مەملەكەتتىك كليمات ورتالىعى: بيىل جازدا جوعارى تەمپەراتۋرانىڭ جاعدايى بىلتىرعىدان السىزدەۋ بولادى
2023.05.16 15:56 كەلۋ قاينارى : حالىق تورابى
ءبىر – ەكى كۇننەن بەرى، سولتۇستىك وڭىرلەردە بيىل جازداعى العاشقى جوعارى تەمپەراتۋرا شىنىمەن دە جوعارى بولدى، 5 – ايدىڭ 15 – كۇنى ەلىمىز بويىنشا جوعارى تەمپەراتۋرانىڭ ناقتى جاعدايىن قاتارعا تۇرعىزعاندا، الدىڭعى ون ورىننىڭ ىشىندە 36 گرادۋستان تومەنى بولماعان. بولجامعا قاراعاندا، بۇگىن بەيجيڭدە جوعارى تەمپەراتۋرا جالعاستى 36 گرادۋسقا جەتەدى.
جاز ماۋسىمى ءالى تولىق باستالماي جاتىپ، سولتۇستىكتەگى ءىشىنارا قالالاردا وسىنداي ىستىق بولسا، بيىل جاز قانشالىق ىستىق بولادى؟
مەملەكەتتىك كليمات ورتالىعىنىڭ باس بولجامشىسى گاۋ حۇيدىڭ تانىستىرۋىنشا، مەجەمەن بيىل جاز ماۋسىمىندا حەيلۇڭجياڭنىڭ ورتا بولىگى مەن سولتۇستىك بولىگىندە تەمپەراتۋرا بۇرىنعى جىلدارداعىمەن سالىستىرعاندا تومەندەۋ بولۋدان سىرت، بۇكىل ەلىمىزدىڭ كوپ ءبولىم جەرلەرىندە تەمپەراتۋرا بۇرىنعى جىلدارداعى ۇقساس مەزگىلدەگىگە جۋىقتايدى نەمەسە ودان جوعارىلاۋ بولادى، مۇندا حىناننىڭ وڭتۇستىك بولىگى، انحۇيدىڭ باتىس بولىگى، جياڭشيدىڭ باتىس سولتۇستىك بولىگى، حۋناننىڭ سولتۇستىك بولىگى، حۋبەي، چۇڭچيڭنىڭ كوپ بولىگى، سىچۋاننىڭ شىعىس بولىگى، شانشيدىڭ وڭتۇستىك بولىگى، گانسۋدىڭ باتىس بولىگى، شينجياڭنىڭ كوپ ءبولىمى قاتارلى جەرلەردە تەمپەراتۋرا 1 – 2 گرادۋس جوعارىلاۋ بولادى.
الايدا، گاۋ حۇيدىڭ ايتۋىنشا، بىلتىرعى اۋا رايى جاعدايىمەن سالىستىرا وتىرىپ تالداۋ جاساعاندا، جوعارى تەمپەراتۋرانىڭ جالعاساتىن ۋاقىتى، جوعارى شەگىنىڭ كۇشەمەلىلىگى، جوعارى تەمپەراتۋرانىڭ شارپيتىن كولەمى جانە شەكتەن اسقان 40 گرادۋستان جوعارى اۋا تەمپەراتۋراسى شارپيتىن قالالار قاتارلى جاقتاردا، بيىل جاز ماۋسىمىنداعى جوعارى تەمپەراتۋرا جاعدايى بىلتىرعىمەن سالىستىرعاندا السىزدەۋ بولادى.
”الايدا، بيىلعى جوعارى تەمپەراتۋرانىڭ جالعاساتىن ۋاقىتى، جوعارى تەمپەراتۋرا شارپيتىن كولەم بۇرىنعى جىلدارداعى جاز مەزگىلدەگىمەن سالىستىرعاندا كوبىرەك بولادى“. گاۋ حۇي جوعارى تەمپەراتۋرانىڭ ادامنىڭ دەنساۋلىعىنا ءتيىمسىز ىقپال جاساۋىنان ساقتانۋدى ەسكەرتتى، قاتىستى تاراۋلار جاز مەزگىلىندەگى شىلىڭگىر ىستىق شەگىنە جەتكەن كەزدە ەنەرگيا قاينارىمەن قامداۋ قاتارلى دايىندىق قىزمەتتەردى الدىن الا ويداعىداي ىستەگەنى ءجون.
اۋا رايى تاراۋلارىنىڭ ايتۋىنشا، ساندىق مانگە تالداۋ جاساۋ قاتارلى تاسىلدەر ارقىلى جاز مەزگىلىندەگى اۋا رايى جونىندە بولجام جاساۋعا بولعانىمەن، قالايدا بولجامنىڭ تۇراقسىز بولۋ ىقتيمالدىعى بار.
گاۋ حۇي بىلاي دەپ ءتۇسىندىردى: جالپى تۇلعالىق جاقتان ايتقاندا، تەڭىز – مۇحيتتىق (تەڭىز سۋىنىڭ تەمپەراتۋراسى، ۇيەكتىك مۇز قاتارلىلار) جانە قۇرلىقتىق (قاسات قار قاتارلى) فاكتورلار قوسانجارلاپ، ەلىمىزدىڭ اۋا رايىنا نەداۋىر زور مولشەردە ىقپال جاسايدى، بۇل فاكتورلار الداعى كوكتەم مەن جاز مەزگىلىندەگى وزگەرىستەردىڭ تۇراقسىزدىعىن ارتتىرادى؛ ەندى ءبىر جاعىنان ايتقاندا، بۇكىل جەر شارىنىڭ جىلىنۋى سىندى جاعدايدا، اۋا رايىنىڭ قالىپسىزدىعى ۇزدىكسىز ارتۋدا، بۇل دا كليمات بەتالىسىنا بولجام جاساۋدىڭ تۇراقسىزدىعى مەن قيىندىق دارەجەسىن ارتتىرۋدا.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
