قاتاڭ سوققى بەرەدى! ەمتيحانعا ساياتىن زاڭعا قايشى قىلمىستىق ارەكەتتەرگە قاتاڭ سوققى بەرىپ، جوعارى مەكتەپ ەمتيحانىنىڭ حاۋىپسىزدىگىن قورعايدى
2023.06.06 17:52 كەلۋ قاينارى : حالىق تورابى
قوعام حاۋىپسىزدىگى مينيسترلىگىنىڭ ”2023 توراپتى تازارتۋ“ ارناۋلى قيمىلى مەن مەملەكەتتىك وقۋ – اعارتۋ ءبىرتوتاس ەمتيحان قىزمەتىنىڭ مينيسترلەر ارا بىرىككەن ءماجىلىسىنىڭ ءبىرتۇتاس ورنالاستىرۋىنا ساي، 2023 - جىلدان بەرى، بۇكىل ەلدەگى قوعام حاۋىپسىزدىگى ورگاندارى وقۋ - اعارتۋ سياقتى تاراۋلارمەن بىرگە ەمتيحانعا ساياتىن ءتۇرلى زاڭعا قايشى قىلمىستىق ارەكەتتەرگە قاتاڭ سوققى بەرۋدىڭ تەگەۋرىندى كۇيىن ۇزدىكسىز ساقتاپ، ەمتيحاندا قارالىق ىستەۋگە ۇيىمداستىرعان جانە جاسىرىن تىڭداۋ، جاسىرىن سۋرەتكە الۋ ارناۋلى جابدىقتارىن زاڭسىز وندىرگەن، ساتقان زاڭعا قايشى قىلمىس وتكىزگەندەردى زاڭ بويىنشا قاتاڭ جازالادى. جوعارى مەكتەپ ەمتيحانى قارساڭىندا، جەر - جەردەگى قوعام حاۋىپسىزدىگى ورگاندارى ەمتيحاندا قارالىق ىستەۋگە ۇيىمداستىرۋ دەلولارى مەن ەمتيحانعا ساياتىن الدامشىلىق دەلولارىنان ءبىر توبىن اشكەرەلەدى.
قوعام حاۋىپسىزدىگى ورگاندارى، وقۋ - اعارتۋ تاراۋلارى مىنانى ەسكەرتەدى: ەمتيحان بەرەتىن وقۋشىلار قول تەلەفون قاتارلى ەلەكتروندى اسپاپتاردى الىپ ەمتيحان مايدانىنا كىرمەۋى، ەمتيحان تارتىبىنە قايشى كەلمەۋى كەرەك؛ جوعارى مەكتەپ ەمتيحانىنىڭ سۇراۋىن، جاۋبىن توراپتا ساتۋ سياقتىعا سەنىپ الدانىپ قالۋدان ساقتانۋ كەرەك. مەملەكەتتىك وقۋ - اعارتۋ ەمتيحانىندا ەمتيحان بەرۋشىلەردى قارالىق ىستەۋگە ۇيىمداستىرىپ، ەمتيحان بەرۋشىلەردى ەمتيحان سۇراۋلارىمەن، جاۋاپتارىمەن قامداۋ، ەمتيحان بەرۋشىلەردىڭ ورنىنا ەمتيحان بەرۋ، سىمسىز قارالىق ىستەۋ اسپاپتارىن ساتۋ، پايدالانۋ سياقتى ارەكەتتەر مەملەكەتتىڭ وقۋ - اعارتۋ ەمتيحانىنىڭ حاۋىپسىزدىگىنە اۋىر زيان جەتكىزىپ، ەمتيحان بەرۋشىلەردىڭ زاڭدى ۇقىق - مۇددەسىنە قول سۇعىپ، قوعامدىق ادىلدىكتى، تەڭدىكتى ٴبۇلدىرىپ، ەمتيحاندا قارالىق ىستەۋگە ۇيىمداستىرۋ قىلمىس كۇمانى، ەمتيحان جاۋابىن زاڭسىز ساتۋ، بەرۋ قىلمىسى، ەمتيحاندا قارالىق ىستەۋ قىلمىسى، ۇرلاپ تىڭداۋ، جاسىرىن سۋرەتكە الۋ اسپاپتارىن زاڭسىز ءوندىرۋ، ساتۋ، پايدالانۋ قىلمىسى، زاڭسىز تيجارات جۇرگىزۋ قىلمىسى جانە سىمسىز تەلەگراف حابارلاسۋىن باسقارۋ ءتارتىبىن بىلىقتىرۋ قىلمىسى قاتارلى قىلمىستار تاعىلادى. مەملەكەتتىك وقۋ - اعارتۋ ەمتيحانىندا قارالىق ىستەگەن ەمتيحان بەرۋشىلەر مەملەكەتتىك وقۋ - اعارتۋ ەمتيحان ءتارتىبىن اۋىر دارەجەدە بۇلدىرگەن بولىپ «وقۋ - اعارتۋ زاڭىنا» قايشىلىق جاسادى دەگەن كۇمان تاعىلادى. قوعام حاۋىپسىزدىگى ورگاندارى مەن وقۋ - اعارتۋ تاراۋلارى ەمتيحانعا ساياتىن قىلمىستارعا استە جول بەرمەۋ پوزيتسياسىن ۇزدىكسىز ساقتاپ، ەمتيحانعا ساياتىن ءتۇرلى زاڭعا قايشى قىلمىستىق ارەكەتتەرگە زاڭ بويىنشا قاتاڭ سوققى بەرىپ، 2023 - جىلعى جوعارى مەكتەپ ەمتيحانىنىڭ حاۋىپسىزدىگىن شىنايى قامتاماسىز ەتىپ، ەمتيحان بەرگەن وقۋشىلاردىڭ زاڭدى ۇقىق - مۇددەسىن شىنايى قورعايدى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
