ەلىمىزدىڭ تەڭىز – مۇحيت ەكونوميكاسىنىڭ قالپىنا كەلۋ جاعدايى پارمەندى بولدى (جاڭا ساندى مالىمەت، جاڭا ءتۇيىن)
1 - توقساندا تەڭىز – مۇحيت ءوندىرىسىنىڭ جالپى ءونىم قۇنى سايكەس مەزگىلدەگىدەن %5.1 ارتتى
2023.05.09 15:14 كەلۋ قاينارى : حالىق تورابى
«حالىق گازەتى»، 5 - ايدىڭ 8 – كۇنى، بەيجيڭ (ءتىلشى ليۋ شى - ياۋ). ءتىلشىنىڭ تاياۋدا جاراتىلىستىق بايلىق مينيسترلىگىنەن ۇعىسۋىنشا، العاشقى ەسەپكە قاراعاندا، 1 - توقساندا بۇكىل ەل بويىنشا تەڭىز – مۇحيت ءوندىرىسىنىڭ جالپى ءونىم قۇنى 2 تريلليون 300 ميلليارد يۋان بولىپ، سايكەس مەزگىلدەگىدەن %5.1 ارتىپ، ىشكى ءوندىرىستىڭ جالپى ءونىم قۇنىنداعى سالىستىرماسى %8.2 بولعان. ەلىمىزدىڭ تەڭىز - مۇحيت ەكونوميكاسىنىڭ قالپىنا كەلۋ اۋقىمى پارمەندى جاقسارعان.
1 - توقساندا ەل ىشىندەگى تەڭىز - مۇحيت ونىمدەرىنىڭ ءونىم مولشەرى سايكەس مەزگىلدەگىدەن %4.4 ارتتى، مۇنىڭ ىشىندە تەڭىز سۋى باعىمشىلىعىنىڭ ءونىم مولشەرى سايكەس مەزگىلدەگىدەن %4.9 ارتتى. بۇكىل ەل بويىنشا تەڭىز - مۇحيت مۇنايىنىڭ، تەڭىز - مۇحيت تابيعي گازىنىڭ ءونىم مولشەرى سايكەس مەزگىلدەگىدەن جەكە - جەكە %3.8، %6.5 ارتتى. ءۇش ۇلكەن كەمە جاساۋ كورسەتكىشى تەڭىز كەمەلەرىنە تاپسىرىس بەرۋ مولشەرى، ءبىتىرۋ مولشەرى، قولداعى تاپسىرىس مولشەرى سايكەس مەزگىلدەگىدەن جەكە - جەكە %66.9، %13.2، %34.6 ارتتى. تەڭىز - مۇحيت زات تاسىمال مولشەرى ءبىر ميلليارد 40 ميلليون تونناعا جەتىپ، بىلتىرعى سول تۇستاعىدان %8.3 ارتتى؛ تەڭىز - مۇحيت جولاۋشى تاسىمال مولشەرى بىلتىرعى سول تۇستاعىدان %87.8 ارتتى. تەڭىز جاعالاۋىنداعى پورتتاردىڭ جۇك قورابىنىڭ قابىلداۋ - جونەلتۋ مولشەرى سايكەس مەزگىلدەگىدەن %2.8 ارتتى، جۇك قابىلداۋ - جونەلتۋ مولشەرى سايكەس مەزگىلدەگىدەن %5.5 ارتتى. تەڭىز - مۇحيت ساياحات كاسىبىنىڭ قالپىنا كەلۋى كورنەكتى بولدى، سۇراۋ - جاۋاپ تەكسەرۋىندە كورسەتىلۋىنشە، تەڭىز - مۇحيت ساياحات كاسىپورىندارىنىڭ %60 تەن استام تيجارات كىرىسى سايكەس مەزگىلدەگىدەن ارتقان.
تەڭىز - مۇحيتتاعى جاڭادان گۇلدەنگەن شارۋاشىلىقتاردىڭ دامۋى جاقسى بولدى. تەڭىز سۋىن تۇشتىلاندىرۋ ينجەنەرياسى ورنىقتى ىلگەرىلەتىلىپ، تاڭشان تەڭىز پورتىنىڭ كۇنىنە 50 مىڭ توننا تەڭىز سۋىن تۇشتىلاندىرۋ نىسانى تۇتىنۋشىلاردى رەسمي سۋمەن قامدادى، حاڭجوۋ سۋدى ءبىر جاقتى ەتۋ ورتالىعى الجيريامەن كۇنىنە 300 مىڭ توننا تەڭىز سۋىن تۇزسىزداندىرۋ نىسانىنا قول قويىستى. سۇراۋ قاعازىمەن تەكسەرۋدە كورسەتىلۋىنشە، تەڭىز - مۇحيت دارىلەرى مەن بيولوگيالىق ونىمدەر كاسىبى كاسىپورىندارىنىڭ %60 تەن استامنىڭ تيجارات كىرىسى سايكەس مەزگىلدەگىدەن ارتقان. تەڭىزدەگى جەل ەلەكترىنىڭ جاڭادان قوسىلعان ەلەكتر سيىمدىلىعى مەن ەلەكتر تاراتۋ مولشەرى سايكەس مەزگىلدەگىدەن جەكە - جەكە %40.7، %32.4 ارتتى، تەڭىزدەگى جەل ەلەكتر نىسانى قۇرىلىسىنىڭ جالپى كولەمى شامامەن 18 ميلليون كيلوۆات بولىپ، سايكەس مەزگىلدەگىدەن ءبىر ەسە ارتتى. تەڭىز - مۇحيت ينجەنەريالىق جابدىقتاۋ - جاساۋ كاسىبىنىڭ دامۋ جاعدايى جاقسى بولىپ، تاپسىرىس سوماسى وتكەن جىلدىڭ ۇقساس مەزگىلىندەگىدەن 4.2 ەسە ارتتى.
بۇدان سىرت، تەڭىز - مۇحيت سىرتقى ساۋداسىنىڭ ارتۋى جاقسى بولدى. تەڭىز تاسىمالىنىڭ يمپورت - ەكسپورت جالپى سوماسى سايكەس مەزگىلدەگىدەن %6.5 ارتىپ، بۇكىل ەلدىڭ ۇقساس مەزگىلدەگى يمپورت - ەكسپورت جالپى سوماسىنىڭ ارتۋ قارقىنىنان 1.7 پايىز جوعارى بولدى. سۋ ونىمدەرىنىڭ يمپورت - ەكسپورت سوماسى سايكەس مەزگىلدەگىدەن %10.8 ارتتى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
