جازدىق دەمالىستا بالا ەلەكتروندى اسپاپتارمەن ويناسا، كوز قۋاتىنىڭ السىرەۋىنەن ساقتانۋ ءۇشىن بىلاي ىستەڭىز
2023.07.14 16:41 كەلۋ قاينارى : حالىق تورابى
جازدىق دەمالىستا بالالار اۋىر ساباقتان ۋاقىتشا ارىلعانىمەن، ”كوز مايىن تاۋىسۋ“ دارەجەسى تيتتەي دە تومەندەمەيدى. تەلەۆيزور كورەدى، تاقتا كومپيۋتەرگە تەلمىرەدى، تەلەفونمەن جاعالاسادى ... كوپتەگەن اتا - انالاردىڭ اڭىس ەتۋىنشە، جۋىردان بەرى اۋا رايى ىستىق بولعاندىقتان، بالالار اۋا تەڭشەگىشى بار سالقىن ۇيدەن اتتاپ شىقپايتىن، ءتۇرلى ەلەكتروندى اسپاپتاردى قولىنان تاستامايتىن بولعان، اتا - انالار جازدىق دەمالىستى وتكىزىپ بولعانشا، بالانىڭ كورۋ قۋاتىنىڭ كۇرت السىرەۋىنەن الاڭداعان. ەندەشە، جازدىق دەمالىستا بالانىڭ كورۋ قۋاتىنىڭ السىرەۋىنەن ساقتانۋ ءۇشىن، مىناداي امالداردى قولدانىپ كورىڭىزدەر.
”20-20-20“ پرينسيپىنە بويسۇنۋ
اتا – انالار ”بالالارىنىڭ ەلەكتروندى ەكرانعا قاراۋ ۋاقىتىن تەجەپ، ۇيلەسىمدى دەمالۋدا ”20-20-20“ پرينسيپىنە بويسۇنۋ“ جونىندە بالامەن كەلىسۋىنە بولادى، ”20-20-20“ پرينسيپى دەگەنىمىز ەكرانعا 20 مينۋت قاراعان سوڭ 20 فۋت (6 مەتر) قاشىقتىقتان الىس ورىنعا كەمىندە 20 سەكۋند قاراپ تۇرۋ دەگەندى بىلدىرەدى. ادەتتە مۇمكىندىگىنشە ەكرانى ءبىرشاما ۇلكەن ەلەكتروندى بۇيىمداردى تاڭداۋ، الىس ارالىقتان كورۋ كەرەك. كوز بەن تەلەۆيزور ەكرانىنىڭ ارا قاشىقتىعى 3 مەتردەن جوعارى بولعانى ءجون، كوز بەن كومپيۋتەردىڭ ارا قاشىقتىعى 50 سانتيمەتردەن تومەن بولماعانى وڭ، ەلەكتروندى اسپاپتاردىڭ ەكرانىنىڭ جارىقتىق دارەجەسى ورتانىڭ جارىقتىق دارەجەسىمەن سايكەس بولعانى جاقسى، ۇزاق ۋاقىت بويى قاراڭعى ورىندا ەلەكتروندى ەكرانعا قاراپ وتىرماعان ءجون.
ۇزاق ۋاقىت بويى ەلەكتروندى اسپاپتى پايدالانعان سوڭ، كوز بۇلىڭعىرلانۋ، شارشاۋ جاعدايى تۋىلادى، ونى كوزدى جۇمۋ، الىسقا قاراۋ، ىستىق وتكىزۋ، كوز قورعاۋ گيمناستيكاسىن ىستەۋ قاتارلى تاسىلدەر ارقىلى باسەڭدەتۋگە بولادى.
ءار كۇنى دالادا ارەكەتتەنەتىن ۋاقىت 2 ساعاتتان كەم بولماعانى ءجون
دالادا ارەكەتتەنەتىن ۋاقىتتى ارتتىرۋ ارقىلى كورۋ قۋاتىنىڭ السىرەۋىنىڭ تۋىلۋ مولشەرىن تومەندەتۋگە بولادى. دالادا ارەكەتتەنۋ — كورۋ قۋاتىنىڭ السىرەۋىنەن ساقتانۋداعى ەڭ ۇتىمدى، ەڭ ءونىمدى ءتاسىل. ءار كۇنى دالادا ارەكەتتەنەتىن ۋاقىتتىڭ 2 ساعاتتان كەم بولماعانى، ءار اپتادا جيىنى 14 ساعاتتان كەم بولماعانى ءجون.
دالادا ارەكەتتەنۋدىڭ تەتىگى ”دالادا“، بولمە سىرتىنداعى كۇن نۇرى كورۋ قۋاتىنىڭ السىرەۋىنەن ساقتانۋعا پايدالى، جۇگىرۋ، دوپ تەبۋ قاتارلىلاردىڭ بارلىعى وتە جاقسى ارەكەت فورماسى سانالادى. قازىر ءدال جازداعى قاپىرىق ىستىق مەزگىل، دالادا ارەكەتتەنگەن كەزدە ىستىقتان ساقتانۋعا، كۇنگە كۇيۋدەن ساقتانۋعا، سۋ قۇرامىن تولىقتاۋعا كوڭىل بولگەن ءجون.
تاپسىرما ورىنداعاندا مىناداي ءۇش ولشەمدى ۇمىتپاعان ءجون
جازدىق دەمالىستا ۇيدە كىتاپ وقىعاندا، تاپسىرما ورىنداعاندا دۇرىس وتىرۋ، مىناداي ءۇش ولشەمدى ۇمىتپاۋ كەرەك: كوز بەن كىتاپتىڭ ارالىعى شامامەن 33 سانتيمەتر بولۋى، كەۋدە مەن ۇستەلدىڭ جاقتاۋىنىڭ ارالىعى شامامەن 10 سانتيمەتر بولۋى، قالام ۇستاعان ساۋساق پەن كىتاپتىڭ ارالىعى شامامەن 3 سانتيمەتر بولۋى كەرەك. ۇستەلگە ەكپەتتەپ جاتىپ، توسەككە قيسايىپ جاتىپ نەمەسە ءجۇرىپ بارا جاتقان اۆتوموبيلدىڭ ۇستىندە كىتاپ وقىماۋدى ەستە بەرىك ساقتاعان ءجون.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
