شي جينپيڭ باربادوستىڭ زۇڭليى موتريمەن كەزدەستى
2023.06.28 15:08 كەلۋ قاينارى : حالىق تورابى
6 - ايدىڭ 27 - كۇنى تۇستەن كەيىن مەملەكەت ءتوراعاسى شي جينپيڭ بەيجيڭدەگى حالىق سارايىندا جۇڭگوعا رەسمي ساپارمەن كەلگەن باربادوستىڭ زۇڭليى موتريمەن كەزدەستى. سۋرەتتى شينحۋا اگەنتتىگىنىڭ ءتىلشىسى لي شۋەرىن تۇسىرگەن
شينحۋا اگەنتتىگى، 6 - ايدىڭ 27 – كۇنى، بەيجيڭ (ءتىلشى ياڭ ي – جۇن). 6 - ايدىڭ 27 – كۇنى تۇستەن كەيىن مەملەكەت ءتوراعاسى شي جينپيڭ حالىق سارايىندا جۇڭگوعا رەسمي ساپارمەن كەلگەن باربادوستىڭ زۇڭليى موتريمەن كەزدەستى.
شي جينپيڭ بىلاي دەپ اتاپ كورسەتتى: باربادوس − شىعىس كارايب وڭىرىندەگى جۇڭگومەن ەڭ ەرتە ديپلوماتيالىق قارىم - قاتىناس ورناتقان مەملەكەت ءارى جۇڭگونىڭ وسى وڭىردەگى جاقسى دوسى، جاقسى سەرىگى. جۇڭگو مەن باربادوستىڭ اراسى شالعاي بولعانىمەن، مۇراتتاس بولىپ، قول ۇستاسا العا باسىپ، ەكى جاقتى قارىم - قاتىناستى ۇزدىكسىز تەرەڭدەتتى. جۇڭگو ساپالى دامۋ ارقىلى جۇڭگو ۇلگىسىندەگى وسىزامانداندىرۋدى ىلگەرىلەتۋدە، بۇل باربادوستىڭ دامۋىنا جانە جۇڭگو - باربادوس سەلبەستىگىنە جاڭا وراي اكەلەدى، باربادوس جاقتىڭ جۇڭگونىڭ دامۋ جۇردەك پويەزىنە وتىرۋىن، جۇڭگومەن بىرگە قۇلشىنىپ اناعۇرلىم تىعىز جۇڭگو - باربادوس تاعدىرلاس ورتاق تۇلعاسىن قۇرۋىن قارسى الامىز.
شي جينپيڭ بىلاي دەپ دارىپتەدى: جۇڭگو مەن باربادوس ەلدەرى ساياسي ءوزارا سەنىمدىلىكتى تەرەڭدەتىپ، ءبىر - ءبىرىنىڭ وزەكتى مۇددەسىنە جانە كوكەيتەستى قاداعالاپ وتىرعان كەلەلى ىستەرىنە ساياتىن ماسەلەلەردە ۇزدىكسىز ءوزارا ءتۇسىنۋى جانە قولداۋى كەرەك. جۇڭگو جاق باربادوس جاقتىڭ مەملەكەتتىڭ يەلىك ۇقىعىن، تاۋەلسىزدىگىن قورعاۋىن، دامۋ جولىن دەربەس تاڭداۋىن بۇرىنعىداي قولدايدى، باربادوسپەن ۇكىمەتتەر، زاڭ شىعارۋ قۇرىلىمدارى، ساياسي پارتيالار اراسىنداعى بارىس - كەلىستى جيىلەتىپ، ەل باسقارۋ تاجىريبەلەرىن اۋىستىرۋدى كۇشەيتۋدى قالايدى. جۇڭگو مەن باربادوس وركەندەپ كەلە جاتقان ەلدەر رەتىندە، دامۋ سالاسىندا ورتاقتىقتارى كوپ، سەلبەستىك كومەسكى كۇشى زور، ەكى جاق ناقتى سەلبەستىكتى كەڭەيتىپ، ”ءبىر بەلدەۋ، ءبىر جولدى“ بىرگە قۇرۋدى وراي ەتىپ، نەگىزدىك قۇرىلعى قۇرىلىسى، سيفرلى ەكونوميكا، كليمات وزگەرىسى، جاڭا ەنەرگيا، اۋىل شارۋاشىلىعى، ەمدەۋ - دەنساۋلىق ساقتاۋ سياقتى سالالارداعى سەلبەستىكتەردى كەڭەيتۋى كەرەك. جۇڭگو جاق جۇڭگو كاسىپورىندارىنىڭ باربادوسقا بارىپ سەلبەستىك ورىستەتۋىن قولدايدى. ەكى جاق گۋمانيتارلىق اۋىس - كۇيىستى جيىلەتىپ، ادامداردىڭ بارىس - كەلىسىن كەڭەيتۋى كەرەك.
شي جينپيڭ بىلاي دەپ اتاپ كورسەتتى: دۇنيە جۇزىندە 100 جىلدا بولماعان زور وزگەرىس تۋىلعان جاعدايدا، وركەندەپ كەلە جاتقان قالىڭ ەلدەر ىنتىماق پەن سەلبەستىكتى كۇشەيتۋى، ناعىز كوپ جاقتىلىقتى امالياتتا ايگىلەۋى، قىرعي قاباقتىق ويعا جانە توپقا ءبولىنىپ قارسىلاسۋعا قارسى تۇرۋى، حالىقارالىق قاتىناستىڭ نەگىزگى ولشەمىن، حالىقارالىق تەڭدىك پەن ادىلدىكتى قورعاۋى، ادامزاتتىڭ تاعدىرلاس ورتاق تۇلعاسىن قۇرۋدى ىلگەرىلەتۋى كەرەك. جۇڭگو جاق باربادوس قاتارلى شاعىن ارالدارداعى وركەندەپ كەلە جاتقان مەملەكەتتەردىڭ كليمات وزگەرىسى سالاسىنداعى تالابىن تولىق تۇسىنەدى، كليمات وزگەرىسىنە توتەپ بەرۋدەگى وڭتۇستىك پەن وڭتۇستىك سەلبەستىگىن ءۇرتىس كۇشەيتىپ، باربادوستى ءوز ىشىنە العان وركەندەپ كەلە جاتقان مەملەكەتتەرگە كومەك بەرىپ، قولداۋ كورسەتۋدى قالايدى. جۇڭگو جاق كارايب تەڭىزى ەلدەرىمەن قارىم - قاتىناسقا ستراتەگيالىق بيىك تۇرعىدان جانە ۇزاق بولاشاقتىق تۇرعىدان ءمان بەرەدى، كارايب ەلدەرىنىڭ ەكونوميكالىق، قوعامدىق دامۋىنا شاماسىنىڭ جەتىسىنشە ۇزدىكسىز كومەكتەسەدى.
موتري مىنالاردى ءبىلدىردى: مەن وسى رەتكى ساپارىم ارقىلى باربادوس پەن جۇڭگو اراسىنداعى ىنتىماق پەن دوستىقتى تەرەڭ سەزىندىم. جۇڭگو جاقتىڭ باربادوستىڭ جاڭا تيپتى ايدارشا ۆيرۋس وكپە قابىنۋ ىندەتىنە توتەپ بەرۋىنە جانە باربادوستىڭ ەكونوميكالىق، قوعامدىق دامۋىنا قاستەرلى كومەك بەرگەنىنە العىس ايتامىن. جۇڭگو ۇكىمەتى كەدەيلىكتەن ارىلتىپ، حالىققا باقىت جاراتۋ جاعىندا دۇنيە ءجۇزىن تامساندىراتىن تابىستارعا قول جەتكىزدى، ءتوراعا شي جينپيڭ دۇنيە جۇزىلىك دامۋ باستاماسىن العا قويىپ، ەرەن دۇنيە جۇزىلىك باسشىلىق قابىلەتىن ايگىلەدى، بۇل دۇنيە جۇزىندەگى ءار ەل مەن حالىقتىڭ ورتاق دامۋىن، كوركەيۋىن جۇزەگە اسىرۋىنا كومەكتەسىپ، دۇنيە جۇزىلىك سايىستارعا اناعۇرلىم ويداعىداي توتەپ بەرۋگە ءتيىمدى. باربادوس جاق ءبىر جۇڭگو پرينسيبىن باتىل قولدايدى، جۇڭگونىڭ ۇستانىمىن بارىنشا مويىندايدى، جۇڭگونىڭ تاجىريبەسىنەن ۇيرەنىپ، ۇلگى الۋدى، دۇنيە جۇزىلىك دامۋ باستاماسىنا، دۇنيە جۇزىلىك حاۋىپسىزدىك باستاماسىنا، دۇنيە جۇزىلىك وركەنيەت باستاماسىنا بەلسەنە ات سالىسۋدى قالايدى. باربادوس جاق جۇڭگو جاقپەن كليمات وزگەرىسىنە توتەپ بەرۋ، سۋ بايلىعى، سيفرلى تەحنيكا، دەنساۋلىق ساقتاۋ، ەمدەۋ سياقتى سالالارداعى سەلبەستىكتى كۇشەيتۋدى ءۇمىت ەتەدى. باربادوس جاق كوپ جاقتىلىقتا تاباندى بولىپ، ”قول ۇزۋگە“ قارسى تۇرادى، كارايب ەلدەرىنىڭ جۇڭگومەن قارىم - قاتىناسىن دامىتۋىن ۇزدىكسىز جەبەۋدى قالايدى.
ۋاڭ ي كەزدەسۋدە بىرگە بولدى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
