جۇڭگولىق 16 جاستاعى تولىق ورتا وقۋشىسى چومالاڭما شىڭىنا ءساتتى شىقتى
2023.05.16 14:19 كەلۋ قاينارى : حالىق تورابى
جۇڭگو اقپارات تورابىنىڭ 5 – ايدىڭ 15 – كۇنى بەرگەن حابارى. (شياڭ يپىڭ) نەپال ۋاقىتى بويىنشا 5 – ايدىڭ 15 – كۇنى ساعات 5 تەن 42 مينۋت وتكەندە (بەيجيڭ ۋاقىتى بويىنشا ساعات 7 دەن 57 مينۋت وتكەندە)، حۋنان چاڭشالىق 16 جاستاعى شۇي جويۋان ەسىمدى قىز چومالاڭما شىڭىنا ءساتتى شىعىپ، جۇڭگودان چومالاڭما شىڭىنا وڭتۇستىك بوكتەر ارقىلى شىققان سپورتشىلار ىشىندە جاسى ەڭ كىشى قىز سپورتشى بولدى.
شۇي جويۋان قازىر حۋنان پەداگوگيكا داشۋەسىنىڭ قاراماعىنداعى تولىق ورتانىڭ 1 – جىلدىعىندا وقيدى. ول 4 – ايدىڭ 15 – كۇنى چاڭشادان نەپالعا بارىپ، 4 – ايدىڭ 21 – كۇنى لۋكلادان جاياۋ جولعا شىققان، 4 – ايدىڭ 28 – كۇنى چومالاڭما لاگەرىنە جەتكەن ءارى چومالاڭما شىڭىنا شىعۋ الدىنداعى ۇيلەسۋ جاتتىعۋىن باستاعان. بەيجيڭ ۋاقىتى بويىنشا 5 – ايدىڭ 14 – كۇنى ساعات 22 دە، شۇي جويۋان چومالاڭما شىڭىنىڭ وڭتۇستىك بوكتەرىندەگى تەڭىز دەڭگەيىنەن 7950 مەتر بيىكتىكتەگى C4 لاگەرىنەن جولعا شىعىپ، 10 ساعات جاپالى جول باسۋ ارقىلى چومالاڭما شىڭىنا ءساتتى شىققان.
شۇي جويۋاننىڭ اكەسى شۇي جياڭلەي ”حۋنان ولكەسىنەن چومالاڭما شىڭىنا شىققان ءبىرىنشى ادام“ دەگەن اتقا يە. اكەسىنىڭ ىقپالىمەن، وزىمەن قۇرداس بالالار تاپسىرما ورىنداۋمەن ابىگەر بولىپ جاتقان كەزدە، شۇي جويۋان اكەسىمەن بىرگە ەلسىز وڭىرلەرگە باراتىن؛ قۇرداستارى ويىننىڭ قىزىعىندا جۇرگەندە، ول اكەسىمەن بىرگە تاۋعا شىعاتىن. جاسى كىشى بولعانىمەن ول بيىكتىگى 5000 مەتردەن اساتىن بەس تاۋعا شىعىپ، بۇكىل ەلىمىزدىڭ جەر – جەرىندە ءىز قالدىرعان. 12 جاستاعى جىلى ول حۋنان جاساندى سەرىك تەلەۆيزياسىنىڭ «ورەندەردىڭ ايتارى» اتتى باعدارلاماعا شىققان كەزدە، ول ايبىندى تۇردە: ”مەن چومالاڭما شىڭىنا شىعامىن“ دەگەن بولاتىن. ءتورت جىلدان سوڭ ول ءوزىنىڭ بەرگەن ۋادەسىن ورىندادى.
جاس شۇي جويۋاننىڭ شىڭعا شىعۋ تاجىريبەسى مول بولماعانىمەن، چومالاڭما شىڭىنا شىعۋ ءۇشىن ول باستان – اياق ۇزدىكسىز جوعارى كۇشەمەلىلىكتەگى كاسىپتىك جاتتىعۋ جاسادى. بىلتىر ول تەڭىز دەڭگەيىنەن 7546 مەتر بيىكتىكتەگى مۇزتاع شىڭىنا شىعىپ، چومالاڭما شىڭىنا شىعۋ ءۇشىن نەگىز قالادى.
”ءبىز ادامزات تابيعات الدىندا وتە قوراشپىز، ءبىز ۇلى تابيعاتتى قاستەرلەۋىمىز، چومالاڭما شىڭىمەن ەتەنە بولۋىمىز كەرەك“، — دەيدى شۇي جويۋان، ونىڭ جولعا العان جۇكتەرىنىڭ ىشىىندە كەزىندە اكەسىنىڭ شىڭعا شىققان كەزدە كيگەن قولعابى بار، ول مۇنى مۇراگەرلىك ەتۋدىڭ ءبىر ءتۇرلى بەلگىسى رەتىندە قاراپ، ءوزىنىڭ ارمانىنىڭ ورىندالعانىنا كۋا بولسا ەكەن دەگەن ۇمىتتە بولعان. داشۋەنى اياقتاتقان سوڭ، ول ءوزىنىڭ شىڭعا شىعۋ ءىسىن جالعاستىرىپ، ”2+7“ مىندەتىن (7 بيىك شىڭ مەن وڭتۇستىك – سولتۇستىك ۇيەكتى كورسەتەدى) ورىنداۋ سىندى اسقاق داڭققا قول جەتكىزۋدى ءۇمىت ەتەدى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
