حالىق گازەتىنىڭ شولۋى: جالعان كەسكىندەردى قاتاڭ جونگە سالۋ كەرەك
2023.05.09 16:03 كەلۋ قاينارى : حالىق تورابى
بيىل ”1 – مامىر“ مەرەكەسى مەزگىلىندە، ساياحاتشىنىڭ قولفونى شيحۋ كولىنە ءتۇسىپ كەتىپ، قولفوندى ءسۇزىپ العان ادامنىڭ 1500 يۋان اقشا بەرۋدى تالاپ ەتكەنى جونىندەگى كەسكىن تارالىپ، ينتەرنەتتە اڭىس قوزعادى. حاڭجوۋ قالاسى شيحۋ كولى سۋ الابى باسقارماسى وسى ءىس جايلى جاۋاپ قايتارىپ، ينتەرنەتتە تاراعان كەسكىننىڭ بىرەۋلەردىڭ وقيعاسىن وزدەرى قۇراستىرىپ، وزدەرى تۇسىرگەن ساۋدالىق ۇگىت كەسكىنى ەكەنىن ايتقان. قازىر كورىنىس رايونىنداعى زاڭ اتقارۋ تاراۋلارى تەكسەرۋگە ارالاسىپ، زاڭ – تۇزىمگە قايشى كۇماندى ارەكەتتەردى زاڭ بويىنشا ءبىر جاقتى ەتكەن.
اسىلگى كەسكىندى كورگەندەردىڭ بارلىعى ”قولفوندى سۋدان ءسۇزىپ الىپ بەرگەنىنە 1500 يۋان العان“ ءىس شىن بولعان ەكەن دەپ ويلايدى. ءىس جۇزىندە، بۇل وسىدان بۇرىن تاراعان ”قارىزى ميلليون يۋاننان اسىپ، كوشەدە مومى كەمىردى“، ”كوپ مولشەردەگى جەمىستەر ساتىلماي قالىپ، ديقانداردىڭ ەڭبەگى ەش بولدى“ دەگەن سياقتى قىسقا كەسكىندەرمەن ۇقساس، الدامكوستىك امالى ءبىر – بىرىمەن قارايلاس: جۇيەلى وقيعانى قۇراستىرىپ، وقيعا بارىسىندا قايشىلىق پەن قاقتىعىس نەمەسە كوڭىل – كۇيدى وڭاي تولقىتاتىن جاعدايلاردى ورنالاستىرادى، وسى ارقىلى توراپتاستاردىڭ نازارىن اۋدارىپ، كورىلىمگە يە بولىپ، اقشا تابۋ ماقساتىنا جەتەدى.
قىسقا كەسكىن جاساۋ، ارينە، جاسامپازدىقتى قاجەت ەتەدى. الايدا، جاسامپازدىقتىڭ شەگىن ويداعىداي مەڭگەرۋ كەرەك، مازمۇنى الەۋمەتتىك ءتارتىپ پەن تاماشا سالتقا ۇيلەسۋى، زاڭ – تۇزىمدەردەگى تالاپتارعا ساي كەلۋى كەرەك. وسى تەكتەس قىسقا كەسكىندەردىڭ كورنەۋ جەرىنە بۇل تۋىندىنىڭ ويىن ەكەنىن جازۋدىڭ ورنىنا، تۋىندىنىڭ سيپاتىن قاساقانا بۇركەمەلەسە، ادەيى اقپاراتتىق وقيعا ەتىپ جاساسا، سايىپ كەلگەندە، بۇل جالعان اقپارات تاراتۋعا جاتادى. بۇقاراعا قاتە تۇسىنىك بەرۋمەن بىرگە، كورىنىس رايونىنا ۇنامسىز ىقپال جاسايدى، ونىڭ ۇستىنە، بەلگىلى دەڭگەيدەن الىپ ايتقاندا، ينتەرنەتتەگى تاراتۋ ءتارتىبىن بىلىقتىرادى. ونىڭ قوعامدىق ىقپالى ءبىرشاما ناشار بولادى، ءسوزسىز، جونگە سالۋ كەرەك.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
