ەلىمىز جىلجىمايتىن مۇلىكتى ءبىر تۇتاس تىزىمگە الۋدى جالپى بەتتىك ىسكە اسىردى
2023.04.26 13:20 كەلۋ قاينارى : حالىق تورابى
جاراتىلىستىق بايلىق مينيسترلىگىنىڭ مينيسترى ۋاڭ گۋاڭحۋانىڭ 4 – ايدىڭ 25 – كۇنى مەملەكەتتىك جاراتىلىستىق بايلىق قاينارى مەن جىلجىمايتىن مۇلىكتىڭ ۇقىعىن تۇراقتاندىرىپ تىزىمگە الۋ قىزمەتى جونىندەگى ماجىلىستە جاريالاۋىنشا، ەلىمىز جىلجىمايتىن مۇلىكتى ءبىر تۇتاس تىزىمگە الۋدى جالپى بەتتىك ىسكە اسىرعان.
بۇل ون جىلدىق قۇلشىنىس ارقىلى بىتىراڭقىلىقتان ءبىر تۇتاستىققا، قالاداعى قورا – جايلاردان اۋىل – قىستاقتاعى تۇرعىن ۇيلىك جەرلەرگە، جىلجىمايتىن مال – مۇلىكتەن جاراتىلىستىق بايلىققا دەيىن، مەملەكەتتىڭ بارلىق تەرريتوريالىق كەڭىستىگىن تولىق قامتىعان، بارلىق جىلجىمايتىن مۇلىكتەردى تولىق قامتىعان جىلجىمايتىن مۇلىكتى ءبىر تۇتاس تىزىمگە الۋ ءتۇزىمىنىڭ جالپى بەتتىك ورناتىلعانىن بىلدىرەدى.
ەلىمىز ازاماتتىق زاڭنامانى جەتەكشى، «جىلجىمايتىن مۇلىكتى تىزىمگە الۋ ۋاقىتتىق ەرەجەسىن» وزەك ەتە وتىرىپ، اتقارىلاتىن ناقتى ەرەجە، اتقارۋ ولشەمى، جەرگىلىكتى سيپاتتاعى زاڭ – ءتۇزىم قاتارلىلاردى سايكەستى تىرەك ەتكەن جىلجىمايتىن مۇلىكتى ءبىر تۇتاس تىزىمگە الۋ تۇزىمدىك جۇيەسىن نەگىزىنەن قالىپتاستىردى.
2023 – جىلى 3 – ايدا، پارتيا ورتالىق كوميتەتى مەن مەملەكەتتىك كەڭەس جىلجىمايتىن مۇلىكتى ءبىر تۇتاس تىزىمگە الۋ قۇرىلىمىن قۇرۋدى ماقۇلداپ، ءتۇرلى تاراۋلاردا بىتىراڭعى ورنالاسقان جىلجىمايتىن مۇلىكتى تىزىمگە الۋ قىزمەتتىك جاۋاپكەرشىلىگىن جيناقتاپ، تىزىمگە الاتىن قۇرىلىم، تىزىمگە الاتىن ەستەلىك داپتەر، تىزىمگە الۋ نەگىزى مەن ينفورماتسيا تەكشەسى ”تورتەۋىن بىرلىككە كەلتىرۋ“ سىندى رەفورما مىندەتىن ورىندادى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
