مەملەكەتتىك تاسقىننان ساقتانۋ باس قولباسشىلىق شتابى تاسقىننان ساقتانۋدىڭ 4 – دارەجەلى شۇعىل جاعدايعا توتەپ بەرۋ كولەمىن 8 ولكەگە كەڭەيتتى
2023.06.19 15:12 كەلۋ قاينارى : حالىق تورابى
شينحۋا اگەنتتىگىنىڭ 6 – ايدىڭ 18 – كۇنى بەرگەن حابارى. ءتىلشىنىڭ 6 - ايدىڭ 18 - كۇنى شۇعىل جاعدايعا توتەپ بەرۋدى باسقارۋ مينيسترلىگىنەن ۇعىسۋىنشا، مەملەكەتتىك تاسقىننان ساقتانۋ باس قولباسشىلىق شتابى سول كۇنى گۋاڭشي مەن جياڭسۋعا قاراتا تاسقىننان ساقتانۋ 4 - دارەجەلى شۇعىل جاعدايعا توتەپ بەرۋ ۇندەۋىن ىسكە قوسىپ، جىجياڭ، انحۇي، جياڭشي، حۋبەي، حۋنان، گۇيجوۋ ولكەلەرىنە باعىتتالعان تاسقىننان ساقتانۋ 4 - دارەجەلى شۇعىل جاعدايعا توتەپ بەرۋ ۇندەۋىن جالعاستى ساقتاعان. مەملەكەتتىك تاسقىننان ساقتانۋ باس قولباسشىلىق شتابىنىڭ كەڭسەسى ەكى قىزمەت گرۋپپاسىن حۋنان، حۋبەيگە جانە جياڭشي، انحۇي ولكەلەرىنە جەرگىلىكتى ورىنداردىڭ تاسقىننان ساقتانۋ قىزمەتىن ورىستەتۋىنە كومەكتەسۋگە جانە جەتەكشىلىك ەتۋگە جىبەردى.
شۇعىل جاعدايعا توتەپ بەرۋدى باسقارۋ مينيسترلىگى 6 – ايدىڭ 18 – كۇنى تاسقىننان ساقتانۋ ارناۋلى تاقىرىپتىق بەينە ەكران اقىلداسۋ - ورنالاستىرۋىن ۇيىمداستىرىپ، جۇڭگو اۋا رايى مەكەمەسىمەن، سۋ يگىلىگى مينيسترلىگىمەن بىرلەسىپ جاۋىن ـ شاشىن، تاسقىن جاعدايىنىڭ دامۋ بەتالىسىن تۇجىرىمداپ، حۋبەي، جياڭشي، حۋنان، انحۇي، جىجياڭ، گۇيجوۋ سياقتى ولكەلەردىڭ تاسقىننان ساقتانۋ جۇمىستارىن ورنالاستىرىپ، ءتۇيىندى وڭىرلەردىڭ تاسقىننان ساقتانۋ، اپاتتان قۇتقارۋ قىزمەتىن ەگجەي ـ تەگجەيلى ورنالاستىردى.
مەملەكەتتىك تاسقىننان ساقتانۋ باس قولباسشىلىق شتابىنىڭ كەڭسەسى شاڭحاي، جياڭسۋ، جىجياڭ، انحۇي، جياڭشي، حىنان، حۋبەي، حۋنان، گۋاڭشي، چۇڭچيڭ، سىچۋان، گۇيجوۋ، يۇننان قاتارلى ولكەلەردىڭ تاسقىننان ساقتانۋ قولباسشىلىق شتابىنا ۇقتىرۋ شىعارىپ، جەرگىلىكتىڭ اكىمشىلىك باستعى جاۋاپتى بولۋ ٴتارتىبىن وزەك ەتكەن تاسقىننان ساقتانۋ جاۋاپكەرشىلىگىن جالپى بەتتىك ناقتى تياناقتاندىرۋدى تالاپ ەتتى. دالمە - ءدال باقىلاۋ ـ تەكسەرۋ، الدىن الا مالىمەت بەرۋ جانە اقىلداسىپ تۇجىرىم جاساۋدى كۇشەيتىپ، ”ءۇن قوسۋ“ مەحانيزمىن ويداعىداي تياناقتاندىرىپ، حاۋىپ ـ قاتەردەن ساقتاندىرۋ ينفورماتسياسىن نەگىزگى ساتىداعى جاۋاپتى ادامعا دەر كەزىندە جەتكىزۋگە شىنايى كەپىلدىك ەتىپ، ساقتاندىرۋ مەن شۇعىل جاعدايعا توتەپ بەرۋ بويىنشا بىرلەسىپ قيمىلداۋ شارالارىن كۇشەيتىپ، تاۋ تاسقىنى مەن گەولوگيالىق اپاتتىڭ، ورتاشا، شاعىن وزەن اعارلارىنىڭ تاسقىن سۋىنان جانە قالا ىشىندەگى سۋ اپاتىنان قاتاڭ ساقتانىپ، حاۋىپ ـ قاتەرگە ۇشىراعان بۇقارانى باتىل تۇردە الدىن الا كوشىرىپ، قاتەردەن اراشالاۋ، قۇتقارۋ، كومەك بەرۋ ىستەرىن بار كۇشپەن ۇيىمداستىردى.
اۋا رايى تاراۋلارىنىڭ مالىمەتىنە قاراعاندا، الداعى 10 كۇندە چاڭجياڭنىڭ وڭتۇستىگى مەن وڭتۇستىك جۇڭگو قاتارلى جەرلەردە جاۋىن - شاشىن كوپ بولادى، بۇرىنعى جىلداردىڭ ۇقساس مەزگىلىمەن سالىستىرعاندا، جياڭسۋ، انحۇي ولكەلەرىنىڭ وڭتۇستىك بولەگى، جىجياڭنىڭ باتىس بولەگى، جياڭشيدىڭ ورتا سولتۇستىك بولەگى، حۋنان، گۋاڭشيدىڭ ورتا سولتۇستىك بولەگى، گۇيجوۋدىڭ وڭتۇستىك بولەگى، يۇنناننىڭ باتىس بولەگى سياقتى جەرلەردىڭ ءبىر ءبولىم رايوندارىندا جاۋىن - شاشىن مولشەرى كوبىرەك بولادى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
