شي جينپيڭ ازيا مادەنيەت مۇرالارىن قورعاۋ وداعىنىڭ جينالىسىنا قۇتتىقتاۋ حاتىن جولدادى
2023.04.26 15:05 كەلۋ قاينارى : حالىق تورابى
شينحۋا اگەنتتىگى، 4 - ايدىڭ 25 - كۇنى، بەيجيڭ. 4 - ايدىڭ 25 - كۇنى مەملەكەت ءتوراعاسى شي جينپيڭ ازيا مادەنيەت مۇرالارىن قورعاۋ وداعىنىڭ جينالىسىنا قۇتتىقتاۋ حاتىن جولدادى.
شي جينپيڭ بىلاي دەپ اتاپ كورسەتتى: ازيا − ادامزات وركەنيەتىنىڭ ماڭىزدى وشاعى، توتەنشە مول مادەنيەت مۇرالارىن دايىنداپ جانە ساقتاپ، دۇنيە ءجۇزى وركەنيەتىنىڭ دامۋ تاريحىنا ايشىقتى پاراق جازدى. 2019 - جىلى مەن ازيا وركەنيەتتەر تىلدەسۋى جينالىسىندا ازيا مادەنيەت مۇرالارىن قورعاۋ ارەكەتىن ورىستەتۋ جونىندە باستاما كوتەردىم. 4 جىلدان بەرى ءار جاق بەلسەنە ءۇن قوسىپ، بىرگە قۇلشىنىپ، ەرتە زامانعى وركەنيەتتى زەرتتەۋ، بىرلەسكەن ارحەولوگيا، ەجەلگى ەسكەرتكىشتەردى قالپىنا كەلتىرۋ، مۇراجاي اۋىس - كۇيىسى سياقتى جاقتاردا ناقتى ىستەر سەلبەستىگىن ورىستەتىپ، ادامزات وركەنيەتىنىڭ جاۋھارىن قورعاۋعا ازيانىڭ جاڭا ۇلەسىن قوستى.
شي جينپيڭ بىلاي دەپ دارىپتەدى: ازيا مادەنيەت مۇرالارىن قورعاۋ وداعىنىڭ قۇرىلۋى ازيا مادەنيەت مۇرالارىن قورعاۋدى كۇشەيتۋگە، ازيا وركەنيەتىنىڭ اۋىس - كۇيىسىن تەرەڭدەتۋگە، دۇنيە ءجۇزى وركەنيەت باقشاسىن گۇلدەندىرۋگە، ادامزات وركەنيەتىنىڭ العا باسۋىنا ۇلەس قوسۋعا ءتيىمدى. جۇڭگو وداق جۇلگەسىندە ازياداعى ءار ەلمەن قول ۇستاسا وتىرىپ مادەنيەت مۇرالارىن قورعاۋ تاجىريبەلەرىن اۋىستىرۋدى كۇشەيتىپ، مادەنيەت مۇرالارى سالاسىنداعى حالىقارالىق سەلبەستىكتى بەلسەنە ىلگەرىلەتىپ، دۇنيە جۇزىلىك وركەنيەت پىكىرلەسۋى، سەلبەستىگى تورابىن قۇرىپ، ءار ەل حالقىنىڭ ءوزارا ءتۇسىنىسۋىن، ەتەنە بولۋىن جەبەپ، ادامزات وركەنيەتىنىڭ دامۋىن، العا باسۋىن بىرگە ىلگەرىلەتۋدى قالايدى.
ازيا مادەنيەت مۇرالارىن قورعاۋ وداعىنىڭ جينالىسىن مادەنيەت جانە ساياحات مينيسترلىگى، مەملەكەتتىك مادەني مۇرالار مەكەمەسى، شانشي ولكەلىك حالىق ۇكىمەتى بىرلەسىپ باسقاردى، 4 - ايدىڭ 25 – كۇنى شانشي ولكەسىنىڭ شي - ان قالاسىندا اشىلدى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
