شي جينپيڭ كامبودجا حالىق پارتياسىنىڭ ءتوراعاسى حۇڭسىنعا قۇتتىقتاۋ تەلەگرامماسىن جولدادى
لي چياڭ باس ءۋازىر حۇڭسىنعا قۇتتىقتاۋ تەلەگرامماسىن جولدادى
2023.07.26 17:00 كەلۋ قاينارى : حالىق تورابى
شينحۋا اگەنتتىگى، 7 - ايدىڭ 25 - كۇنى، بەيجيڭ. 7 - ايدىڭ 25 - كۇنى ج ك پ ورتالىق كوميتەتىنىڭ باس شۋجيى شي جينپيڭ كامبودجا حالىق پارتياسىنىڭ ءتوراعاسى حۇڭسىنعا قۇتتىقتاۋ تەلەگرامماسىن جولداپ، ونىڭ كامبودجا حالىق پارتياسىنا باسشىلىق ەتىپ، 7 - كەزەكتى مەملەكەتتىك زور سايلاۋدا جەڭىسكە جەتكەنىن قۇتتىقتادى.
شي جينپيڭ بىلاي دەپ اتاپ كورسەتتى: ءبىز ءتوراعا حۇڭسىن باستاعان كامبودجا پاتشالىق ۇكىمەتىنىڭ دۇرىس باسشىلىعىندا كامبودجانىڭ ساياسيى ورنىقتى بولىپ، ەكونوميكاسى دامىپ، حالىق تۇرمىسى جاقسارىپ، حالىقارالىق جانە وڭىرلىك ورنىنىڭ ۇزدىكسىز جوعارىلاعانىن قۋانىشپەن كورىپ وتىرمىز. جۇڭگو جاق كامبودجانىڭ ءوز مەملەكەت جاعدايىنا ۇيلەسەتىن دامۋ جولىمەن ءجۇرۋىن بۇرىنعىداي قولدايدى، ءتوراعا حۇڭسىننىڭ پارمەندى باسشىلىعىندا كامبودجا حالىق پارتياسىنىڭ مەملەكەتتىڭ گۇلدەنۋى مەن حالىقتىڭ باقىتى ءۇشىن، ءوڭىردىڭ بەيبىتشىلىگى، ورنىقتىلىعى جانە دامىپ، گۇلدەنۋى ءۇشىن تىڭ دا اناعۇرلىم زور ۇلەس قوساتىنىنا سەنەمىز.
شي جينپيڭ بىلاي دەپ دارىپتەدى: جۇڭگو مەن كامبودجا − تاعدىرلاس ورتاق تۇلعا. جۇڭگو كوممۋنيستىك پارتياسى كامبودجا حالىق پارتياسىمەن دوستىق سەلبەستىككە ايرىقشا ءمان بەرەدى، مەن ءتوراعا حۇڭسىنمەن بىرگە ەكى جاقتى قارىم - قاتىناسقا ساياسي جەتەكشىلىكتى كۇشەيتىپ، پارتيالار ارا جانە باسقا سالالارداعى اۋىس - كۇيىستى، سەلبەستىكتى تەرەڭدەتىپ، ساپالى، جوعارى دەڭگەيلى، جوعارى ولشەمدى جاڭا داۋىردەگى جۇڭگو - كامبودجا تاعدىرلاس ورتاق تۇلعاسىن قول ۇستاسا قۇرىپ، ەكى ەلدى جانە ەكى ەل حالىقتارىن اناعۇرلىم جاقسى باقىتقا كەنەلتۋدى قالايمىن.
سول كۇنى مەملەكەتتىك كەڭەستىڭ زۇڭليى لي چياڭ حۇڭسىنعا قۇتتىقتاۋ تەلەگرامماسىن جولدادى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
