليزم يدەياسىمەن جۇرت تىلەگىن توعىستىرۋدا، رۋحتى سومداۋدا تاباندى بولىپ، وسى عىلمي نازاريانى سۋبيەكتيۆ دۇنيە مەن وبيەكتيۆ دۇنيەنى وزگەرتۋدىڭ قۇدىرەتتى يدەيالىق قارۋىنا اينالدىرۋ ءۇشىن، ءسوز جوق، حالىقتى بارىنەن جوعارى قويۋدا تاباندى بولۋ سىندى ماڭىزدى مايدان، كوزقاراس، ءادىستى تەرەڭ ءتۇسىنىپ، دۇرىس يگەرىپ، شىن مانىندە كوكەيگە ۇيالاتىپ، ارەكەتتە ايگىلەۋ كەرەك. ”وتان − حالىق، حالىق − وتان. جۇڭگو كوممۋنيستىك پارتياسى حالىققا باسشىلىق ەتىپ، ەل بيلەپ، جۇرت تىلەگىن قورعايدى“ دەگەندى تەرەڭ تانۋ كەرەك. تەك حالىق مايدانىندا بەرىك تۇرىپ، بۇكىل ىنتا - پەيىلىمەن حالىق ءۇشىن قىزمەت ىستەۋدە تاباندى بولىپ، حالىقتىڭ مۇددەسىن باستان - اياق ەڭ جوعارى ورىنعا قويىپ، باستان - اياق حالىقپەن بىرگە تۇرىپ، بىرگە ويلاپ، بىرگە ىستەگەندە عانا، حالىق تىلەگىنە، داۋىرگە قول جەتكىزىپ، جەڭىستەن - جەڭىسكە ۇزدىكسىز جەتۋگە بولادى.
جالپى حالىقتىڭ بىرگە اۋقاتتانۋى − جۇڭگو ۇلگىسىندەگى وسىزامانداندىرۋدىڭ ەرەكشەلىگى. حالىقتىڭ تاماشا تۇرمىسقا دەگەن تالپىنىسىن جۇزەگە اسىرۋدى وسىزامانداندىرۋ قۇرىلىسىنىڭ شىعار ءتۇيىنى جانە تابان تىرەر تياناعى ەتۋدە تاباندى بولىپ، قوعامدىق ادىلدىك پەن ادىلەتتىلىكتى كۇش سالا قورعاعاندا جانە جەبەگەندە عانا، جالپى حالىقتىڭ بىرگە اۋقاتتانۋىن جەبەۋگە بولادى. نەگىزگى ماقساتتى امالياتتا ايگىلەپ، حالىققا باقىت جاراتىپ، شي جينپيڭ جاڭا ءداۋىر جۇڭگوشا سوتسياليزم يدەياسىن مۇراتتى بەكەمدەۋدىڭ، پارتيالىلىقتى شىڭداۋدىڭ جانە امالياتقا جەتەكشىلىك ەتۋدىڭ، قىزمەتتى ىلگەرىلەتۋدىڭ قۇدىرەتتى كۇشىنە اينالدىرىپ، حالىقتى وزەك ەتكەن دامۋ يدەياسىن بەرىك ورناتىپ، بارلىعىن حالىق ءۇشىن ىستەۋدە، بارلىعىندا حالىققا سۇيەنۋدە تاباندى بولىپ، سانالى تۇردە حالىقتان اقىل - كەڭەس الىپ، حالىقتىڭ قاجەتىن ءبىلىپ، حالىقپەن تىنىستاس، تاعدىرلاس، تىلەكتەس بولىپ، حالىق بۇقاراسىنىڭ شۇعىل، قيىن، ۋايىمداعان، ءزارۋ ماسەلەلەرىن كۇش سالا شەشىپ، حالىق تۇرمىسىنا تيىمدىلىك جاساۋ، حالىق جۇرەگىن جىلىتۋ، حالىق تىلەگىنە ۇيلەسۋ قىزمەتىن بۇقارانىڭ جۇرەگىنە ۇيالاتىپ، حالىق بۇقاراسىنىڭ تابىس سەزىمىن، باقىت سەزىمىن، حاۋىپسىزدىك سەزىمىن كۇشەيتۋ كەرەك. وسى رەتكى نەگىزگى تاقىرىپتىق تاربيەدە ءبىر جاعىنان ۇيرەنۋدە، ءبىر جاعىنان سالىستىرۋدا، ءبىر جاعىنان تەكسەرۋدە، ءبىر جاعىنان تۇزەتۋدە تاباندى بولىپ، ماسەلەنى رەتتەۋ - تۇزەتۋدى نەگىزگى تاقىرىپتىق تاربيەنىڭ تۇتاس بارىسىنا ءسىڭىرىپ، حالىق بۇقاراسىنا ماسەلەنى شەشۋدىڭ ءىس جۇزىندىك ونىمدىلىگىن شىنايى سەزىندىرۋ كەرەك.
باس شۋجي شي جينپيڭ بىلاي دەپ دارىپتەدى: ”جۇڭگو كوممۋنيستىك پارتياسىندا ءوزىنىڭ جەكە مۇددەسى جوق، بيلىك جۇرگىزۋ دەگەنىمىز حالىق ءۇشىن قىزمەت ىستەۋ، حالىق بۇقاراسىن باقىتقا كەنەلتۋ بولىپ تابىلادى“. بولاشاقتى بەتكە العاندا، كوڭىلىمىزدە بۇقارا، ءىس - ارەكەتىمىزدە اقيقات بار، ءومىردىڭ دۇرىس جولىمەن كەلەمىز، سەنىمىمىز، كۇش - قۋاتىمىز مىعىم. شي جينپيڭ جولداستى ۇيىتقى ەتكەن پارتيا ورتالىق كوميتەتىنىڭ توڭىرەگىنە اناعۇرلىم تىعىز ىنتىماقتاسىپ، شي جينپيڭ جاڭا ءداۋىر جۇڭگوشا سوتسياليزم يدەياسىمەن وي - سانانى قارۋلاندىرۋدا، امالياتقا جەتەكشىلىك ەتۋدە، قىزمەتتى ىلگەرىلەتۋدە بۇلجىماي تاباندى بولىپ، پارتيا قۇرۋ ۇلى رۋحىن اسقاقتاتىپ، ”ءۇش بولسىندى“ ەستە بەرىك ساقتاپ، قاشان دا حالىقپەن جاپا - ماشاقاتتا بىرگە بولىپ، حالىقپەن تىلەكتەس بولىپ، حالىقتىڭ ويلاعانىن ويلاپ، حالىقتىڭ تاپسىرماسىن ورىنداپ، حالىقتىڭ تاماشا تۇرمىسقا دەگەن تالپىنىسىن ۇزدىكسىز رەالدىققا اينالدىرىپ، جاڭا ەمتيحان جولىندا تاريح پەن حالىققا تىڭ دا ۇزدىك جاۋاپ قايتارايىق!
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
