ساي چي ۆيەتنام كوممۋنيستىك پارتياسى ورتالىق كوميتەتى ساياسي بيۋروسىنىڭ مۇشەسى، ورتالىق كوميتەت شۋجيچۋىنىڭ ۇنەمىلىك ىستەرگە جاۋاپتى شۋجيى، ورتالىق كوميتەت ۇيىمداستىرۋ ءبولىمىنىڭ باستىعى جاڭ شىمەيمەن كەڭەس وتكىزدى
2023.04.27 16:57 كەلۋ قاينارى : حالىق تورابى
شينحۋا اگەنتتىگى، 4 - ايدىڭ 26 - كۇنى، بەيجيڭ. 4 - ايدىڭ 26 - كۇنى ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، ورتالىق كوميتەت شۋجيچۋىنىڭ شۋجيى ساي چي حالىق سارايىندا ۆيەتنام كوممۋنيستىك پارتياسى ورتالىق كوميتەتى ساياسي بيۋروسىنىڭ مۇشەسى، ورتالىق كوميتەت شۋجيچۋىنىڭ ۇنەمىلىك ىستەرگە جاۋاپتى شۋجيى، ورتالىق كوميتەت ۇيىمداستىرۋ ءبولىمىنىڭ باستىعى جاڭ شىمەيمەن كەڭەس وتكىزدى.
ساي چي مىنالاردى ءبىلدىردى: باس شۋجي شي جينپيڭ جاڭا عانا جاڭ شىمەي جولداسپەن كەزدەسىپ، جۇڭگو مەن ۆيەتنام ەكى پارتيانىڭ، ەكى ەلدىڭ قارىم - قاتىناسىنىڭ اناعۇرلىم جاقسى، اناعۇرلىم تەز دامۋىن ىلگەرىلەتۋ، ادامزاتتىڭ بەيبىتشىلىگى مەن العا باسۋ ىستەرىنە كۇش سالاتىن جۇڭگو - ۆيەتنام تاعدىرلاس ورتاق تۇلعاسىن قۇرۋ جونىندە ماڭىزدى جەتەكشى پىكىردى ورتاعا قويىپ، جۇڭگو مەن ۆيەتنامنىڭ جان - جاقتى ستراتەگيالىق سەلبەستىك سەرىكتەستىك قارىم - قاتىناسىن بەكەمدەۋگە، دامىتۋعا تىڭ قوزعاۋشى كۇش قوستى. جۇڭگو مەن ۆيەتنام نازاردى ەكى پارتيانىڭ باس شۋجيلەرى كەلىسكەن ماڭىزدى ورتاق تانىمعا شوعىرلاندىرىپ، ساياسي ءوزارا سەنىمدىلىكتى تەرەڭدەتىپ، اۋىس - كۇيىستى، ءوزارا ۇلگى الۋدى كۇشەيتىپ، ستراتەگيالىق ۇشتاسۋدى ىلگەرىلەتىپ، ناقتى سەلبەستىكتى كەڭەيتىپ، جۇڭگو - ۆيەتنام قارىم - قاتىناسىنىڭ بەلسەندى بەتالىسىن ۇزدىكسىز ويداعىداي بەكەمدەۋى كەرەك.
ساي چي مىنالاردى دارىپتەدى: قازىر حالىقارالىق قوعام قات – قابات حاۋىپ - قاتەر مەن سىن - سايىستى باستان كەشىرۋدە. باس شۋجي شي جينپيڭ دۇنيە جۇزىلىك دامۋ باستاماسىن، دۇنيە جۇزىلىك حاۋىپسىزدىك باستاماسىن، دۇنيە جۇزىلىك وركەنيەت باستاماسىن العا قويىپ، دۇنيە جۇزىلىك ماسەلەلەردى شەشۋگە، دۇنيە جۇزىلىك جونگە سالۋدى ىلگەرىلەتۋگە جۇڭگونىڭ اقىل - پاراساتى مەن جۇڭگو جوباسىن ارنادى. جۇڭگو جاق ۆيەتنام جاقپەن باستامانىڭ تياناقتانۋىن قول ۇستاسا ىلگەرىلەتىپ، حالىقارالىق، وڭىرلىك ىستەردە سايكەسۋدى، سەلبەسۋدى كۇشەيتىپ، ءبىر - ءبىرىنىڭ وزەكتى مۇددەسىنە ساياتىن ماسەلەلەردە ءبىرىن - ءبىرى تاباندىلىقپەن قولداۋدى، وركەندەپ كەلە جاتقان ەلدەردىڭ ورتاق مۇددەسىن بىرگە قورعاۋدى، ءوڭىردىڭ جانە دۇنيە ءجۇزىنىڭ بەيبىتشىلىگىن، ورنىقتىلىعىن، دامۋىن، گۇلدەنۋىن قورعاۋدى قالايدى.
جاڭ شىمەي مىنالاردى ءبىلدىردى: جۇڭگونىڭ شي جينپيڭ جولداستى ۇيىتقى ەتكەن ج ك پ ورتالىق كوميتەتىنىڭ پارمەندى باسشىلىعىندا ءبىرىنشى 100 جىلدىق كۇرەس نىساناسىن ءساتتى جۇزەگە اسىرىپ، ەكىنشى 100 جىلدىق كۇرەس نىساناسىن جۇزەگە اسىرۋعا جورىق جاساعانىن قىزۋ قۇتتىقتايمىن، ج ك پ - نىڭ شي جينپيڭ جولداستىڭ پارتيا ورتالىق كوميتەتىنىڭ ۇيىتقىسى، بۇكىل پارتيانىڭ ۇيىتقىسى ورنىن تۇراقتاندىرعانىن، شي جينپيڭنىڭ جاڭا ءداۋىر جۇڭگوشا سوتسياليزم يدەياسىنىڭ جەتەكشى ورنىن تۇراقتاندىرعانىن جوعارى باعالايمىن، بۇل جۇڭگونىڭ پارتيا مەن مەملەكەت ىستەرىنىڭ دامۋى جونىنەن شەشۋشى ماڭىزعا يە. ۆيەتنام جاق سوتسياليستىك جۇڭگونىڭ دامىپ قۇدىرەتتەنۋىن قولداپ، دۇنيە ءجۇزىنىڭ ورنىقتىلىعى مەن دامۋىنا ماڭىزدى ۇلەس قوسادى. ۆيەتنام جاق جۇڭگو جاقپەن بىرگە پارتيالار ارا بارىس - كەلىستىڭ ماڭىزدى جەتەكشىلىك رولىن ساۋلەلەندىرىپ، ساياسي ءوزارا سەنىمدىلىكتى ۇزدىكسىز كۇشەيتىپ، ەكونوميكا - ساۋدا، ”ءبىر بەلدەۋ، ءبىر جولدى“ بىرگە قۇرۋ، ساياحات، اۋىل شارۋاشىلىعى سياقتى سالالارداعى سەلبەستىكتى ءبىر تۇتاس جوسپارلاپ ىلگەرىلەتىپ، گۋمانيتارلىق، جاستار، جەرگىلىكتى ورىندار اۋىس - كۇيىسىن كۇشەيتىپ، ۆيەتنام مەن جۇڭگونىڭ جان - جاقتى ستراتەگيالىق سەلبەستىك سەرىكتەستىك قارىم - قاتىناسىنىڭ ىشكەرىلەي دامۋىن ىلگەرىلەتۋدى ءۇمىت ەتەدى. ۆيەتنام جاق ءبىر جۇڭگو ساياساتىن باتىل اتقارادى، جۇڭگونىڭ بىرلىككە كەلۋ ۇلى ءىسىن قولدايدى، كوپ جاقتى سالالارداعى قارىم - قاتىناستى، سەلبەستىكتى ىلگەرىلەتىپ، ءوڭىردىڭ جانە دۇنيە ءجۇزىنىڭ بەيبىت دامۋىن جەبەۋدى قالايدى.
ەكى جاق تاعى وزدەرىنىڭ ىشكى جاعدايىن جانە پارتيا قۇرىلىسى جاعدايىن ءوزارا تانىستىردى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
