شي جينپيڭ 10 - كەزەكتى دۇنيە جۇزىندەگى جۇڭگولىق مۇھاجىرلار مەن جۇڭگولىقتاردىڭ قوعامدىق ۇيىمدارىنىڭ دوستىق جينالىسىنا قاتىناسقان ۋاكىلدەرمەن كەزدەستى
ۋاڭ حۋنيڭ، ساي چي كەزدەسۋدە بىرگە بولدى
2023.05.09 15:07 كەلۋ قاينارى : حالىق تورابى
 |
5 - ايدىڭ 8 - كۇنى پارتيا مەن مەملەكەت باسشىلارىنان شي جينپيڭ، ۋاڭ حۋنيڭ، ساي چي قاتارلىلار بەيجيڭدەگى حالىق سارايىندا 10 - كەزەكتى دۇنيە جۇزىندەگى جۇڭگولىق مۇھاجىرلار مەن جۇڭگولىقتاردىڭ قوعامدىق ۇيىمدارىنىڭ دوستىق جينالىسىنا قاتىناسقان ۋاكىلدەرمەن كەزدەستى.
سۋرەتتى شينحۋا اگەنتتىگىنىڭ ءتىلشىسى لي شۋەرىن تۇسىرگەن
|
«حالىق گازەتى»، 5 - ايدىڭ 8 - كۇنى، بەيجيڭ (ءتىلشى لي چاڭيۇي). ج ك پ ورتالىق كوميتەتىنىڭ باس شۋجيى، مەملەكەت ءتوراعاسى شي جينپيڭ 5 - ايدىڭ 8 - كۇنى تۇستەن بۇرىن بەيجيڭدەگى حالىق سارايىندا 10 - كەزەكتى دۇنيە جۇزىندەگى جۇڭگولىق مۇھاجىرلار مەن جۇڭگولىقتاردىڭ قوعامدىق ۇيىمدارىنىڭ دوستىق جينالىسىنا قاتىناسقان ۋاكىلدەرمەن كەزدەسىپ، پارتيا ورتالىق كوميتەتى، مەملەكەتتىك كەڭەس اتىنان كوپشىلىكتى قىزۋ قارسى الاتىنىن ءبىلدىرىپ، دۇنيە ءجۇزىنىڭ جەر - جەرىندەگى جۇڭگولىق مۇھاجىرلار مەن جۇڭگولىقتارعا شىنايى سالەم جولدادى.
ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك ساياسي كەڭەستىڭ ءتوراعاسى ۋاڭ حۋنيڭ، ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، ورتالىق كوميتەت كەڭسەسىنىڭ مەڭگەرۋشىسى ساي چي كەزدەسۋدە بىرگە بولدى.
تۇستەن بۇرىن ساعات 10 نان 30 مينۋت وتكەندە شي جينپيڭ قاتارلىلار حالىق سارايىنىڭ التىن ءتۇستى زالىنا كەلگەندە، تۇتاس زالدان ۇزاققا دەيىن شاتىرلاعان شاپالاق ءۇنى كوتەرىلدى. شي جينپيڭ قاتارلىلار ۋاكىلدەرگە قول بۇلعاپ قۇرمەت ءبىلدىردى، كوپشىلىكپەن ىقىلاسپەن اڭگىمەلەستى ءارى ەستەلىك سۋرەتكە ءتۇستى.
ج ك پ ورتالىق كوميتەتى ساياسي بيۋروسىنىڭ مۇشەسى، ورتالىق كوميتەت بىرلىكساپ ءبولىمىنىڭ باستىعى شى تايفىڭ كەزدەسۋدە بىرگە بولدى ءارى سول كۇنى تۇستەن بۇرىنعى ءماجىلىستىڭ اشىلۋ سالتىندا ءسوز سويلەدى. ول بىلاي دەپ اتاپ كورسەتتى: شەتەلدەردەگى مۇھاجىر باۋىرلاستار جۇڭگو مەن شەتەلدى توعىستىراتىن ەرەكشە ابزالدىققا يە، جۇڭگو مەن دۇنيە ءجۇزىن تۇتاستىراتىن ماڭىزدى كوپىر جانە دانەكەر، ادامزاتتىڭ تاعدىرلاس ورتاق تۇلعاسىن قۇرۋدى ىلگەرىلەتۋدىڭ جالىندى كۇشى. شەتەلدەردەگى قالىڭ مۇھاجىر باۋىرلاستاردىڭ قول ۇستاسىپ، ءبىر نيەتپەن ەرلىكپەن العا باسىپ، ادامزاتتىڭ تاعدىرلاس ورتاق تۇلعاسىن قۇرۋ ۇستانىمىن ىشكەرىلەي امالياتتا ايگىلەپ، دۇنيە ءجۇزىنىڭ بەيبىتشىلىگىن جانە جۇڭگو مەن شەتەلدىڭ دوستىعىن بەلسەنە جەبەپ، دۇنيە جۇزىلىك دامۋ مەن سەلبەسىپ تەڭ يگىلىككە كەنەلۋدى بەلسەنە جەبەپ، جۇڭگو مەن شەتەلدىڭ اۋىس - كۇيىسى مەن وركەنيەتىنىڭ ءوزارا ۇلگى الۋىن بەلسەنە جەبەپ، جۇڭحۋا ۇلتىنىڭ ۇلى گۇلدەنۋىنىڭ، ادامزاتتىڭ تاعدىرلاس ورتاق تۇلعاسىن قۇرۋدىڭ جاڭا جورىعىندا تىڭ داستان جازۋىن ءۇمىت ەتەمىز.
دۇنيە جۇزىندەگى جۇڭگولىق مۇھاجىرلار مەن جۇڭگولىقتاردىڭ قوعامدىق ۇيىمدارىنىڭ دوستىق جينالىسى − بۇكىل دۇنيە جۇزىندەگى جۇڭگولىق مۇھاجىرلار مەن جۇڭگولىقتاردىڭ نەگىزگى قوعامدىق ۇيىمدارى مەن جاۋاپتىلارىنىڭ دوستاسۋىنىڭ، اۋىس - كۇيىس جاساۋىنىڭ ماڭىزدى تۇعىرى. وسى كەزەكتى جينالىس ”جۇڭگو مەن شەتەلدى توعىستىرىپ، ادامزاتتىڭ تاعدىرلاس ورتاق تۇلعاسىن بىرگە قۇرۋدى ىلگەرىلەتەيىك“ دەگەندى نەگىزگى تاقىرىپ ەتتى، 130 نەشە مەملەكەت پەن رايوننان كەلگەن جۇڭگولىق مۇھاجىرلاردىڭ، جۇڭگولىقتاردىڭ قوعامدىق توپتارىنىڭ 500 گە جۋىق جاۋاپتىسى جينالىسقا قاتىناستى.
ۋاڭ ي، جياڭ زوجۇن كەزدەسۋدە بىرگە بولدى.
جاۋاپتى رەداكتورى : مانەپ ەربول ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
