شي جينپيڭ جاۋاپ حات جازىپ، شياڭگاڭداعى پەيچياۋ ورتا مەكتەبىنىڭ وقۋشىلارىن شابىتتاندىردى
2023.07.26 16:59 كەلۋ قاينارى : حالىق تورابى
جاۋاپ حات
شياڭگاڭ پيچياۋ ورتا مەكتەبىنىڭ ورتا مەكتەپ 1 - جىلدىعىنداعى وقۋشىلار:
سالەمەتسىڭدەر مە! حاتتارىڭدى تاپسىرىپ الدىم، سەندەردىڭ كورەياداعى ەرىكتىلەر ارمياسى قۇرباندارىنىڭ سۇيەگىن وتانعا اكەلىپ جەرلەۋ سالتى، ”تيانگۇڭ“ عارىشكەرلەرىمەن اڭگىمەلەسۋ سياقتى قيمىلدارعا قاتىناسۋ ارقىلى جۇڭگولىق بولۋ ماقتانىشىن، شياڭگاڭنىڭ جاس ۇرپاقتارى بولۋ بورىشى مەن جاۋاپكەرلىگىن اناعۇرلىم تەرەڭ سەزىنگەندەرىڭدى ءبىلىپ قاتتى قۋاندىم.
وتانشىلدىق − جۇڭحۋا ۇلتى رۋحىنىڭ ۇيىتقىسى، قالىڭ شياڭگاڭدىق باۋىرلاستاردا ەجەلدەن وتاندى ءسۇيۋ، شياڭگاڭدى ءسۇيۋ داڭقتى ءداستۇرى بار، بۇل − ”ءبىر ەل، ەكى ءتۇزىمنىڭ“ نىق قاداممەن الىسقا جەتۋىنىڭ ماڭىزدى نەگىزى. سەندەردىڭ تۇمەن كىتاپ وقۋدى تۇمەن شاقىرىم جول باسۋمەن ۇشتاستىرىپ، دۇنيە ءجۇزىنىڭ دامۋ اۋقىمىن تەرەڭ تانىپ، وتاننىڭ تاريحي مادەنيەتى مەن رەال مەملەكەت جاعدايىن ىشكەرىلەي ءتۇسىنىپ، وتانعا دەگەن سۇيىسپەنشىلىكتەرىڭدى نىعايتىپ، شىنايى ونەرلەرىڭدى شىڭداپ، ەرتەرەك اۋىر مىندەت ارقالاي الاتىن تىرەكتى دارىندىلار بولىپ جەتىلۋلەرىڭدى، كورىكتى شياڭگاڭ قۇرۋعا، ۇلتتىڭ گۇلدەنۋىن جۇزەگە اسىرۋعا بەلسەنە ۇلەس قوسۋلارىڭدى ءۇمىت ەتەمىن.
شي جينپيڭ
2023 – جىلى 7 - ايدىڭ 24 – كۇنى
(شينحۋا اگەنتتىگى، 7 - ايدىڭ 25 - كۇنى، بەيجيڭ)
شينحۋا اگەنتتىگى، 7 - ايدىڭ 25 - كۇنى، بەيجيڭ. مەملەكەت ءتوراعاسى شي جينپيڭ 7 - ايدىڭ 24 - كۇنى شياڭگاڭداعى پەيچياۋ ورتا مەكتەبىنىڭ ورتا مەكتەپ 1 - جىلدىعىنداعى بارلىق وقۋشىعا جاۋاپ حات جازىپ، ولاردى شىن ىقىلاسپەن شابىتتاندىردى.
شي جينپيڭ جاۋاپ حاتىندا بىلاي دەدى: سەندەردىڭ كورەياداعى ەرىكتىلەر ارمياسى قۇرباندارىنىڭ سۇيەگىن وتانعا اكەلىپ جەرلەۋ سالتى، ”تيانگۇڭ“ عارىشكەرلەرىمەن اڭگىمەلەسۋ سياقتى قيمىلدارعا قاتىناسۋ ارقىلى جۇڭگولىق بولۋ ماقتانىشىن، شياڭگاڭنىڭ جاس ۇرپاقتارى بولۋ بورىشى مەن جاۋاپكەرلىگىن اناعۇرلىم تەرەڭ سەزىنگەندەرىڭدى ءبىلىپ قاتتى قۋاندىم.
شي جينپيڭ بىلاي دەپ اتاپ كورسەتتى: وتانشىلدىق − جۇڭحۋا ۇلتى رۋحىنىڭ ۇيىتقىسى، قالىڭ شياڭگاڭدىق باۋىرلاستاردا ەجەلدەن وتاندى ءسۇيۋ، شياڭگاڭدى ءسۇيۋ داڭقتى ءداستۇرى بار، بۇل − ”ءبىر ەل، ەكى ءتۇزىمنىڭ“ نىق قاداممەن الىسقا جەتۋىنىڭ ماڭىزدى نەگىزى. سەندەردىڭ تۇمەن كىتاپ وقۋدى تۇمەن شاقىرىم جول باسۋمەن ۇشتاستىرىپ، دۇنيە ءجۇزىنىڭ دامۋ اۋقىمىن تەرەڭ تانىپ، وتاننىڭ تاريحي مادەنيەتى مەن رەال مەملەكەت جاعدايىن ىشكەرىلەي ءتۇسىنىپ، وتانعا دەگەن سۇيىسپەنشىلىكتەرىڭدى نىعايتىپ، شىنايى ونەرلەرىڭدى شىڭداپ، ەرتەرەك اۋىر مىندەت ارقالاي الاتىن تىرەكتى دارىندىلار بولىپ جەتىلۋلەرىڭدى، كورىكتى شياڭگاڭ قۇرۋعا، ۇلتتىڭ گۇلدەنۋىن جۇزەگە اسىرۋعا بەلسەنە ۇلەس قوسۋلارىڭدى ءۇمىت ەتەمىن (جاۋاپ حاتتىڭ تولىق مازمۇنى بولەك جاريالاندى).
پەيچياۋ ورتا مەكتەبى 1946 - جىلى قۇرىلعان، جاڭا جۇڭگو قۇرىلعاننان كەيىنگى تۇڭعىش توپتاعى بەس جۇلدىزدى قىزىل تۋ جەلبىرەگەن شياڭگاڭ مەكتەپتەرىنىڭ ءبىرى، مەكتەپ قۇرىلعاننان بەرى وتاندى، شياڭگاڭدى سۇيەتىن قىرۋار دارىندى تاربيەلەدى. تاياۋدا پەيچياۋ ورتا مەكتەبى ورتا مەكتەپ 1 - جىلدىعىنداعى بارلىق وقۋشى ءتوراعا شي جينپيڭگە حات جازىپ، مەكتەپتىڭ وتانشىلدىق تاربيە قيمىلىنا قاتىناسۋدان العان اسەرلەرىنەن مالىمەت بەرىپ، وتاندى، شياڭگاڭدى ءسۇيۋ رۋحىن جالعاستىرىپ، مەملەكەتتىڭ قۇدىرەتتەنۋىنە جانە شياڭگاڭنىڭ گۇلدەنۋىنە ۇلەس قوسۋ بەكىمدەرىن بىلدىرگەن بولاتىن.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
