شي جينپيڭ ۆيەتنامنىڭ زۇڭليى فان ميڭجىڭمەن كەزدەستى
2023.06.28 15:35 كەلۋ قاينارى : حالىق تورابى
6 - ايدىڭ 27 - كۇنى تۇستەن كەيىن مەملەكەت ءتوراعاسى شي جينپيڭ بەيجيڭدەگى حالىق سارايىندا جۇڭگوعا رەسمي ساپارمەن كەلگەن ۆيەتنامنىڭ زۇڭليى فان ميڭجىڭمەن كەزدەستى. سۋرەتتى شينحۋا اگەنتتىگىنىڭ ءتىلشىسى ياۋ داۋەي تۇسىرگەن
شينحۋا اگەنتتىگى، 6 - ايدىڭ 27 – كۇنى، بەيجيڭ (ءتىلشى ياڭ ي – جۇن). 6 - ايدىڭ 27 - كۇنى تۇستەن كەيىن مەملەكەت ءتوراعاسى شي جينپيڭ بەيجيڭدەگى حالىق سارايىندا جۇڭگوعا رەسمي ساپارمەن كەلگەن ۆيەتنامنىڭ زۇڭليى فان ميڭجىڭمەن كەزدەستى.
شي جينپيڭ بىلاي دەپ اتاپ كورسەتتى: بىلتىر ج ك پ - نىڭ 20 - قۇرىلتايى جابىلعاننان كەيىن مەن باس شۋجي رۋان فۋجۇڭدى ساپارلاي كەلىپ، جۇڭگو – ۆيەتنام قارىم - قاتىناسىنىڭ دامۋىنا بىرگە باعدار بەلگىلەۋگە ۇسىنىس ەتتىم. بيىل − جۇڭگو مەن ۆيەتنامنىڭ جالپى بەتتىك ستراتەگيالىق سەلبەستىك سەرىكتەستىك قارىم - قاتىناسىن ورناتقانىنىڭ 15 جىلدىعى، ەكى ەلدىڭ ءار جىكتەگى بارىس - كەلىسى كۇن سايىن جيىلەپ، باس شۋجي رۋان فۋجۇڭ ەكەۋىمىز كەلىسكەن ورتاق تانىمدارىمىز تياناقتانۋدا. جۇڭگو جاق ۆيەتنام جاقتى توڭىرەكتىك ديپلوماتيانىڭ باسىم بەتالىسى جانە ستراتەگيالىق مانگە يە تاعدىرلاس ورتاق تۇلعاسى دەپ قارايدى، بۇل − جۇڭگو جاقتىڭ ەكى ەل قارىم - قاتىناسىنىڭ ۇزاق بولاشاقتىق دامۋى نەگىزىندە جاساعان ستراتەگيالىق تالعامى. كۇن سايىن شيەلەنىسىپ، كۇردەلىلەنىپ وتىرعان حالىقارالىق جاعدايدا جۇڭگو مەن ۆيەتنام تەڭ تۇرعىدا ءوزارا پايدا جەتكىزۋ، ىنتىماقتاسۋ، ءوزارا سەنىم ارتۋ، سەلبەسىپ تەڭ يگىلىككە كەنەلۋ رۋحىن ۇستانىپ، قول ۇستاسا سەلبەسىپ، دامۋدى بىرگە جوسپارلاپ، ەكى ەل حالىقتارىن اناعۇرلىم ويداعىداي باقىتقا كەنەلتىپ، دۇنيە جۇزىنە اناعۇرلىم كوپ ورنىقتىلىق ۇستەۋى كەرەك.
شي جينپيڭ بىلاي دەپ دارىپتەدى: جۇڭگو مەن ۆيەتنام ەكەۋى دە − سوتسياليستىك ەلدەر، ءوزارا وسكەلەڭ سەنىم ارتاتىن جولداستار، ءوزارا پايدا جەتكىزىپ، تەڭ يگىلىككە كەنەلەتىن سەرىكتەر، ءوزارا تۇسىنىگى تەرەڭ، ەتەنە دوستار. ەكى جاق پارتيانى باسقارۋ، بيلىك جۇرگىزۋ تاجىريبەلەرىن اۋىستىرۋدى تەرەڭدەتىپ، حالىقتى بارىنەن جوعارى قويۋ ۇستانىمىنان جازباي، ءبىر - ءبىرىنىڭ ءوز ەلىنىڭ مەملەكەت جاعدايىنا ۇيلەسەتىن سوتسياليزم جولىمەن جانە وزىندىك ەرەكشەلىككە يە وسىزامانداندىرۋ جولىمەن ءجۇرۋىن باتىل قولداۋى كەرەك. ەكى جاق ”ءبىر بەلدەۋ، ءبىر جولدى“ جوعارى ساپامەن بىرگە قۇرىپ، دامۋ ستراتەگياسىن ۇشتاستىرۋدى كۇشەيتىپ، ءوزارا تولىقتاۋ ابزالدىعىن ساۋلەلەندىرىپ، نەگىزدىك قۇرىلعى، زەردەلى كەدەن كاسىبى، جاسىل ەنەرگيا سياقتى سالالارداعى ناقتى سەلبەستىكتى جەدەل ىلگەرىلەتۋى كەرەك. جۇڭگو جاق ۆيەتنامنىڭ ءوتىمدى ونىمدەرىن كوپتەپ يمپورت ەتۋدى قالايدى، ۆيەتنام جاقتىڭ بيىل سوڭعى جارتى جىلداعى 3 - كەزەكتى ”ءبىر بەلدەۋ، ءبىر جول“ حالىقارالىق سەلبەستىك جوعارى دارەجەلىلەر تالقى مىنبەرىنە، جۇڭگو حالىقارالىق يمپورت كورمەسىنە بەلسەنە قاتىناسۋىن قارسى الادى. ەكى جاق گۋمانيتارلىق اۋىس - كۇيىستى بايىتىپ، ەكى ەل حالىقتارىنىڭ، اسىرەسە، جاس ۇرپاقتاردىڭ ءوزارا ءتۇسىنىسۋىن كۇشەيتىپ، ەكى ەل قارىم - قاتىناسى دامۋىنىڭ قوعامدىق نەگىزىن بەكەمدەۋى كەرەك. ەكى جاق ”قول ءۇزۋ“ پيعىلىنا بىرگە قارسى تۇرىپ، ەكونوميكا جانە عىلىم - تەحنيكا ماسەلەلەرىن جاپپاي ساياسيلاندىرۋعا قارسى تۇرىپ، حالىقارالىق تەڭدىك پەن ادىلدىكتى جانە وزىندىك دامۋ ۇقىق - مۇددەسىن قورعاپ، حالىقارالىق ءتارتىپتىڭ اناعۇرلىم ءادىل، ۇيلەسىمدى بەتالىسقا قاراي دامۋىن ىلگەرىلەتىپ، ەكى ەلدىڭ وسىزامانداندىرۋ قۇرىلىسىنا بەيبىت، ورنىقتى سىرتقى ورتا ازىرلەۋى كەرەك.
فان ميڭجىڭ مىنالاردى ءبىلدىردى: جۇڭگو − دۇنيە جۇزىندەگى ءىرى ەل جانە ۆيەتنامنىڭ جاقىن كورشىسى، ۆيەتنام مەن جۇڭگونىڭ ۇزاق ۋاقىت ورنىقتى، تاماشا قارىم - قاتىناسىن ۇزدىكسىز دامىتۋ باستان - اياق ۆيەتنام پارتياسى مەن ۇكىمەتىنىڭ ستراتەگيالىق تالعامى جانە ماڭداي الدى ءىسى بولىپ كەلەدى. ۆيەتنام جاق جۇڭگو جاقتىڭ ۇزاق ۋاقىتتان بەرى ۆيەتنامعا كورسەتكەن قاستەرلى كومەگىن قاشان دا ەستە بەرىك ساقتايدى جانە شىن جۇرەكتەن العىس ايتادى، اعا بۋىن باسشىلار دەن قويا جەتىلدىرگەن جولداستىق، باۋىرلاستىق قارىم - قاتىناستى قاستەرلەيدى. ۆيەتنام جاق جۇڭگو كوممۋنيستىك پارتياسىنىڭ قول جەتكىزگەن نازاريادا جاڭالىق اشۋ جانە امالياتتا جاڭالىق اشۋ كەلەلى جەتىستىكتەرىن ماقتانىش ەتەدى، باس شۋجي شي جينپيڭنىڭ پارمەندى باسشىلىعىندا، جۇڭگونىڭ، ءسوز جوق، جۇڭگو ۇلگىسىندەگى وسىزامانداندىرۋدى ءساتتى جۇزەگە اسىراتىنىنا، ءسوز جوق، سوتسياليستىك وسىزاماندانعان قۇدىرەتتى ەل قۇراتىنىنا سەنەمىن. ۆيەتنام جاق ءبىر جۇڭگو ساياساتىن باتىل اتقارادى، ءتوراعا شي جينپيڭ العا قويعان دۇنيە جۇزىلىك دامۋ باستاماسىن، دۇنيە جۇزىلىك حاۋىپسىزدىك باستاماسىن، دۇنيە جۇزىلىك وركەنيەت باستاماسىن قولدايدى، جۇڭگونىڭ «جان - جاقتى جانە العا باسقان تىنىق مۇحيت اتتاعان سەرىكتەستىك قارىم - قاتىناس كەلىسىمىنە» قاتىناسۋىن قولدايدى، ۆيەتنام ”ءبىر بەلدەۋ، ءبىر جولدى“ بىرگە قۇرۋعا ۇزدىكسىز بەلسەنە ات سالىسادى، ءار سالاداعى ىنتىماقتاستىقتى تەرەڭدەتىپ، ۆيەتنام - جۇڭگو قارىم - قاتىناسىنىڭ ۇزدىكسىز العا دامۋىن ىلگەرىلەتەدى. ۆيەتنام ەكونوميكالىق ماسەلەنى ساياسيلاندىرۋعا قارسى تۇرادى، جۇڭگومەن تىعىز سەلبەسىپ، ءتۇرلى حاۋىپ - قاتەر مەن سىن - سايىستان ساقتانىپ جانە وعان توتەپ بەرىپ، ءارقانداي كۇشتىڭ ۆيەتنام - جۇڭگو قارىم - قاتىناسىنا ىرتكى سالۋىنا قارسى تۇرىپ، ۆيەتنام مەن جۇڭگونىڭ تاعدىرلاس جالپى بەتتىك ستراتەگيالىق سەلبەستىك سەرىكتەستىك قاتىناسىن ورناتۋعا پەيىل.
ۋاڭ ي كەزدەسۋدە بىرگە بولدى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
