مىنا داشۋەلەردىڭ بارلىعى تولىمسىز داشۋەلەر، وقىعانىڭىزبەن پايداسى جوق!
2023.06.27 14:58 كەلۋ قاينارى : حالىق تورابى
وقۋشىلار مەن اتا - انالار كوڭىل بولىڭىزدەر! جۇڭگو پوچتا داشۋەسى، ورتا جۇڭگو ونەركاسىپ - ساۋدا شۋەيۋانى، حۋبەي ونەركاسىپ - ساۋدا داشۋەسى قاتارلى ”اتاعى الاتاۋداي كورىنەتىن“ داشۋەلەردى ەستىگەن بە ەدىڭىز؟ بۇل داشۋەلەردەن وقىعانىڭىزبەن ەشقانداي پايداسى جوق، ويتكەنى، ولاردىڭ بارلىعى تولىمسىز داشۋەلەر.
”تولىمسىز داشۋەلەر“ قۇرىلعان كەزدە پايدا تابۋدى ماقسات ەتەدى، ادەتتە ايگىلى داشۋەلەردىڭ اتىمەن وڭاي شاتىستىرىپ الاتىنداي ات قويادى، ەستىگەن ادامعا ”ايگىلى“ داشۋە سياقتى اسەر بەرەدى، وسىنداي شاتىستىرۋ تاسىلىنەن پايدالانىپ وقۋشى قابىلدايدى.
وسى جونىندە وقۋ - اعارتۋ مينيسترلىگى ەمتيحان بەرگەن بارشا وقۋشىلار مەن اتا - انالارعا ”توتە جولمەن داشۋەگە قابىلدانۋعا بولادى“، ”تالاپ كەستەسىن تولتىرۋدىڭ دا قاجەتى جوق“، ”تومەن ءنومىر العانداردىڭ دا ايگىلى مەكتەپتەن وقۋىنا بولادى“ دەگەن جالعان سوزدەردىڭ بارلىعىنا سەنبەۋدى ەسكەرتەدى.وقۋ - اعارتۋ مينيسترلىگى مىنانى ەسكەرتەدى: جوعارى مەكتەپكە ەمتيحان بەرۋگە تىزىمدەلگەندە نەمەسە جوعارى مەكتەپتىڭ وقۋعا قابىلداۋ ۇقتىرۋىن تاپسىرىپ العان كەزدە، ءسوزسىز، ”ءۇشتى سالىستىرىپ تەكسەرۋدى“ ويداعىداي ىستەۋ كەرەك.
بىرىنشىدەن، مەكتەپتى سالىستىرىپ تەكسەرۋ. 2022 - جىلى مەملەكەت بويىنشا جاي جوعارى مەكتەپتەرگە وقۋشى قابىلداۋ تولىمدىلىعىنا يە بولعان جوعارى مەكتەپتەردىڭ سانى جيىنى 2759 مەكتەپ، تىزىمدىگى وقۋ - اعارتۋ مينيسترلىگىنىڭ ۇكىمەتتىك رەسمي تورابىندا جانە ”微言教育“ اتتى رەسمي ۋيچات تەكشەسىندە جاريالانعان. ەمتيحان بەرگەن وقۋشىلار مەن اتا - انالار رەسمي توراپقا شىعۋ (جالعانىمى: https://hudong.moe.gov.cn/qggxmd/) نەمەسە ”微言教育“ اتتى رەسمي ۋيچات تەكشەسىنە (ۋيچات ءنومىرى: jybxwb) كىرۋ ارقىلى ”جوعارى مەكتەپتەردىڭ تىزىمدىگى“ دەگەن ايدارشادان ىزدەۋ ارقىلى سالىستىرىپ كورۋىنە بولادى.
ەكىنشىدەن، تالاپ كەستەسىن تولتىرۋ جۇيەسىنەن سالىستىرىپ تەكسەرۋ. ءارقايسى ولكە دارەجەلى وقۋشى قابىلداۋ قۇرىلىمدارى جوعارى مەكتەپكە وقۋشى قابىلداۋ تولىمدىلىعىنا يە ءارى سول ولكەدەن وقۋشى قابىلدايتىن جوعارى مەكتەپتەردى تۇگەلدەي تالاپ كەستەسىن تولتىرۋ جۇيەسىنە ەنگىزەدى. ەمتيحان بەرگەن وقۋشىلار، ءسوزسىز، ەمتيحان بەرگەن جەرىندەگى ولكە دارەجەلى جوعارى مەكتەپتەرگە وقۋشى قابىلداۋداعى تالاپ كەستەسىن تولتىرۋ جۇيەسىندەگى جوعارى مەكتەپتەر مەن كاسىپتەردى تاڭداۋى كەرەك ءارى سولاردى عانا تاڭداي الادى.
ۇشىنشىدەن، وقۋعا قابىلداۋ ۇقتىرۋىن سالىستىرىپ تەكسەرۋ. ەمتيحان بەرگەن وقۋشىلار مەن ولاردىڭ اتا - انالارى جوعارى مەكتەپتەر جولداعان وقۋشى قابىلداۋ ۇقتىرۋىن تاپسىرىپ العان سوڭ، ەمتيحان بەرگەن جەردەگى ولكە دارەجەلى وقۋشى قابىلداۋ، ەمتيحان الۋ قۇرىلىمدارىنىڭ رەسمي تورابى ارقىلى وقۋعا قابىلداۋ جاعدايىن سالىستىرىپ تەكسەرۋىنە بولادى.
كەلۋ قاينارى: حالىق تورابى
مىنا داشۋەلەردىڭ بارلىعى ”تولىمسىز داشۋەلەر“، كوپشىلىكتىڭ بارىنشا نازار اۋدارعانى ءجون.
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
