بەيجيڭدە ۇكىمەت اشقان 200 گە جۋىق ەمحانادان الدىن الا تاپسىرىسپەن ءنومىر الۋدىڭ جاڭا ءتاسىلى جاريالاندى
2023.04.26 13:21 كەلۋ قاينارى : حالىق تورابى
ءتىلشىنىڭ 4 – ايدىڭ 23 – كۇنى جىبۋباۋ سەرىكتەستىگىنەن ۇعىسۋىنشا، سول كۇننەن باستاپ، بەيجيڭدەگى ۇكىمەت اشقان 200 گە جۋىق ەمحانا جىفۋباۋ تەكشەسى ارقىلى الدىن الا ءنومىر تاراتۋ قىزمەتىن اشقان، تۇرعىندار جىفۋباۋ App قولدانباسىنىڭ ءبىرىنشى بەتىنەن ىزدەۋ نەمەسە ”ەمدەلۋ جانە دەنساۋلىق“ ايدارشاسىنا كىرۋ ارقىلى ”ەمدەلۋگە ءنومىر الۋ“ دەگەن ورىندى باسىپ، بۇكىل قالاداعى ۇكىمەت اشقان 200 گە جۋىق ەمحانانىڭ ءنومىرىن الۋعا الدىن الا تاپسىرىس بەرە الادى.
ءنومىر قاينارى جيڭتۇڭ شاعىن پروگرامماسىنداعى (اسلىگى بەيجيڭ جيانكاڭباۋ شاعىن باعدارلاماسى) 114 الدىن الا تاپسىرىسپەن ءنومىر الۋ تەكشەسى مەن ۇكىمەت اشقان ەمحانالاردىڭ دەربەس شاعىن پروگراممالارىن توعىستىرعان، بەيجيڭ شيەحى ەمحاناسى، جۇڭگو حالىق ازاتتىق ارميا باس ەمحاناسى (301 ەمحاناسى)، بەيجيڭ بالالار ەمحاناسى قاتارلى مەملەكەت قاراستىلىعىنداعى، قالا قاراستىلىعىنداعى ءتۇيىندى ەمحانالاردى قامتىعان.
ينتەرنەتتە ءنومىر الۋدان سىرت، بەيجيڭ قالا تۇرعىندارى جىفۋباۋداعى ەمدەۋ – دەنساۋلىق ساقتاۋ ارناسىنان پايدالانىپ، مەديتسينالىق قامسىزداندىرۋدىڭ ەلەكتروندى كۋالىگىن قولدانىپ، بەيجيڭ قالاسىنداعى 200 نەشە ەمحانا مەن ءدارى – دارمەك دۇكەنىنەن كارتۋچكا اپارماي – اق ەمدەلۋىنە، ءدارى – دارمەك ساتىپ الۋىنا بولادى. باسقا جەردەن بەيجيڭگە كەلىپ ەمدەلەتىن ناۋقاستاردىڭ دا وسى ارنا ارقىلى سىرت جەردە ەمدەلۋدى ەستەلىككە الدىرۋىنا، سونداي – اق بەيجيڭ – تيانجين – حىبەي ەمدەلۋدى ءبىر تۇلعاندىرىپ، حالىققا قولايلى قىزمەت وتەۋ قىزمەتىنەن يگىلىكتەنۋىنە بولادى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
