تىزىمگە الىنعان حالىقتىق كاسىپورىندار 50 ميلليوننان استى (جاڭا ساندى مالىمەت، جاڭا ءتۇيىن)
2023.07.14 16:01 كەلۋ قاينارى : شينجياڭ گازەتى
«حالىق گازەتى»، 7 - ايدىڭ 13 - كۇنى، بەيجيڭ (ءتىلشى لين ليلي). ءتىلشىنىڭ بىرنەشە كۇننىڭ الدىندا مەملەكەتتىك بازار باقىلاۋ - باسقارۋ باس مەكەمەسىنەن ۇعىسۋىنا قاراعاندا، ەلىمىزدە تىزىمگە الىنعان حالىقتىق كاسىپورىنداردىڭ سانى بيىل 4 – ايدىڭ باسىندا تۇڭعىش رەت 50 ميلليوننان اسىپ، 5 – ايدىڭ سوڭىنا دەيىن 50 ميلليون 927 مىڭ 600 گە جەتىپ، 2012 - جىلدىڭ سوڭىنداعى 10 ميلليون 857 مىڭنان 3.7 ەسە ارتقان. حالىقتىق كاسىپورىنداردىڭ كاسىپورىندارداعى سالىستىرماسى %79.4 تەن %92.4 كە كوتەرىلىپ، حالىق شارۋاشىلىعىنىڭ دامۋىنداعى ورنى مەن رولى ونان ارى جوعارىلاعان.
بيىل جىل باسىنان بەرى ەلىمىزدىڭ حالىقتىق كاسىپورىندارىنىڭ دامۋى قالپىنا كەلىپ، ءبىرشاما كۇشتى ومىرشەڭدىك كۇشكە يە بولدى. الدىڭعى 5 ايدا جاڭادان قۇرىلعان حالىقتىق كاسىپورىندار 3 ميلليون 764 مىڭ بولىپ، سايكەس مەزگىلدەگىدەن %17.2 ارتىپ، 1 - توقسانداعىدان 6.5 پايىز تەز بولدى.
جاڭا تەحنيكا، جاڭا كاسىپ سالاسى، جاڭا كاسىپ كۇيى، جاڭا ۇلگى سىندى ”ءتورت جاڭا ەكونوميكانىڭ“ دامۋ بەتالىسى ايتارلىقتاي جاقسى بولدى. 5 - ايدىڭ سوڭىنا دەيىن ەلىمىزدىڭ ”ءتورت جاڭا ەكونوميكا“ حالىقتىق كاسىپورىندارى 25 ميلليوننان استى. الدىڭعى 5 ايدا جاڭادان قۇرىلعان ”ءتورت جاڭا ەكونوميكا“ حالىقتىق كاسىپورىندارى 2 ميلليون 150 مىڭ بولىپ، جاڭادان قۇرىلعان حالىقتىق كاسىپورىنداردىڭ %57.1 ىن ۇستادى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
