ءجۇز كۇندە ون ميلليون قىزمەت ورنىن دايىنداۋ قيمىلى بارىسىندا قىزمەتكەر قابىلداۋ ارناۋلى قيمىلى ۇزدىكسىز وتكىزىلدى
2023.07.19 15:57 كەلۋ قاينارى : حالىق تورابى
حالىق گازەتىنىڭ ءتىلشىسى چيۋ چاۋ - ي 7 - ايدىڭ 18 - كۇنى بەيجيڭنەن حابارلايدى. ءتىلشىنىڭ ادام كۇشى بايلىعى جانە قوعامدىق قامتاماسىزداندىرۋ مينيسترلىگىنەن ۇعىسۋىنشا، 7 - ايدىڭ 17 - كۇنىنەن 23 - كۇنىنە دەيىن، ادام كۇشى بايلىعى جانە قوعامدىق قامتاماسىزداندىرۋ مينيسترلىگىنىڭ ءجۇز كۇندە ون ميلليون قىزمەت ورنىن دايىنداۋ ارناۋلى قيمىلى بارىسىندا بيولوگيالىق ءدارى - دارمەكتەر، ينفورماتسيا تەحنيكاسى، جەدەل جولداما جەتكىزۋ، شەتەلدەن وقىپ قايتىپ ورالعاندار سىندى 4 ءتۇر بويىنشا ينتەرنەت ارقىلى قىزمەتكەر قابىلداۋ ارناۋلى قيمىلىن وتكىزەدى، جيىنى 19 مىڭنان استام قىزمەتكەر قابىلداۋشى ورىن قاتىناسىپ، قاجەتتى قىزمەتكەر سانى 206 مىڭ ادامعا (رەت) جەتتى.
بيولوگيالىق ءدارى - دارمەكتەر سالاسىنداعى ارناۋلى قيمىلدى جىليان قىزمەت تانىستىرۋ سەرىكتەستىگى مىندەتىنە العان، قىزمەتكەر قابىلدايتىن 302 ورىن قاتىناسقان، مەديتسينالىق اسپاپتاردى ساتۋ، مەديتسينالىق اسپاپتاردى تىركەۋگە الدىرۋ، ورگانيكالىق جولمەن سينتەزدەۋدى زەرتتەۋ كومەكشىسى، ءدارى - دارمەكتەردىڭ ينفورماتسياسى تۋرالى بايلانىس جاساۋ ارناۋلى قىزمەتكەرى قاتارلى ورىندارعا قىزمەتكەر قابىلداعان، قاجەتتى قىزمەتكەر سانى 3000 ادامنان (رەت) اسقان. ينفورماتسيا تەحنيكاسى سالاسىنداعى ارناۋلى قيمىلدى مەملەكەتتىك اشۋ - قارجىلاندىرۋ توبى شەكتى سەرىكتەستىگىنىڭ ادام كۇشى بايلىعى جاعىندا قىزمەت وتەۋ شەكتى سەرىكتەستىگى مىندەتىنە العان، قىزمەتكەر قابىلدايتىن 110 ورىن قاتىناسقان، ينفورماتسيالاندىرىلعان نىسان جاۋاپتىسى، ينتەرنەت حاۋىپسىزدىگى جونىندە كەڭەس بەرۋشى، جۇمساق بولشەكتى زەرتتەۋ - جاساۋ ينجەنەرى، IT ىسكە قوسۋ - قورعاۋ قىزمەتكەرى قاتارلى قىزمەت ورىندارى دايىندالعان، قاجەتتى قىزمەتكەر سانى 2000 ادام (رەت) بولعان.
جەدەل جولداما سالاسى بويىنشا قىزمەتكەر قابىلداۋ ارناۋلى قيمىلىن ”جيۋيە زايشيان“ تورابى جۇڭگو جەدەل جولداما بىرلەستىگىمەن بىرگە مىندەتىنە العان، قىزمەتكەر قابىلدايتىن ورىنداردان جيىنى 19 مىڭنان استام ورىن قاتىناسقان، جۇك اۆتوموبيلىنىڭ شوفەرى، جەدەل جولداما جەتكىزۋشى، جۇك ءتۇسىرۋشى، تەلەفون قابىلداۋشى قاتارلى جۇمىس ورىندارى دايىندالعان، قاجەتتى قىزمەتكەر سانى شامامەن 188 مىڭ ادام (رەت) بولعان. شەتەلدەن وقىپ ورالعاندارعا ارنالعان قيمىلدى چيانچىڭ ۋيوۋ سەرىكتەستىگى مىندەتىنە العان، جۇزدەن استام كاسىپورىن قاتىناسقان، جۇمساق بولشەكتى دامىتۋ ينجەنەرى، فينانستى باسقارۋعا تاربيەلەيتىن وقۋشى، ىسكە قوسۋدى باسقارۋعا تاربيەلەيتىن وقۋشى، ءدارى - دارمەك سالاسىنىڭ ۋاكىل قاتارلى جۇمىس ورىندارى دايىندالعان، قاجەتتى قىزمەتكەر سانى 13 مىڭ ادامنان (رەت) اسقان.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
