وقۋ – اعارتۋ مينيسترلىگى: وقىتۋشىلىق ءمورالعا جات ارەكەتتەرگە استە جول بەرمەۋ كەرەك
2023.06.07 13:58 كەلۋ قاينارى : حالىق تورابى
شينحۋا اگەنتتىگىنىڭ 6 – ايدىڭ 6 – كۇنى بەيجيڭنەن بەرگەن حابارى. وقۋ - اعارتۋ مينيسترلىگى جەر - جەردەن، مەكتەپتەردەن وقىتۋشىلىق ءمورال ۇيرەنۋ تاربيەسىن كۇشەيتىپ، وقىتۋشىلىق ءمورالعا قايشىلىق جاساۋعا ”استە كەشىرىم ەتپەۋگە“ تاباندى بولىپ، ءىشىنارا ”جۇرتتى زيانداۋشىلاردى“ وقىتۋشىلار قوسىنىنان باتىل الاستاۋدى تالاپ ەتتى.
بۇل ءتىلشىنىڭ 6 – ايدىڭ 6 – كۇنى وقۋ ـ اعارتۋ مينيسترلىگى اشقان وقىتۋشىلىق ءمورال، ۇستازدىق ستيل قۇرىلىسى قىزمەتىن ىلگەرىلەتۋ جانە وقىتۋشىلىق ءمورال شوعىرلى ۇيرەنۋ تاربيەسىن باستاۋ، ورنالاستىرۋ ماجىلىسىنەن ۇعىسقان ينفورماتسياسى.
وقۋ – اعارتۋ مينيسترى حۋاي جينپىڭ ماجىلىستە بىلاي دەدى: قازىرگە دەيىن وقۋ – اعارتۋ مينيسترلىگى وقىتۋشىلاردىڭ كاسىپتىك ولشەمىنە قايشىلىق جاساعان 12 توپتاعى 86 تيپتىك دەلونى جاريالادى. بيىل وقىتۋشىلىقپەن شۇعىلداۋشىلاردى كاسىپپەن شۇعىلدانۋدان بۇرىن تەكسەرۋ ءتۇزىمى جاپپاي جالپىلاستىرىلادى، جەر ـ جەر، مەكتەپتەر جاڭادان قىزمەتكە شىققان وقىتۋشى ـ قىزمەتكەرلەردى تەكسەرىپ كورۋدى جاپپاي قامتۋى كەرەك. بۇل وقىتۋشىلىق ءمورالدىڭ بەلگىلەمەگە قايشى قارا تىزىمدىك ءتۇزىمىنىڭ جاپپاي ورناعاندىعىنان، وقىتۋشىلىق ءمورالعا اۋىر قايشىلىق جاساعانداردىڭ تۇتاس كاسىپ سالاسىنا كىرۋىنە تيىم سالىنعاندىعىنان دەرەك بەرەدى.
وقۋ – اعارتۋ مينيسترلىگى مىنانى ورتاعا قويدى: وقىتۋشىلىق ءمورال، ۇستازدىق ستيلدى ءبىرىنشى ورىنعا قويۋ ولشەمىنە تاباندى بولىپ، پەداگوگيكا وقۋشىلارىن تاربيەلەۋ، جاڭا وقىتۋشىلاردى قىزمەتكە قابىلداۋ تاربيەسى جانە قىزمەتتەگى وقىتۋشىلاردى كەزەكپەن تاربيەلەۋ بارىسىندا وقىتۋشىلىق ءمورالدى، ۇستازدىق ستيلدى باستى ساباق جانە مىندەتتى وقىتۋ مازمۇنى ەتۋ كەرەك. ءار دارەجەلى، ءار ءتۇرلى وقىتۋشىلاردى باسقارۋ بارىسىندا وقىتۋشىلىق ءمورالدى، ۇستازدىق ستيلدى وقىتۋشىلاردى قابىلداۋ، ەنگىزۋ، اتاق باعالاۋ، قىزمەت ورنىنا ۇسىنىس ەتۋ، جەتەكشى تاڭداۋ، ۇزدىكتەردى باعالاۋ، سيلاۋ، ۇسىنىسپەن ىستەتۋ مەزگىلىندەگى باعالاۋ، نىسانداردى ءوتىنىش ەتۋ سياقتى قىزمەتتەردىڭ باستى تالابى ەتۋ كەرەك.
سونىمەن بىرگە، وقۋ ـ اعارتۋ مينيسترلىگى وقىتۋشىلاردىڭ ورىندى ۇقىق ـ مۇددەسىن باتىل قورعاپ، جالعان اشكەرەلەۋ جانە اتىنا داق سالۋ سياقتى ارەكەتتەردى قاتىستى تاراۋلارمەن بىرگە باتىل تەكسەرىپ ءبىر جاقتى ەتىپ، وقىتۋشىلاردىڭ كاسىپتىك وبرازىن باتىل قورعاپ، وقىتۋشىلاردىڭ ار ـ نامىسىن كۇشەيتىپ، تۇتاس قوعامدا وقىتۋشىلاردى قۇرمەتتەپ، وقۋ ـ اعارتۋعا ءمان بەرەتىن تاماشا اۋقىم قالىپتاستىرۋدى تالاپ ەتتى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
