A67773 كەزەكشى ۇشاعى شۇعىل قوندى
2023.07.19 15:54 كەلۋ قاينارى : حالىق تورابى
جۋىردا باۋشاننان بەيجيڭگە ۇشقان A67773 كەزەكشى ۇشاعىنداعى ءبىر جولاۋشى توسىننان اۋرىپ، تىنىسى تارىلعان ءارى جۇرەگى قىسىلعانداي سەزىنگەن، ۇشاق قىزمەتكەرلەرى ناۋقاس جولاۋشىنىڭ ەمدەلۋىنە قاجەتتى قىمباتتى ۋاقىتتى وتكىزىپ الماۋ ءۇشىن ۇشاقتى كۇنميڭدەگى چاڭشۇي اۋەجايىنا شۇعىل قوندىرۋ بەكىمىنە كەلەدى.
7 - ايدىڭ 13 - كۇنى ساعات 12 دەن 26 مينۋت وتكەندە، ۇشاق بيىككە كوتەرىلگەن سوڭ، ۇشاق قىزمەتكەرلەرى گرۋپپاسىنىڭ باستىعى ارتقى بولمەگە بارىپ تاماق تاراتپاق بولعاندا، ءبىر جولاۋشىنىڭ جايسىزدانعانىن بايقايدى، ۇشاق قىزمەتكەرلەرى گرۋپپاسىنىڭ باستىعى اۋا الماستىرۋ ۇياشىعىن اشىپ، جولاۋشىلار بولمەسىنىڭ تەمپەراتۋراسىن تومەندەتىپ، جولاۋشىنىڭ ءوزى الىپ جۇرگەن ءدارىنى ىشۋىنە سايكەسەدى، جولاۋشى ۇلكەن ماسەلە جوق ەكەنىن ايتادى.
الايدا، ون مينۋت وتكەن سوڭ، ۇشاق قىزمەتكەرلەرى گرۋپپاسىنىڭ باستىعى بۇل جولاۋشىنىڭ تىنىس الۋى تەزدەپ، ءجۇزى قۋقىلدانىپ، قوس قولىمەن كەۋدەسىن باسىپ وتىرعانىن كورەدى دە، دەرەۋ ۇشاق باستىعىنا مالىمەت بەرەدى، سول كەزدە ۇشاقتا ءبىر شيپاگەر بار بولاتىن، ول دا دەرەۋ كومەكتەسۋگە كىرىسەدى.
كۇنميڭ اۋەجايىنا شۇعىل قونۋعا تەك 20 مينۋت كەتەدى، ال، بەيجيڭگە جەتۋگە ءالى 3 ساعات 30 مينۋت بار، ۇشاق قىزمەتكەرلەرى وسىنى ويلاستىرعان سوڭ، جولاۋشىنىڭ وتباسىنداعىلار مەن شيپاگەردىڭ پىكىرىن تىڭدايدى، وسىدان سوڭ ۇشاق قىزمەتكەرلەرى دەرەۋ حۋنان اۆياتسيالىق اينالىم ورتالىعىمەن حابارلاسادى. جان - جاقتى زەرتتەپ تۇجىرىم جاساۋ ارقىلى ۇشاق قىزمەتكەرلەرى ۇشاقتى ەڭ جاقىن جەردەگى كۇنميڭ چاڭشۇي حالىقارالىق اۋەجايىنا قوندىرۋ بەكىمىنە كەلەدى.
سونىمەن بىرگە، جەر بەتىندەگى رەتتەۋگە جاۋاپتى قىزمەتكەر دەرەۋ كۇنميڭ اۋەجايىنا ۇقتىرىپ، اۋەجايمەن حابارلاسۋ ارقىلى شۇعىل قۇتقارۋعا قاجەتتى اۆتوموبيلدى دايىندايدى ءارى كۇنميڭدەگى كەزەكشى قىزمەتكەرمەن سايكەسە وتىرىپ، ءىس تۋىلعان جەرگە بارۋ ارقىلى جولاۋشىنىڭ جانە ونىمەن بىرگە جۇرگەندەردىڭ ينفورماتسياسىن ۇعىسادى. ساعات 13 تەن 26 مينۋت وتكەندە، A67773 كەزەكشى ۇشاعى ءساتتى تۇردە كۇنميڭ چاڭشۇي حالىقارالىق اۋەجايىنا شۇعىل قونىپ، جولاۋشىنىڭ ەمدەلۋىنە قاجەتتى ۋاقىتتى وتكىزبەدى.
ۇشاقتاعى قىزمەتكەرلەرگە جانە كومەك قولىن سوزعان بارلىق ادام ماقتاۋعا تاتيدى!
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
