شي جينپيڭ ”2023. جۇڭگو شيزاڭ دامۋ تالقى مىنبەرىنە“ قۇتتىقتاۋ حاتىن جولدادى
2023.05.24 15:57 كەلۋ قاينارى : حالىق تورابى
شينحۋا اگەنتتىگى، 5 - ايدىڭ 23 - كۇنى، بەيجيڭ. 5 - ايدىڭ 23 - كۇنى مەملەكەت ءتوراعاسى شي جينپيڭ ”2023. جۇڭگو شيزاڭ دامۋ تالقى مىنبەرىنە“ قۇتتىقتاۋ حاتىن جولدادى.
شي جينپيڭ مىنالاردى اتاپ كورسەتتى: حالىقتىڭ باقىتى − ەڭ ۇلكەن ادامدىق ۇقىق، دامۋ − حالىقتىڭ باقىتىن ىسكە اسىرۋدىڭ تەتىگى. ج ك پ 18 - قۇرىلتايىنان بەرى ورتالىق ۇكىمەتتىڭ جانە بۇكىل ەل حالقىنىڭ زور كۇشپەن قولداۋىندا شيزاڭداعى ءار ۇلت كادر - جۇرتشىلىعى قاجىرلىلىقپەن كۇرەس جۇرگىزىپ، قايسارلىقپەن شايقاس جاساپ، شيزاڭنىڭ نەشە مىڭ جىلدان بەرى بۇعاۋ بولىپ كەلگەن مۇلدەم كەدەيلىك ماسەلەسىنەن تۇبەگەيلى ارىلىپ، بۇكىل ەلمەن بىرگە جاپپاي دوڭگەلەك داۋلەتتى قوعام قۇرىپ، جاندى دا جالىندى گۇلدەنىپ - كوركەيگەن جاعدايدى جارىققا شىعارۋىنا مۇمكىندىك جاراتتى.
شي جينپيڭ بىلاي دەپ دارىپتەدى: جۇڭگو ۇلگىسىندەگى وسىزامانداندىرۋدى ىلگەرىلەتۋدىڭ جاڭا ساپارىندا شيزاڭنىڭ جاڭا دامۋ ۇستانىمىن تولىق، ءدال، جاپپاي دايەكتىلەندىرىپ، ساپالى دامۋدى جەدەل ىلگەرىلەتىپ، ىنتىماقتى، باي، وركەنيەتتى، جاراسىمدى، كورىكتى سوتسياليستىك وسىزاماندانعان جاڭا شيزاڭ قۇرۋعا قۇلشىنىپ، حالىقتىڭ اناعۇرلىم باقىتتى، تاماشا تۇرمىس كەشىرۋىنە مۇمكىندىك جاساۋىن ءۇمىت ەتەمىن.
”2023. جۇڭگو شيزاڭ دامۋ تالقى مىنبەرىن“ مەملەكەتتىك كەڭەستىڭ اقپارات كەڭسەسى مەن شيزاڭ اۆتونوميالى رايوندىق حالىق ۇكىمەتى بىرلەسىپ وتكىزدى، نەگىزگى تاقىرىبى ”جاڭا ءداۋىر، جاڭا شيزاڭ، جاڭا جورىق − شيزاڭنىڭ ساپالى دامۋىنىڭ جانە ادامدىق ۇقىقتى قامتاماسىز ەتۋىنىڭ جاڭا تاراۋى“ بولدى، 5 - ايدىڭ 23 – كۇنى بەيجيڭدە اشىلدى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
