ەلىمىز ”مەملەكەتتىك ەكولوگيا كۇنىن“ بەلگىلەدى
2023.06.27 15:17 كەلۋ قاينارى : حالىق تورابى
شينحۋا اگەنتتىگىنىڭ 6 ـ ايدىڭ 26 ـ كۇنى بەيجيڭنەن بەرگەن حابارى. شي جينپيڭنىڭ ەكولوگيالىق وركەنيەت يدەياسىنىڭ بۇقارالانىپ تارالۋىن تەرەڭدەتىپ، تۇتاس قوعامنىڭ ەكولوگيالىق وركەنيەت تانىمىن جوعارىلاتىپ، جالپى حالىقتىڭ ەكولوگيالىق ورتانى قورعاۋداعى يدەيالىق سانالىلىعى مەن ارەكەت سانالىلىعىن كۇشەيتۋ ءۇشىن، ەلىمىز 8 ـ ايدىڭ 15 ـ كۇنىن مەملەكەتتىك ەكولوگيا كۇنى ەتىپ بەلگىلەدى.
مەملەكەتتىك ەكولوگيا كۇنىن بەلگىلەۋ جونىندەگى قاۋلى جوباسى 6 – ايدىڭ 26 - كۇنى 14 - كەزەكتى مەملەكەتتىك حالىق قۇرىلتايى تۇراقتى كوميتەتى 3 - ءماجىلىسىنىڭ قاراۋىنا ۇسىنىلدى. جوبانىڭ باستى مازمۇنى مەملەكەتتىك ەكولوگيا كۇنىن بەلگىلەۋدىڭ ماقساتى، مەملەكەتتىك ەكولوگيا كۇنىن بەلگىلەۋ ۋاقىتى، قيمىل مازمۇنى سياقتى ءۇش جاقتى قامتيدى.
مەملەكەتتىك كەڭەستىڭ تاپسىرۋىمەن مەملەكەتتىك دامۋ جانە رەفورمالاۋ كوميتەتىنىڭ ورىنباسار مەڭگەرۋشىسى جاۋ چىنشين ماجىلىستە جوبا جونىندە تۇسىنىك جاسادى. شي جينپيڭ جولداس جىجياڭدا قىزمەت ىستەگەن كەزىندە، 2005 ـ جىلى 8 ـ ايدىڭ 15 ـ كۇنى حۋجوۋ قالاسىنىڭ انجي اۋدانىندا قىزمەت تەكسەرىپ، ”تۇنىق سۋ، جاسىل تاۋ — باعالى بايلىق“ دەگەن عىلىمي تۇجىرىمدى تۇڭعىش رەت العا قويعان بولاتىن. جاۋ چىنشين تۇسىندىرۋدە بىلاي دەدى: بۇل تۇجىرىم ‐ شي جينپيڭنىڭ ەكولوگيالىق وركەنيەت يدەياسىنىڭ وزەكتى ۇستانىمى، 8 – ايدىڭ 15 – كۇنى مەملەكەتتىك ەكولوگيا كۇنى ەتىپ بەلگىلەۋ ەسكە ءتۇسىرۋ كۇنىن، قيمىل كۇنىن بەلگىلەۋدىڭ نەگىزگى پرينسيبىنە ءبىرشاما ۇيلەسەدى، العاشقى جاسامپازدىق، بەلگىلىك، دارالىق سيپاتى تولىق ايگىلەنەدى.
قاۋلى جوباسىندا بىلاي دەپ اتاپ كورسەتىلدى: پارتيا 18 ـ قۇرىلتايىنان بەرى، شي جينپيڭنىڭ ەكولوگيالىق وركەنيەت يدەياسىنىڭ جەتەكشىلىگىندە، ەلىمىزدىڭ ەكولوگيالىق ورتاسىن قورعاۋدا تاريحي سيپاتتى، بۇرىلىس سيپاتتى، جالپى جاعداي سيپاتتى وزگەرىستەر تۋىلىپ، ەكولوگيالىق وركەنيەت قۇرىلىسىندا كۇللى الەمدى جالت قاراتقان تابىستارعا قول جەتىپ، حالىق بۇقاراسىنا كۇشتى تابىس سەزىمى مەن باقىت سەزىمىن سيلاپ، ادام مەن تابيعاتتىڭ جاراسىمدى، قاتار ءومىر ءسۇرۋىنىڭ بۇكىل پارتيانىڭ، بۇكىل قوعامنىڭ ورتاق تانىمىنا اينالۋىن پارمەندى ىلگەرىلەتىپ، ”تۇنىق سۋ، جاسىل تاۋ — باعالى بايلىق“ بۇكىل ەلدەگى ءار ۇلت حالقىنىڭ ورتاق ۇستانىمىنا اينالىپ، جاسىل، اينالمالى، تومەن كومىر قىشقىل گازدى دامۋ جەر - جەردىڭ، تاراۋلاردىڭ ورتاق ارەكەتىنە اينالدى.
قاۋلى جوبادا 8 – ايدىڭ 15 - كۇنىن مەملەكەتتىك ەكولوگيا كۇنى ەتىپ بەلگىلەۋ ورتاعا قويىلدى. مەملەكەت الۋان ءتۇرلى فورمالار ارقىلى ەكولوگيالىق وركەنيەت جونىندەگى ۇگىت - تاربيە قيمىلىن ورىستەتەدى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
