14 - كەزەكتى مەملەكەتتىك حالىق قۇرىلتايى تۇراقتى كوميتەتىنىڭ 2 - ءماجىلىسى بەيجيڭدە جابىلدى
تىڭشىلىققا قارسى تۇرۋ زاڭىن، چيڭحاي - شيزاڭ ءۇستىرتىنىڭ ەكولوگياسىن قورعاۋ زاڭىن داۋىسقا سالىپ ماقۇلدادى شي جينپيڭ ءتوراعا بۇيرىعىنا قول قويىپ جاريالادى جاڭادان وزگەرىس ەنگىزىلگەن مەملەكەتتىك حالىق قۇرىلتايى تۇراقتى كوميتەتى قۇرامىنداعىلار بويسۇنۋعا ءتيىستى ەرەجە سياقتىلاردى داۋىسقا سالىپ ماقۇلدادى
جاۋ لىجي ءماجىلىستى باسقاردى
2023.04.27 16:56 كەلۋ قاينارى : حالىق تورابى
«حالىق گازەتى»، 4 - ايدىڭ 26 – كۇنى، بەيجيڭ (ءتىلشى چي يۇيكۇن). 14 - كەزەكتى مەملەكەتتىك حالىق قۇرىلتايى تۇراقتى كوميتەتىنىڭ 2 - ءماجىلىسى 4 - ايدىڭ 26 - كۇنى تۇستەن بۇرىن بەيجيڭدەگى حالىق سارايىندا جابىلدى. ءماجىلىس تىڭشىلىققا قارسى تۇرۋ زاڭىن، چيڭحاي - شيزاڭ ءۇستىرتىنىڭ ەكولوگياسىن قورعاۋ زاڭىن داۋىسقا سالىپ ماقۇلدادى. مەملەكەت ءتوراعاسى شي جينپيڭ 4 -، 5 - ءنومىرلى ءتوراعا بۇيرىعىنا قول قويىپ جاريالادى. كوميتەت باستىعى جاۋ لىجي جابىلۋ جيىنىن باسقاردى.
تۇراقتى كوميتەت قۇرامىنداعىلاردان 170 ادام ماجىلىسكە قاتىناستى، ماجىلىسكە قاتىناسقان ادام سانى زاڭدا بەلگىلەنگەن ادام سانىنا ۇيلەسەدى.
ءماجىلىس جاڭادان وزگەرىس ەنگىزىلگەن مەملەكەتتىك حالىق قۇرىلتايى تۇراقتى كوميتەتى قۇرامىنداعىلار بويسۇنۋعا ءتيىستى ەرەجەنى داۋىسقا سالىپ ماقۇلدادى.
ءماجىلىس 14 - كەزەكتى مەملەكەتتىك حالىق قۇرىلتايى تۇراقتى كوميتەتى ۋاكىلدەردىڭ تولىمدىلىعىن تەكسەرۋ كوميسسياسىنىڭ مەڭگەرۋشى مۇشەسىنىڭ، ورىنباسار مەڭگەرۋشى مۇشەلەرىنىڭ، مۇشەلەرىنىڭ ەسىمدىگىن داۋىسقا سالىپ ماقۇلدادى.
ءماجىلىس تاعى باسقا دا مىندەتكە تاعايىنداۋ، مىندەتتەن قالدىرۋ جوباسىن داۋىسقا سالىپ ماقۇلدادى.
مەملەكەتتىك حالىق قۇرىلتايى تۇراقتى كوميتەتى باستىعىنىڭ ورىنباسارلارى لي حۇڭجۇڭ، ۋاڭ دۇڭميڭ، شياۋ جيە، جىڭ جيانباڭ، ديڭ جۇڭلي، حاۋ ميڭجين، ساي دافىڭ، حى ۋەي، ۋ ۋەيحۋا، تيە نيڭ، پىڭ چيڭحۋا، جاڭ چيڭۋەي، لوساڭ جياڭسۇن، شوكىرات زاكىر، باس حاتشى ليۋ چي ماجىلىسكە قاتىناستى.
مەملەكەتتىك كەڭەستىڭ مۇشەسى ۋاڭ شياۋحۇڭ، ەڭ جوعارى حالىق سوتى مەكەمەسىنىڭ باستىعى جاڭ جۇن، ەڭ جوعارى حالىق پروكۋراتۋراسىنىڭ باس پروكۋرورى يىڭ يۇڭ، مەملەكەتتىك باقىلاۋ - تەكسەرۋ كوميتەتىندەگى جاۋاپتى جولداس، مەملەكەتتىك حالىق قۇرىلتايى ارناۋلى كوميتەتتەرىنىڭ مۇشەلەرى، ولكەلىك، اۆتونوميالى رايوندىق، توتە قاراستى قالالىق حالىق قۇرىلتايى تۇراقتى كوميتەتتەرىندەگى جاۋاپتى جولداستار، تەتە ولكە دارەجەلى قالالىق حالىق قۇرىلتايى تۇراقتى كوميتەتتەرىندەگى ءبىر ءبولىم نەگىزگى جاۋاپتى جولداستار، مەملەكەتتىك حالىق قۇرىلتايىنىڭ ءبىر ءبولىم ۋاكىلدەرى، قاتىستى تاراۋلارداعى جاۋاپتى جولداستار ماجىلىسكە سىرتتاي قاتىناستى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
