بيىل جەدەل جەتكىزۋ كاسىبىنىڭ مولشەرى 60 ميلليارد داناعا جەتتى (جاڭا ساندى مالىمەت، جاڭا ءتۇيىن)
2023.06.27 16:22 كەلۋ قاينارى : حالىق تورابى
«حالىق گازەتى»، 6 - ايدىڭ 26 - كۇنى، بەيجيڭ (ءتىلشى حان شين)، مەملەكەتتىك پوچتا مەكەمەسىنىڭ باقىلاپ – ولشەۋ ساندى مالىمەتىندە كورسەتىلۋىنشە، 6 - ايدىڭ 24 - كۇنىنە دەيىن ەلىمىزدىڭ بيىلعى جەدەل جەتكىزۋ كاسىبىنىڭ مولشەرى 60 ميلليارد داناعا جەتىپ، 2019 – جىلى 60 ميلليارد داناعا جەتۋدەن 172 كۇن بۇرىن، 2022 – جىلداعىدان 34 كۇن بۇرىن بولعان. بيىل جىل باسىنان بەرى ەلىمىزدىڭ جەدەل جەتكىزۋ كاسىبىنىڭ مولشەرى ۇزدىكسىز جوعارىلاپ، كاسىپ سالاسىنىڭ دامۋىنىڭ پارمەندى سەرپىمدىلىگىن ايگىلەدى ءارى ەلىمىزدىڭ تۇتىنۋ بازارىنىڭ ۇزدىكسىز قالپىنا كەلۋ نەگىزىنىڭ وزگەرمەگەنىن، تۇتىنۋ كولەمى كەڭەيۋ، قۇرىلىمدىق دارەجەسى جوعارىلاتۋ جاعدايىنىڭ ءالى دە جالعاسىپ وتىرعانىن ايگىلەدى.
6 - ايدان بەرى كوپتەگەن ەلەكتروندى ساۋدا تۇعىرى جىل ورتاسىنداعى ساتۋدى جەبەۋ قيمىلىن ىركەس - تىركەس باستاپ، جەدەل جەتكىزۋ كاسىبىنىڭ جاڭا كەزەكتى ارتۋىن جەبەدى. ساندى مالىمەتتە كورسەتىلۋىنشە، 6 - ايدىڭ 1 – كۇنىنەن 18 – كۇنىنە دەيىن ەلەكتروندى ساۋدانى بارىنشا جەبەۋ مەزگىلىندە جەدەل جەتكىزۋ كۇندىك ورتاشا كاسىپ مولشەرى 400 ميلليوننان اسىپ، بازار كولەمى اناعۇرلىم كەڭەيگەن.
اينالىم جاعدايىنىڭ جاقسى بولۋى جەدەل جەتكىزۋ كاسىبىندە جاڭا كاسىپتەردى بەلسەنە كەڭەيتۋگە، جاڭا سۇرانىستى اشۋعا بايلانىستى. جاز كىرگەننەن بەرى ليجى، شيە، ۇساق تەڭىز شايانى، بالمۇزداق، وڭدەلگەن كوكونىس سياقتى ونىمدەردى جەتكىزۋ قاجەتى قاۋىرت ارتىپ، جەدەل جەتكىزۋ كاسىپورىندارى سۋىق تىزبەكتى جابدىق قۇرىلعىلارىنا قوسىلىمدى ارتتىرىپ، قوراپتاۋدىڭ اناعۇرلىم ارناعا ءتۇسۋىن، قۇرلىق پەن اۋە تاسىمالىن ۇشتاستىرۋدى ىلگەرىلەتىپ، جاسىل ارنا اشىپ، ءوندىرۋ مەن ساتۋدىڭ ەكى باسىنا دەيىن ۇزارتىلعان ءبىر بەكەتتىك جالپىلىق قىزمەت وتەۋدى شەشۋ جوباسىن ازىرلەدى.
ەل ىشىندەگى تۇتىنۋ بازارىنىڭ جەدەل قالپىنا كەلۋىنە دەم بەرۋمەن بىرگە، جەدەل جەتكىزۋ كاسىپورىندارى شەكارا سىرتىنداعى توراپتاردى، شەتەلدەگى قامبالاردى ۇزدىكسىز كەمەلدەندىرىپ، جاڭاشا سىرتقى ساۋدا زات اينالىمى توراپ جۇيەسىن قۇرىپ، شەكارا اتتاعان تۇتىنۋ بازارىنا بەلسەنە قىزمەت وتەدى. تولىقسىز ساناققا قاراعاندا، قازىرگە دەيىن جەدەل جەتكىزۋ كاسىپورىندارىنىڭ شەتەلدەگى قامبالارى سولتۇستىك امەريكا، ەۆروپا، شىعىس وڭتۇستىك ازيا، ورتا شىعىس جانە وكەانيا سياقتى وڭىرلەردى قامتىعان.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
