باعاسى ورتا ەسەپپەن %80 تەن استام ارزاندايدى! بۋىن سۇيەك سەمەنتى تۇرىندەگى ەمدەۋ ماتەريالدارىن شوعىرلى، مولشەرلى ساتىپ الۋعا باعا بەلگىلەۋ ناتيجەسى جاريالاندى
2023.06.12 14:43 كەلۋ قاينارى : حالىق تورابى
بەيجيڭ - تيانجين - حىبەي ”N+3“ بىرلەستىگى بۋىن سۇيەك سەمەنتى تۇرىندەگى ەمدەۋ ماتەريالدارىن شوعىرلى، مولشەرلى ساتىپ الۋعا باعا بەلگىلەۋ ناتيجەسى 6 - ايدىڭ 8 - كۇنى تيانجيندە رەسمي جاريالانىپ، تاڭداۋ ناتيجەسى جارىققا شىقتى.
وسى رەتكى ساتىپ الۋعا ەلىمىز بويىنشا 31 ولكە (اۆتونوميالى رايون، توتە قاراستى قالا) جانە شينجياڭ ءوندىرىس - قۇرىلىس بيڭتۋانىنداعى 4762 ەمدەۋ قۇرىلىمى قاتىناستى، كەلىسىمشارت بويىنشا ساتىپ الۋ مولشەرى شامەمەن 640 مىڭ نەگىزدىك قوراپ بولىپ، بىرلەستىكتەگى وڭىرلەردىڭ بۋىن سۇيەك سەمەنتىنە بولعان جالپى قاجەتسىنۋ مولشەرىنىڭ %95 ىن ۇستادى، بۇعان ساياتىن بازارلىق قۇنى ءبىر ميلليارد 21 ميلليون يۋان بولدى. شوعىرلى ساتىپ الۋ باعاسى ورتا ەسەپپەن %83.13 تومەندەپ، كەلىسىمدەگى ساتىپ الۋ مولشەرى بويىنشا ەسەپتەگەندە، ءار جىلى شامامەن 853 ميلليون يۋان قاراجات ۇنەمدەۋگە بولادى. وسى رەتكى شوعىرلى ساتىپ الۋعا جيىنى 9 كاسىپورىن قاتىناسقان، بارلىعى دا تاڭداۋ تولىمدىلىعىنا يە بولعان.
بۋىن سۇيەك سەمەنتى — سۇيەككە وپەراتسيا جاساۋ بارىسىندا ورنىقتىرۋعا قولدانىلاتىن جاساندى بۋىن ماتەريالى، جۇڭگودا جىلىنا شامامەن ءبىر ميلليونداي ناۋقاس بۋىن سۇيەك سەمەنتىنەن جانە قاتىستى ونىمدەردەن پايدالانادى. 2018 - جىلدىڭ وزىندە - اق، ەلىمىزدە سۇيەك سەمەنتىنەن پايدالانىپ بۋىنعا جانە ومىرتقاعا وپەراتسيا جاساۋ مولشەرى ءبىر ميلليون رەتتەن اسقان، جۋىرداعى جىلداردان بەرى وپەراتسيا مولشەرى جىلىنا %20 - %30 ارتۋ مولشەرىن ساقتاۋدا، بازاردىڭ كومەسكى قۋاتى وتە زور. بۋىن سۇيەك سەمەنتىن ساتىپ الۋ مەملەكەتتىڭ جاساندى بۋىندى شوعىرلى، مولشەرلى ساتىپ الۋ كەلىسىمشارتى مەرزىمى ىشىندە ورىستەتىلىپ، جوعارى مەن تومەن سەلبەسەتىن، سايكەسە ىلگەرىلەتەتىن قىزمەت اۋقىمى قالىپتاستى، وسى رەتكى ساتىپ الۋ بارىسىندا مەملەكەتتىڭ جاساندى بۋىندى شوعىرلى ساتىپ الۋىنا قاتىستى ونىمدەرگە تولىقتىرۋ جاساۋ ورىندالدى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
