ميلليوننان استام قىزمەت ورنى دايىندالدى! ون تاراۋ ءىرى جوسپاردى ىسكە قوستى!
2023.05.16 16:08 كەلۋ قاينارى : حالىق تورابى
جۋىردا ادام كۇشى بايلىعى جانە قوعامدىق قامتاماسىزداندىرۋ مينيسترلىگى، وقۋ – اعارتۋ مينيسترلىگى، عىلىم – تەحنيكا مينيسترلىگى، ونەركاسىپ جانە ينفورماتسيالاندىرۋ مينيسترلىگى، حالىق ىستەرى مينيسترلىگى، قازىنا مينيسترلىگى، ساۋدا مينيسترلىگى، مەملەكەتتىك كەڭەستىڭ مەملەكەت مەنشىگىندەگى مال – مۇلىكتى باقىلاۋ – باسقارۋ كوميتەتى، كوممۋنيستىك جاستار وداعى ورتالىق كوميتەتى، مەملەكەتتىك ونەركاسىپشىلەر مەن ساۋداگەرلەر بىرلەستىگى قاتارلى ون تاراۋ «جۇمىستانۋ الدىنداعى ۇيرەنۋ ورىندارىن توپتاۋ جوسپارىن اتقارۋدى ونان ارى ىلگەرىلەتۋ جونىندەگى ۇقتىرۋدى» (تومەندە قىسقارتىلىپ «ۇقتىرۋ» دەپ اتالادى) باسىپ تاراتىپ، جوعارى مەكتەپتەن وقۋ تاۋىسقاندار قاتارلى جاستاردىڭ جۇمىستانۋ قابىلەتىن جوعارىلاتۋىنا كومەكتەسۋ ءۇشىن جۇمىستانۋ الدىنداعى ۇيرەنۋ ورىندارىنان ميلليوننان استامىن توپتاۋ جوسپارىن جالعاستى اتقارۋدى ۇيعاردى.
«ۇقتىرۋدا» مىنالار ايقىندالعان: جوعارى مەكتەپتەن وقۋ تاۋىسقان ەكى جىلدان بەرى جۇمىستانباعاندار مەن 16 جاستان 24 جاسقا دەيىنگى ارالىقتاعى جۇمىسسىز جاستارعا نازاردى شوعىرلاندىرىپ، بۇكىل جىل بويى جۇمىستانۋ الدىنداعى ۇيرەنۋگە ارنالعان قىزمەت ورىندارىنان ميلليوننان استامىن توپتاپ، جۇمىستانۋ الدىندا ۇيرەنۋدى قالايتىن جوعارى مەكتەپتەن وقۋ تاۋىسقاندار قاتارلى جاستاردىڭ جۇمىستانۋ الدىندا ۇيرەنۋ ورايىنا يە بولۋىنا كەپىلدىك ەتۋ كەرەك؛ جۇمىستانۋ الدىندا ۇيرەنۋگە ارنالعان قىزمەت ورىندارىن دايىنداعان ورىندارعا قوسىمشا قاراجات بەرىپ قولداۋ كورسەتۋ، جۇمىستانۋ الدىندا ۇيرەنۋگە قاتىناسۋشىلاردى قابىلداعان ورىندارعا بەلگىلەمە بويىنشا جۇمىستانۋ الدىنداعى ۇيرەنۋ ءتۇرى بويىنشا قوسىمشا قاراجات بەرۋ كەرەك. جۇمىستانۋ الدىندا ۇيرەنۋ مەرزىمى اياقتاماي تۇرىپ، جۇمىستانۋ الدىنداعى ۇيرەنۋگە قاتىناسقاندارمەن ەڭبەك توقتامىنا قول قويعان ورىنداردىڭ جۇمىستانۋ الدىنداعى ۇيرەنۋگە قاتىستى قوسىمشا قاراجات بەرۋ ساياساتىنان يگىلىكتەنەتىن ۋاقىتىن 2023 – جىلدىڭ سوڭىنا دەيىن ۇزارتۋ كەرەك.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
