شينجياڭ اۋىل - قىستاقتاعى دارەتحانالاردى وزگەرتۋدى ورنىقتى، ءتارتىپتى ىلگەرىلەتەدى
بيىل جاڭادان 35 مىڭ دارەتحانا سالىپ بولۋدى جوسپارلادى
2023.06.27 15:10 كەلۋ قاينارى : حالىق تورابى
 |
سۋرەتتە: وڭتۇستىك شينجياڭداعى ءارقايسى اۋدان، قالالارداعى جاۋاپتىلار باي اۋدانىنداعى اۋىل - قىستاقتاعى دارەتحانالاردى وزگەرتۋگە ناقتى جاتتىقتىرۋ بازاسىن كورۋدە. انار بۇلت \ شينجياڭ گازەتىنىڭ ءتىلشىسى ساۋ حۋا فوتوسى
|
انار بۇلت \ شينجياڭ گازەتىنىڭ ءتىلشىسى ساۋ حۋا حابارلايدى. ءتىلشىنىڭ جۋىردا شينجياڭ ۇيعۇر اۆتونوميالى رايونىندا اشىلعان ۋىل - قىستاقتاعى قونىستانۋ ورتاسىن جونگە سالۋ جانە جوعارى ولشەمدى اتىز قۇرىلىسى (مەملەكەت بويىنشا توپىراققا ءۇشىنشى رەت جاپپاي تەكسەرۋ جۇرگىزۋ) جونىندەگى وڭتۇستىك شينجياڭ اۋماعىنداعى جۇمىس باسىنداعى ىلگەرىلەتۋ ماجىلىسىنەن ۇعىسۋىنشا، شينجياڭ ساننان گورى ساپاعا ءمان بەرۋگە، قارقىننان گورى ناقتى ناتيجەگە ءمان بەرۋگە تاباندى بولىپ، تەز بىتىرۋگە ەمەس، جاقسى بىتىرۋگە تالپىنۋ پرينسيپى بويىنشا، اۋىل - قىستاقتاعى دارەتحانالاردى وزگەرتۋدى ورنىقتى، ءتارتىپتى ىلگەرىلەتەدى. 2023 - جىلى اۆتونوميالى رايون بويىنشا جاڭادان 35 مىڭ دارەتحانا سالىپ بولۋدى، تولىمسىز بولعان 205 مىڭ دارەتحانانى وزگەرتىپ سالۋدى جوسپارلاعان.
اۋىل - قىستاقتاعى دارەتحانانى وزگەرتۋ — قونىستانۋعا، شارۋاشىلىق قۇرۋعا جايلى، جاراسىمدى دا كورىكتى اۋىل - قىستاق قۇرۋدىڭ ماڭىزدى مازمۇنى، مىڭداعان، ون مىڭداعان وتباسىلاردىڭ مۇددەسىنە سايادى. 2022 - جىلى شينجياڭدا اۋىل - قىستاقتاردا جيىنى 61 مىڭ دارەتحانا جاڭادان سالىنعان، اۋىل - قىستاقتاعى تۇرمىستىق قوقسىقتاردى جيناۋ، تاسىمالداۋ، ءبىر جاقتى ەتۋ جۇيەسى جالپىلاستىرىلعان اكىمشىلىك قىستاقتاردىڭ سالىستىرماسى %90 تەن اسقان. جەر - جەر اۋىل - قىستاقتاعى تازا دارەتحانا قۇرىلىسىنا كۇش سالۋمەن بىرگە، شارۋالاردى ورتانى قورعاۋ تانىمىن ورناتۋعا، اقاۋسىز تۇرمىس ادەتىن قالىپتاستىرۋعا بەلسەندىلىكپەن جەتەلەپ، اۋىل - قىستاقتى تازارتۋ ارەكەتى مەن اۋىل - قىستاقتاعى تۇرمىستىق قوقسىقتاردى، لاس سۋدى جونگە سالۋ قاتارلىلاردى ورگانيكالى تۇردە ۇشتاستىرىپ، اۋىل - قىستاقتاردىڭ ىشكى جاقتا دا، سىرتتاي دا تۇگەل كورىكتى بولۋىن ىلگەرىلەتەدى.
كەلۋ قاينارى: حالىق تورابى
 |
باي اۋدانى چارچي قالاشىعى لانگان قىستاعى سالعان ”لاس سۋدى ءبىر جاقتى ەتۋدەگى شاعىن تيپتى پۋنكت“ قىستاق تۇرعىندارىنىڭ سۋمەن شاياتىن دارەتحانانى پايدالانۋىنا مۇمكىندىك جاراتتى. انار بۇلت \ شينجياڭ گازەتىنىڭ ءتىلشىسى ساۋ حۋا فوتوسى
|
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
