بيىل الدىڭعى جارتى جىلدا جۇڭگونىڭ GDPى سايكەس مەزگىلدەگىدەن ％5. 5 ارتتى
2023.07.19 16:19 كەلۋ قاينارى : شينجياڭ گازەتى
شينحۋا اگەنتتىگىنىڭ 7 - ايدىڭ 17 - كۇنى بەيجيڭنەن بەرگەن حابارى (تىلشىلەر ۋي يۇيكۇن، جوۋ يۋان). مەملەكەتتىك ساناق مەكەمەسىنىڭ 7 - ايدىڭ 17 - كۇنى جاريالاعان ساندى مالىمەتىندەگى العاشقى ەسەپ - قيساپتان قاراعاندا، الدىڭعى جارتى جىلدا ەل ءىشى ءوندىرىس جالپى ءونىم قۇنى (GDP) 59 تريلليون 303 ميلليارد 400 ميلليون يۋان بولىپ، تۇراقتى باعا بويىنشا ەسەپتەگەندە، سايكەس مەزگىلدەگىدەن ％5. 5 ارتىپ، ءبىرىنشى ماۋسىمداعىدان ءبىر پايىز تەزدەگەن.
مەملەكەتتىك ساناق مەكەمەسىنىڭ اقپارات مالىمدەمەشىسى فۋ ليڭحۇي سول كۇنى مەملەكەتتىك كەڭەستىڭ اقپارات كەڭسەسى وتكىزگەن اقپار جاريالاۋ ماجىلىسىندە بىلاي دەدى: ماۋسىمعا ءبولىپ قاراعاندا، ءبىرىنشى ماۋسىمدا GDP سايكەس مەزگىلدەگىدەن ％5. 4 ارتقان، ەكىنشى ماۋسىمدا ％3. 6 ارتقان. الدىڭعى ساناق مەزگىلمەن سالىستىرعاندا، ەكىنشى ماۋسىمدا GDP %8.0 ارتقان.
اۋىل شارۋاشىلىعى ءوندىرىسى جاعدايى ورنىقتى، ونەركاسىپ ءوندىرىسى ورنىقتى قاداممەن قالپىنا كەلۋدە. الدىڭعى جارتى جىلدا اۋىل شارۋاشىلىعىنىڭ (ەگىمشىلىك) ارتقان قۇنى سايكەس مەزگىلدەگىدەن ％3. 3 ارتتى؛ بۇكىل ەلدە كولەمنەن جوعارى ونەركاسىپتىڭ ارتقان قۇنى سايكەس مەزگىلدەگىدەن ％8. 3 ارتىپ، ءبىرىنشى ماۋسىمداعىدان 8. 0 پايىز تەزدەدى. قىزمەت وتەۋ كاسىبىنىڭ ارتۋى ءبىرشاما تەز بولدى، الدىڭعى جارتى جىلدا قىزمەت وتەۋ كاسىبىنىڭ ارتقان قۇنى سايكەس مەزگىلدەگىدەن ％4. 6 ارتىپ، ءبىرىنشى ماۋسىمداعىدان ءبىر پايىز تەزدەدى.
بازار تيجاراتىنىڭ ارتۋى ءبىرشاما جاقسى بولىپ، تۇراقتى مۇلىككە قوسىلعان قارجى ءۇرتىس ارتتى. الدىڭعى جارتى جىلدا قوعامدىق تۇتىنۋ بۇيىمدارىنىڭ بولشەك ساتىلۋ جالپى سوماسى سايكەس مەزگىلدەگىدەن ％2. 8 ارتىپ، ءبىرىنشى ماۋسىمداعىدان 4. 2 پايىز تەزدەدى؛ بۇكىل ەلدە تۇراقتى مۇلىككە قوسىلعان قارجى (شارۋالار وتباسىن قامتىمايدى) سايكەس مەزگىلدەگىدەن ％8. 3 ارتتى.
تاۋار يمپورت - ەكسپورتى ارتۋدى ساقتاپ، ساۋدا قۇرىلىمى ۇزدىكسىز ساپالىلاندى. الدىڭعى جارتى جىلدا تاۋاردىڭ يمپورت - ەكسپورت جالپى سوماسى سايكەس مەزگىلدەگىدەن ％1. 2 ارتتى. ادەتتەگى ساۋدا يمپورت - ەكسپورتى ％4 ارتىپ، يمپورت - ەكسپورت جالپى سوماسىنىڭ ارا سالماعىندا ％5. 65 تى يەلەپ، الدىڭعى جىلعى سول تۇستاعىدان 2. 1 پايىز جوعارىلادى.
تۇرعىنداردىڭ تۇتىنۋ باعاسى سايكەس مەزگىلدەگىدەن جوعارىلاپ، جۇمىستانۋ جاعدايى تۇلعالىق جاقتان ورنىقتى بولدى. الدىڭعى جارتى جىلدا بۇكىل ەل بويىنشا تۇرعىنداردىڭ تۇتىنۋ باعا كورسەتكىشى (CPI) سايكەس مەزگىلدەگىدەن ％7. 0 ارتتى؛ بۇكىل ەل كولەمىندە قالا - قالاشىقتاردا تەكسەرىلگەن جۇمىسسىزدىق سالىستىرماسىنىڭ ورتاشا كورسەتكىشى ％3. 5 بولىپ، ءبىرىنشى ماۋسىمداعىدان 0.2 پايىز تومەندەدى.
تۇرعىنداردىڭ كىرىسى ورنىقتى ارتتى. الدىڭعى جارتى جىلدا بۇكىل ەل كولەمىندە تۇرعىنداردىڭ جان باسىندىق ورتاشا قولداعى تابىسى 19 مىڭ 672 يۋان بولىپ، سايكەس مەزگىلدەگىدەن اتامالى ارتۋى ％5. 6 بولىپ، ءبىرىنشى ماۋسىمداعىدان 4. 1 پايىز تەزدەدى؛ باعا فاكتورىن شىعارىپ تاستاعاندا، ءىس جۇزىندە، ％8. 5 ارتىپ، 2 پايىز تەزدەدى.
”جالپى جاقتان قاراعاندا، الدىڭعى جارتى جىلدا ەكونوميكانىڭ، قوعامنىڭ قالىپتى اينالىمىنىڭ جالپى بەتتىك قالپىنا كەلۋىنە ىلەسە، ماكرولىق ساياساتتىڭ ءونىمى كورنەكتى كۇشەيىپ، حالىق شارۋاشىلىعى قايتا ورلەپ جاقسارۋعا بەت الىپ، جوعارى ساپالى دامۋ ورنىقتى قاداممەن ىلگەرىلەدى. الايدا، دۇنيە ءجۇزىنىڭ ساياسي، ەكونوميكا جاعدايى قۇبىلمالى، كۇردەلى، ەل ءىشى ەكونوميكاسىنىڭ ۇزدىكسىز قالپىنا كەلۋ، دامۋ نەگىزىنىڭ ءالى دە ورنىقتى ەمەس ەكەندىگىن كورە ءبىلۋىمىز كەرەك“. فۋ ليڭحۇي بىلاي دەدى: كەلەسى قادامدا ورنىقتىلىق بارىسىندا ىلگەرىلەۋ قىزمەت جالپى ارناسىنا تاباندى بولىپ، ەكونوميكالىق اينالىمنىڭ ىركىلىسسىزدىگىنە كۇش سالىپ، تاسىلدە بۇرىلىس جاساۋعا، قۇرىلىمدى رەتتەۋگە، قوزعاۋشى قۋاتتى ارتتىرۋعا ءتىپتى دە زور كۇش سالىپ، ەكونوميكانىڭ ساپالى جاعىندا ءونىمدى جوعارىلاۋى مەن سان جاعىندا ۇيلەسىمدى ارتۋىن ىسكە اسىرۋدى ىلگەرىلەتۋگە قۇلشىنۋ كەرەك.
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
