سىچۋان ولكەسى ۋىنچۋان اۋدانىندا تۋىلعان تاسقىن، لاي كوشكىنى جاراتىلىستىق اپاتىندا قازىرگە دەيىن 3 ادام دەرەكسىز كەتىپ، 4 ادام قازا بولدى
2023.06.28 15:49 كەلۋ قاينارى : حالىق تورابى
ءتىلشىنىڭ سىچۋان ولكەسى ابا زاڭزۋ - چياڭزۋ اۆتونوميالى وبلىسى ۋىنچۋان اۋداندىق پارتكومنىڭ ۇگىت بولىمىنەن ۇعىسۋىنشا، 6 - ايدىڭ 27 - كۇنى ساعات 17 گە دەيىن، سول كۇنى تاڭ سارىدە ۋىنچۋان اۋدانىندا تۋىلعان تاسقىن، لاي كوشكىنى جاراتىلىستىق اپاتىندا قازىرگە دەيىن 3 ادام دەرەكسىز كەتىپ، 4 ادام قازا بولعان، شۇعىل جاعدايدا اپاتتان ساقتانۋ ماقساتىمەن 900 دەن استام بۇقارا كوشىرىلگەن، ءۇي بۇلىنگەن جاعداي تۋىلماعان، ىزدەستىرۋ قىزمەتى ءالى دە ورىستەتىلۋدە.
اپات تۋىلعان سوڭ، ۋىنچۋان اۋدانى قاتەردەن اراشالاۋ، قۇتقارۋ - كومەكتەسۋ قىزمەتىن دەرەۋ ۇيىمداستىرىپ، تاسقىننان ساقتانۋدىڭ Ⅱ دارەجەلى شۇعىل جاعدايعا توتەپ بەرۋ شارالارىن ىسكە قوسىپ، 6 - ايدىڭ 27 - كۇنى تۋىلعان اپاتقا قاتىستى وبلىستىق، اۋداندىق قاتەردەن اراشالاۋعا جەتەكشىلىك ەتۋ شتابىن قۇرعان. اتالعان اۋدان مەملەكەتتىك 213 - تاس جول مەن 317 - تاس جول لەنياسىن تارتىپپەن باسقارۋ - تەجەۋگە الىپ، 500 دەن استام ادامدى ۇيىمداستىرىپ، ۋيجوۋ قالاشىعى، ميانسى قالاشىعى قاتارلى ءتۇيىندى وڭىرلەردە دەرەكسىز كەتكەندەردى ىزدەستىرۋ - قۇتقارۋ قىزمەتىن جاپپاي ورىستەتكەن. سونىمەن بىرگە، بۇكىل اۋدان بويىنشا ەمدەۋ ورىندارىنان 2 ورىندى، ەمدەۋ - قۇتقارۋ اترەتىنەن ءبىر اترەتتى قۇرىپ، قۇتقارۋ اۆتوموبيلىنەن ءبىر اۆتوموبيلدى ىسكە قوسىپ، مامانداردان 7 ادامدى، كاسىپتىك گەولوگيالىق بارلاۋشىلار قوسىنىنان 17 ادامدى، قىستاق - گرۋپپاداعى گەولوگيالىق اپاتتى باقىلاۋ - تەكسەرۋ قىزمەتكەرلەرىنەن 12 ادامدى ۇيىمداستىرىپ، بانزىگوۋ، شينچياۋگوۋ، چايۋانگوۋ قاتارلى جەرلەردە اپاتقا قاتىستى تەكسەرۋ ورىستەتكەن. قاتەردەن اراشالاۋ ماشينالارىنان 3 ماشينانى ىسكە قوسىپ، بانزىگوۋدان سىرتقا قاراي شىعاتىن جولدى جەدەل تۇتاستىرىپ، كاسىپتىك تەحنيكتەردى ۇيىمداستىرىپ، لاي كوشكىنىنەن قالىپتاسقان بوگەت نارسەلەردەن تۋىندايتىن حاۋىپتەردى الاستاعان.
قازىر، اتالعان اۋدان دەرەكسىز كەتكەندەر مەن قازا بولعانداردىڭ وتباسىنداعىلاردى جۇباتۋ، ولارعا پسيحيكالىق جاقتان كەڭەس بەرۋ قاتارلى قىزمەتتەردى ورىستەتۋدە ءارى كوشىرىلگەن بۇقارانىڭ نەگىزدىك تۇرمىسىنا كەپىلدىك ەتۋدى دەر كەزىندە ويداعىداي ىستەۋدە.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
