جاميعا داۋلەت قىزىنىڭ وتباسى ”ەڭ سۇيىكتى وتباسى“ بولىپ سيلاندى
2023.05.17 08:52 كەلۋ قاينارى : حالىق تورابى
حالىق تورابىنىڭ 5 – ايدىڭ 16 – كۇنى بەيجيڭنەن بەرگەن حابارى (ءتىلشى مانەپ ەربول ۇلى) 5 - ايدىڭ 15 - كۇنى حالىقارالىق وتباسى كۇنى كەلۋ قارساڭىندا، ورتالىق كوميتەتتىڭ ۇگىت ءبولىمى، مەملەكەتتىك ايەلدەر بىرلەستىگى تۇتاس قوعامعا 2023 – جىلعى ”ەڭ سۇيىكتى وتباسىنىڭ“ ىزگى ىستەرىن جاريالادى.
ۋاڭ ياپيڭ، فۋ جو، لي گوشىڭ، جاڭ حۇڭ، حان شۋشيۋ، شياۋ چۇن، جاڭ كىچىڭ، حى ۋىنگو، چىن جيڭ، جاميعا داۋلەت قىزى قاتارلى 10 وتباسى داڭقپەن تاڭدالدى.
ولاردىڭ كەيبىرەۋى عارىشقا ۇشىپ، ارمانعا قانات قاعىپ، سۇيىسپەنشىلىكپەن ۇلەس قوسۋ ارقىلى وتباسى مەن مەملەكەتكە بولعان تەرەڭ سۇيسپەنشىلىكتىڭ داستانىن جازدى؛ كەيبىرەۋى قىزىل وتباسى ستيلىن جالعاستىرىپ، ”ماڭگى پارتياعا ىلەسۋ“ سىندى وتباسى تاربيەسىن ۇستاندى؛ كەيبىرەۋى جول سالىپ مەملەكەتتى كوركەيتتى، اتاسىنان نەمەرەسىنە دەيىنگى ءۇش ۇرپاق بويى تار جول، تايعاق كەشۋدى بىرگە وتكەرىپ، اۋەلگى ماقساتتى وزگەرتپەدى؛ كەيبىرەۋى مۇراگەرلىك ەتىپ، جاڭالىق اشىپ، جۇڭحۋانىڭ تاڭداۋلى ءداستۇرلى مادەنيەتىن كۇش جالعاپ قورعادى؛ كەيبىرەۋى مەملەكەت ءۇشىن شەكارانى قورعاپ، جارتى عاسىر بويى اۋىستىرماۋعا بولاتىن «شەكارا قورعاۋ بەكەتىن» قۇردى؛ كەيبىرەۋى وزگەرتۋگە ءتيىستى ەسكى سالت – سانانى سانالى تۇردە وزگەرتىپ، ”قالىڭمال الماي باقىتتى بولۋ“ دەيتىن وركەنيەتتى جاڭا سالت ورناتتى؛ كەيبىرەۋى پاك، كىرشىكسىز بولىپ، ءىس جۇزىندىك ارەكەتتەرى ارقىلى ”ادال“، ”وپالى“، ”پاك“ بولۋداي تاماشا وتباسى ستيلىن قورعادى جانە جالعاستىردى؛ ادالدىقتىڭ ءدانىن ەگىپ، استىقتان مول ءونىم الۋعا دەم بەردى؛ كەيبىرەۋى كىتاپپەن ادام تاربيەلەۋ يدەياسىن تاراتتى؛ ەل مەن جەردى ارالاپ، اقىندار ايتىسى ارقىلى ۇلتتار ىنتىماعىنا دەم بەردى. ولار سوتسياليستىك وزەكتى قۇن كوزقاراسىن بەلسەنە امالياتتا ايگىلەپ، ەڭبەك رۋحىن، كۇرەسكەرلىك رۋحتى، ٴوزىن ارناۋ رۋحىن، جاسامپازدىق رۋحىن، ۇقىپتى، ۇنەمشىل بولۋ رۋحىن بارىنشا ساۋلەلەندىرىپ، وتاندى ءسۇيۋ، وتباسىن ءسۇيۋ، ، تاتۋ – ءتاتتى بولۋ، العا باسۋ، ىزگىلىككە ۇمتىلۋ، بىرگە قۇرۋ، بىرگە يگىلىكتەنۋ سىندى سوتسياليستىك وتباسى وركەنيەتىنىڭ جاڭا سالتىن تولىق ايگىلەدى.
مۇندا شينجياڭنان كەلگەن تانىمالى اقىن جاميعا داۋلەت قىزىنىڭ وتباسى تۋرالى توقتالساق، جاميعا داۋلەت قىزىنىڭ وتباسى ۇلتتار ىنتىماعىن ادالدىقپەن امالياتتا ايگىلەۋشى. جاميعا داۋلەت قىزى مەن وتاعاسى قۇزاربەك تالاپحان ۇلى تۇرعان تۇرعىندار رايونىندا حانزۋ، قازاق، ۇيعۇر، حۇيزۋ سياقتى كوپ ۇلت شوعىرلى قونىستانعان، ”اناردىڭ دانىندەي مەكەن“ دەپ اتالعان شاعىن رايون. ءار جىلعى كوكتەم مەرەكەسى، قۇربان ايت مەرەكەسى سياقتى ءداستۇرلى مەرەكەلەردە نەمەسە كورشى - قولاڭداردىڭ ءتۇرلى توي - تومالاعىندا كوپشىلىك جاميعا داۋلەت قىزىن ولەڭ ايتىپ، قۋانىشتىڭ باسى – قاسىندا بولۋعا شاقىرىپ جاتادى.
التاي ايماعىنىڭ ايگىلى اقىنى رەتىندە 20 نەشە جىلدان بەرى قاراي، جاميعا داۋلەت قىزى مەن جۇبايى قۇزاربەك تالاپحان ۇلى قىستاقتاردى ارالاپ، اقىندار ايتىسى فورماسىمەن ءار ۇلت بۇقاراسىنا پارتيانىڭ ۇلت ساياساتىن ۇگىتتەپ، جۇڭحۋا ۇلتى ورتاق تۇلعا تانىمىن جۇرت جۇرەگىنە تەرەڭ ۇيالاتىپ، بۇقارانىڭ قىزۋ قارسى الۋىنا بولەندى. تاياۋ جىلداردان بەرى، جاميعا داۋلەت قىزى مەن جولداسى قۇزاربەك تالاپحان ۇلى نەگىزگى ساتىعا بارىپ 800 رەتتەن استام ەرىكتى ۇگىت ـ لەكسيا قيمىلىن ورىستەتىپ، 500 مىڭنان استام ادام ـ رەت يگىلىككە كەنەلىپ، ءىس جۇزىندىك ارەكەتتەرى ارقىلى ءار ۇلت وتباسىلارىنىڭ ارالاسۋىن، ىشتەسۋىن، توعىسۋىن جەبەدى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
