2023 - جىلعى شينجياڭ ۇيعۇر اۆتونوميالى رايونىنا توتە قاراستى ورگاندار سپورت جارىسىنىڭ نەگىزگى تاقىرىپتىق كورمە جارىس قيمىلى باستالدى
2023.07.11 16:51 كەلۋ قاينارى : شينجياڭ گازەتى
انار بۇلت \ شينجياڭ گازەتىنىڭ ءتىلشىسى دۇڭ لياڭ 7 - ايدىڭ 9 - كۇنى ۇرىمجىدەن حابارلايدى. 7 - ايدىڭ 9 - كۇنى 2023 - جىلعى اۆتونوميالى رايونعا توتە قاراستى ورگاندار سپورت جارىسىنىڭ نەگىزگى تاقىرىپتىق كورمە جارىس قيمىلى ءۇرىمجى وليمپيك دەنە تاربيە ورتالىعىنىڭ دەنە تاربيە سارايىندا باستالدى، اۆتونوميالى رايونعا توتە قاراستى ورگاندار مەن شينجياڭ ءوندىرىس - قۇرىلىس بيڭتۋانى ورگان - مەكەمە ورىندارىنان جۇزدەن استام ورىن قاتىناستى.
اۆتونوميالى رايوندىق پارتكومنىڭ تۇراقتى مۇشەسى، باس حاتشى، توتە قاراستى ورگان قىزمەت كوميتەتىنىڭ شۋجيى قادەن كابەن باستالۋ سالتىنا قاتىناستى.
نەگىزگى تاقىرىپتىق كورمە جارىس قيمىلى پارتيا 20 - قۇرىلتايىنىڭ رۋحىن دايەكتىلەندىرىپ، تياناقتاندىرىپ، دەنە تاربيە سپورتىنىڭ جۇرت تىلەگىن ۇيىستىرىپ، جىگەردى سەرپىلتۋ رولىن تولىق ساۋلەلەندىرىپ، اۆتونوميالى رايونعا توتە قاراستى ورگانداردان كەلگەن ءارقايسى ۋاكىلدەر قۇراماسىنىڭ قايراتتانا العا باسقان جاڭا كەلبەتىن شوعىرلى ايگىلەپ، اۆتونوميالى رايونعا توتە قاراستى ورگاندارداعى كادرلار مەن جۇمىسشى - قىزمەتكەرلەردىڭ جاڭا داۋىردە ەكپىندەي ىلگەرىلەگەن جاڭا وبرازىن تولىق ايگىلەپ، تۇتاس رايونداعى كادرلار مەن بۇقارانى قايراتتانا تالپىنعان بەينەمەن جۇڭگو ۇلگىسىندەگى وسىزامانداندىرۋ قۇرىلىسىنا ات سالىسۋعا جىگەرلەندىرىپ، جاڭا جورىقتا قاجىرلىلىقپەن العا ۇمتىلىپ، ۇزدىكسىز كۇرەس جاساپ، قۋاتتى رۋحاني كۇش - قۋات ۇيىستىرۋدى نەگىزگى ماقسات ەتتى. باستالۋ سالتىندا كادرلار مەن جۇمىسشى - قىزمەتكەرلەر كولەمدى ءان - ءبي جانە تايجي جۇدىرىقشىلىعى ويىنى، سپورت ۇجىمدىق گيمناستيكاسى سياقتى دەنە تاربيە تۇرلەرىنەن ونەر كورسەتتى، ىلە - شالا جەكە - جەكە راديو گيمناستيكا، ۇستەل دوپ، قاۋىرسىن دوپ، سۋدا مالتاۋ، قىزىقتى تۇرلەر، باسكەتبول سياقتى تۇرلەردەن جارىس وتكىزدى.
2023 - جىلعى اۆتونوميالى رايونعا توتە قاراستى ورگاندار سپورت جارىسىن اۆتونوميالى رايوندىق پارتكومعا توتە قاراستى ورگاندار قىزمەت كوميتەتى اۆتونوميالى رايوندىق دەنە تاربيە مەكەمەسىمەن، اۆتونوميالى رايوندىق مادەنيەت جانە ساياحات مەڭگەرمەسىمەن، اۆتونوميالى رايوندىق باس جۇمىسشى ۇيىمىمەن، اۆتونوميالى رايوندىق وداق كوميتەتىمەن بىرلەسىپ وتكىزگەن، جارىس 6 - ايدىڭ 17 - كۇنىنەن 8 - ايدىڭ 27 - كۇنىنە دەيىن وتكىزىلەدى، جيىنى 18 ۇلكەن ءتۇر، 48 شاعىن ءتۇر ورنالاستىرىلعان.
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
